အာဆီယံ-ကိုရီးယား မိတ်ဖက်ဆက်ဆံရေးနှင့်အညီ အကော င်အထည်ဖော်မည့် ကိစ္စရပ်များအား မြန်မာနိုင်ငံမှ အပြည့် အဝ ပူးပေါင်းဆောင်ရွက်သွားမည်

အာဆီယံ-ကိုရီးယား မိတ်ဖက်ဆက်ဆံရေးနှင့်အညီ အကော င်အထည်ဖော်ဆောင်ရွက်မည့် ကိစ္စရပ်များအပေါ် မြန်မာနို င်ငံအနေဖြင့် အပြည့်အဝ ပူးပေါင်းဆောင်ရွက်သွားမည်ဟု အာဆီယံ-ကိုရီးယား သမ္မတနိုင်ငံဆိုင်ရာ မြန်မာသံအမတ်ကြီး ဦးသန့်စင်က ပြောကြားသည်။

ဆိုးလ်မြို့ရှိ The Westin Josun Seoul ၌ ဖေဖော် ဝါရီ (၁၃) ရက်က ကျင်းပသည့် အာဆီယံ-ကိုရီးယားဗဟိုဌာန (ASE AN-Korea Centre- AKC) ကောင်စီ၏ (၁၇) ကြိမ်မြောက် နှစ်ပတ်လည် အစည်းအဝေးနှင့် ဂုဏ်ပြုညစာစားပွဲအခမ်း အနားတို့တွင် အာဆီယံ-ကိုရီးယားသမ္မတနိုင်ငံဆိုင်ရာ မြန် မာသံအမတ်ကြီး ဦးသန့်စင်က ပါဝင်တက်ရောက်ဆွေးနွေးပြောကြားခဲ့ခြင်းဖြစ်သည်။

အဆိုပါ အစည်းအဝေးသို့ AKC အတွင်းရေးမှူးချုပ် H.E. Mr. Kim Jae-shin၊ အာဆီယံအဖွဲ့ဝင်နိုင်ငံများမှ သံအမတ်ကြီးများနှင့် အဆင့်မြင့်အရာရှိကြီးများ၊ ကိုရီးယားသမ္မတ နိုင်ငံ၊ နိုင်ငံခြားရေးဝန်ကြီးဌာန၊ အာဆီယံနှင့် အရှေ့တောင်အာရှဆိုင်ရာဦးစီးဌာနမှ ခေတ္တညွှန်ကြားရေးမှူးချုပ် Mr. Lee Dong-gy တို့ ပါဝင်တက်ရောက်ခဲ့ကြကြောင်း သိရသည်။

အစည်းအဝေး၌ အာဆီယံနှင့် ကိုရီးယားသမ္မတနိုင်ငံတို့အ ကြား တည်ရှိသည့် မိတ်ဖက်ဆက်ဆံ ရေးကို ၂၀၂၄ ခုနှစ်တွင် ဘက်စုံမဟာဗျူဟာမြောက် မိတ်ဖက်ဆက်ဆံရေး အဆင့်သို့ မြှင့်တင်ပြီး နောက်ပိုင်း AKC အနေဖြင့် အာဆီယံနှင့် ပူးပေါင်းဆောင်ရွက်မှုများကို အဆင့်မြှင့်တင်မည့် ကိစ္စရပ်များကို ဆွေးနွေးခဲ့ကြကြောင်း သိရသည်။

ထို့ပြင် ၂၀၂၅ ခုနှစ်အတွင်း အကောင်အထည်ဖော်မည့် လု ပ်ငန်းစဉ်များ၊ အာဆီယံနှင့် ကိုရီးယားနိုင်ငံတို့ အကြား ကုန် သွယ်မှုနှင့် ရင်းနှီးမြှုပ်နှံမှု တိုးတက်လာစေရန် အစီအစဉ်များနှင့် ယဉ်ကျေးမှုနှင့် ခရီးသွား လုပ်ငန်းမြှင့်တင်ရေး အ ထောက်အကူဖြစ်စေမည့် အာဆီယံပြခန်းပြောင်းရွှေ့ဖွင့်လှစ်မည့် ကိစ္စရပ်တို့ကို တက်ရောက်လာသည့် ကိုယ်စား လှယ်များက ဆွေးနွေးအတည်ပြုခဲ့ကြကြောင်း သိရသည်။

မြန်မာသံအမတ်ကြီးက အစည်းအဝေး၌ ၂၀၂၅ ခုနှစ်အတွ က် AKC ကောင်စီဉက္ကဋ္ဌ တာဝန်ယူမည့် မလေးရှားနိုင်ငံ ကို ယ်စားလှယ်အား ဂုဏ်ယူဝမ်းမြောက်ကြောင်းနှင့် ကိုရီးယားအစိုးရမှ AKC အား ဆက်လက်ပံ့ပိုးပေးနေသည့်အတွက် ကျေးဇူးတင်ရှိကြောင်း ထည့်သွင်းပြောကြားခဲ့သည်။

ဆက်လက်၍ AKC မှ ၂၀၂၄ ခုနှစ်အတွင်း အကောင်အထ ည်ဖော်ခဲ့သည့် ကိစ္စရပ်များကို ခြုံငုံသုံးသပ်ပြောကြားခဲ့ပြီး အာဆီယံ-ကိုရီးယား မိတ်ဖက်ဆက်ဆံရေးသည် ၂၀၂၅ ခုနှစ်တွင် မြှင့်တင်ပြီးသည့် ဘက်စုံမဟာဗျူဟာမြောက် မိတ်ဖက်ဆက်ဆံရေးနှင့်အညီ အကောင်အထည်ဖော်မည့် ကိစ္စရပ်များအပေါ် မြန်မာနိုင်ငံအနေဖြင့် အပြည့်အဝ ပူးပေါင်းဆောင်ရွက်သွားမည်ဖြစ်ကြောင်းနှင့် အဆိုပြုထားသည့် လုပ်ငန်း အစီအစဉ်နှင့် ဘက်ဂျက်အပေါ် ထောက်ခံကြောင်း မြန်မာသံအမတ်ကြီးက ထည့်သွင်းပြောကြားခဲ့သည်။

အစည်းအဝေးပြီးနောက် ဂုဏ်ပြုညစာစားပွဲကို ဆက်လက်ကျင်းပပြုလုပ်ခဲ့ရာ ကိုရီးယားနိုင်ငံခြားရေး ဝန်ကြီးဌာန၊ ဒုတိယဝန်ကြီး H.E. Kang Insun တက်ရောက်၍ အာဆီယံနှင့် ကိုရီးယားသမ္မတ နိုင်ငံတို့အကြား အားလုံးပါဝင်သည့် မဟာဗျူဟာမြောက် မိတ်ဖက်ဆက်ဆံရေးသို့ အောင်မြင်စွာ တိုးမြှင့်နိုင်ခဲ့မှု အခြေအနေများနှင့် နှစ်ဖက်အကြား ပူးပေါ င်းဆောင်ရွက်မှုများကို ပိုမိုလုပ်ဆောင်သွားမည်ဟု ဂုဏ်ပြုအမှာစကားပြောကြားခဲ့ကြောင်း သိရသည်။