အရှေ့တီမော ခေါ် တီမောလက်စ်တီး နိုင်ငံသည် တနင်္ဂနွေနေ့(အောက်တိုဘာလ ၂၆ရက်နေ့) တွင် အရှေ့တောင်အာရှနိုင်ငံများအသင်း(အာဆီယံ)၏ ၁၁ နိုင်ငံမြောက် အဖွဲ့ဝင်နိုင်ငံဖြစ်လာခဲ့ပြီဖြစ်ကာ ပေါ်တူဂီအုပ်ချုပ်မှုလက်အောက်ကျရောက်စဉ် လွန်ခဲ့သော ရာစုနှစ်ဝက်နီးပါးက တည်းက ချမှတ်ခဲ့သော နိုင်ငံ့၏ လက်ရှိသမ္မတ၏ ရည်မှန်းချက်သည် ပြည့်ဝလာခဲ့ပြီဖြစ်သည်။
လူဦးရေ ၁ ဒဿမ ၄ သန်းသာရှိပြီး တီမောလက်စတီးဟုလည်း ပေါ်တူဂီ ဘာသာစကားအရ ခေါ်ဆိုသည့် နိုင်ငံသည် အာရှ၏ အဆင်းရဲဆုံးနိုင်ငံများတွင် ပါဝင်သည်။ ဒေါ်လာ ၃ ဒဿမ ၈ ထရီလျံရှိသော အာဆီယံ၏ စုစုပေါင်းဂျီဒီပီတွင် ဒေါ်လာ ၂ ဘီလျံခန့်ဖြင့် သေးငယ်သောအစိတ်အပိုင်းမျှကိုသာကိုယ်စားပြုသော နိုင်ငံသည် စီးပွားရေးပေါင်းစည်းမှုမှ အကျိုးကျေးဇူးများရရန် မျှော်လင့်နေသည်။
အရှေ့တီမောအနေဖြင့် ၁၄ နှစ်ကြာစောင့်ဆိုင်းခဲ့ရပြီးမှ အာဆီယံအဖွဲ့သို့ ဝင်ရောက်ခွင့်ရခဲ့ခြင်းဖြစ်သည်။ ၎င်း၏ အဖွဲ့ဝင်ဖြစ်မှုသည် အပြောင်းအလဲများဖြစ်လာနိုင်သည်ဟု မမျှော်လင့်နိုင်သော်လည်း နိုင်ငံ၏ လွတ်လပ်ရေးကြိုးပမ်းမှု၌ သူရဲကောင်းများဖြစ်ကြသည့် ဟိုဆေး ရာမို့စ်ဟော်တာနှင့် ဝန်ကြီးချုပ် ဇာနာနာ ဂုစ်မာအိုတို့အတွက် သမိုင်းဝင်အောင်ပွဲတစ်ခုဖြစ်သည်။
အဖွဲ့သို့ဝင်ရောက်ခြင်းကို တနင်္ဂနွေနေ့က ကွာလာလမ်ပူရ်တွင် ကျင်းပသော နှစ်ပတ်လည်ထိပ်သီးအစည်းအဝေးဖွင့်ပွဲတွင် အာဆီယံခေါင်းဆောင်များက တရားဝင်ကြေညာခဲ့ပြီး အရှေ့တီမောနိုင်ငံတော်အလံကို စင်မြင့်ပေါ်တွင် လွှင့်ထူခဲ့စဉ် လက်ခုပ်သြဘာပေးခဲ့ကြသည်။
ယခုအချိန်အခါသည် ၎င်း၏ နိုင်ငံအတွက် သမိုင်းဝင်အခိုက်အတန့်ဖြစ်ပြီး ကုန်သွယ်ရေးနှင့် ရင်းနှီးမြှုပ်နှံမှုအတွက် ကြီးမားသောအခွင့်အလမ်းများကို ယူဆောင်လာမည့် အစပြုခြင်းအသစ်တစ်ခုဖြစ်ကြောင်း ဝန်ကြီးချုပ် ဂုစ်မာအိုက စိတ်ခံစားချက်အပြည့်ဖြင့် ပြောကြားသွားခဲ့သည်။
Ref ဘန်ကောက်ပို့စ်