အာရှအမျိုးသမီးချန်ပီယံလိဂ်ပြိုင်ပွဲ၊ အုပ်စုဒုတိယအဆင့်ပွဲစဉ်အဖြစ် မြန်မာ (ISPE) အသင်းနှင့် ဂျပန်ကလပ် တိုကျိုဗာဒီအမျိုးသမီးအသင်းတို့ ယနေ့ နိုဝင်ဘာ (၁၂) ရက် ညနေ (၃) နာရီအချိန်၌ ယှဉ်ပြိုင်ကစားသွားကြမည်ဖြစ်သည်။
အဆိုပါပွဲစဉ်အတွက် ကွင်းဝင်ကြေးအခမဲ့အဖြစ် ကြည့်ရှု့ခွင့်ပေးထားပြီး Sky Net ရုပ်သံလိုင်းများ၊ MRTV နှင့် AFC Hub YouTube Channel တို့မှလည်း တို-က်ရို-က်ပြသသွားမည်ဖြစ်ကြောင်း သိရသည်။
အာရှအမျိုးသမီးချန်ပီယံလိဂ်ဘောလုံးပြိုင်ပွဲ၏ အုပ်စုအဖွင့်ပွဲစဉ်အတွင်းမှာပင် မြန်မာအမျိုးသမီးအသင်း (ISPE) သည် တောင်ကိုရီးယားအမျိုးသမီးအသင်း (Suwon FC) အသင်းကို (၅) ဂိုးပြတ်ဖြင့် ရှုံးနိမ့်ထားသည်။
အာရှအမျိုးသမီးချန်ပီယံလိဂ်ပြိုင်ပွဲ အုပ်စုဒုတိယအဆင့်ပွဲစဉ်များတွင် မြန်မာအသင်းယှဉ်ပြိုင်ရမည့် အသင်းတိုင်းသည် ကမ္ဘာ့အဆင့်ကစားနေသည့် အသင်းများဖြစ်သည့်အတွက် ပရိသတ်များက စိုးရိမ်မှုများရှိကြသော်လည်း အနိုင်ရလဒ်ထွက်ပေါ်ရန် စိတ်အားထက်သန်နေကြကြောင်း သိရသည်။