အရှေ့မြောက်တိုင်းစစ်ဌာနချုပ်သို့ အလင်းဝင်လာသည့် DPLA ၊ TNLA အဖွဲ့နှင့် PDF အဖွဲ့ဝင် အမျိုးသား (၃၀)ဦးနှင့် အမျိုးသမီး(၄၂)ဦး(စုစုပေါင်း ၇၂ ဦး)တို့ကို ယနေ့ မေ ၁၁ ရက်က မိဘအုပ်ထိန်းသူများထံပြန်လည်အပ်နှံပေးခဲ့ကြောင်း သိရသည်။
၎င်းတို့အား ရှမ်းပြည်နယ်(မြောက်ပိုင်း)၊ ကျောက်မဲမြို့၊ မြို့ကျက်သရေဆောင်ခန်းမ၌ မိဘအုပ်ထိန်းသူများထံပြန်လည်အပ်နှံရာ အရှေ့မြောက်တိုင်းတိုင်းစစ်ဌာနချုပ် တိုင်းမှူး ဗိုလ်ချုပ်အေးမင်းဦးက ထောက်ပံ့ပစ္စည်းများ ပေးအပ်ပြီး ဝန်ခံကတိလက်မှတ်ရေးထိုးစေကာ မိဘအုပ်ထိန်းသူများထံပြန်လည်အပ်နှံပေးခဲ့ကြောင်း သိရသည်။
DPLA ၊ TNLA နှင့် PDF အဖွဲ့ဝင်များဖြစ်သည့် နောင်ချိုမြို့မှ အမျိုးသား(၁၇)ဦး၊ အမျိုးသမီး(၃၇)ဦး၊ ကျောက်မဲမြို့မှ အမျိုးသား(၆)ဦး၊ အမျိုးသမီး(၂)ဦး၊ သီပေါမြို့မှ အမျိုးသား(၇)ဦး၊ အမျိုးသမီး(၃)ဦးတို့အလင်း ဝင်ခဲ့ခြင်းဖြစ်ကြောင်း သိရသည်။
ယနေ့ မေ ၁၁ ရက်တွင် ဧရာဝတီတိုင်း၊ ပုသိမ်မြို့ရှိ အ နောက်တောင်တိုင်းစစ်ဌာနချုပ်၌ လက်နက်ခဲယမ်းများနှင့်အတူအလင်းဝင်လာသည့် AA နှင့် PDF အဖွဲ့ဝင် (၃၁)ဦးအား မိဘအုပ်ထိန်းသူများထံပြန်လည်အပ်နှံပေးခဲ့ကြောင်း သိရသည်။