နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီး မင်းအောင်လှိုင်မှ နိုဝင်ဘာ ၁၇ ရက်(ယနေ့)တွင််ကျရောက်သည့် (၁၀၂)နှစ်မြောက် အမျိုးသားအောင် ပွဲနေ့အခမ်းအနားသို့ပေးပို့သည့် သဝဏ်လွှာ၌ ရေးသားပြောကြားခဲ့ခြင်းဖြစ်သည်။
ယနေ့အချိန်တွင် နိုင်ငံတော်သည် စစ်မှန်သောမျိုးချစ်စိတ်ဓာတ်ဖြစ်သည့် ပြည်ထောင်စုစိတ် ဓာတ်ရှင်သန်ထက်မြက်ရေး၊တိုင်းရင်းသားလူမျိုးအပေါင်းတို့၏ ဓလေ့ထုံးတမ်းအစဉ်အလာများကို လေးစားလိုက်နာ၍ အမျိုးသားယဉ်ကျေးမှုစရိုက်လက္ခဏာများမပျောက်ပျက်အောင် ထိန်းသိမ်းစောင့်ရှောက်ရေးနှင့်တစ်မျိုးသားလုံးကျန်းမာကြံ့ ခိုင်ရေး၊ပညာရည်မြင့်မားရေးတို့ကို ဦးတည်ကြိုး ပမ်းဆောင်ရွက်လျက်ရှိသည်ဟု သဝဏ်လွှာ၌ ရေးသားထားသည်။
အမျိုးသားရေး စိတ်ဓာတ်အခြေခံဖြင့် တိုင်းရင်း သားစည်းလုံးညီညွတ်မှုခိုင်မြဲရေး၊တိုင်းရင်းသားတို့၏ ညီညွတ်သော စုပေါင်းစွမ်းပကားဖြင့် ဒီမိုကရေစီနှင့်ဖက်ဒရယ်စနစ်ကိုအခြေခံသည့် ပြည် ထောင်စုကြီး အောင်မြင်စွာတည်ဆောက်ရေးကို ပြည်သူတစ်ရပ်လုံးက ပူးပေါင်းပါဝင်လာရန်လည်း စီမံဆောင်ရွက်လျက်ရှိသည်ဟု ရေးသားထားသည်။
အမျိုးသားအောင်ပွဲနေ့၏ စည်းလုံးညီညွတ်မှု အ နှစ်သာရကိုအခြေခံ၍ ပြည်ထောင်စုဖွား တိုင်း ရင်းသားပြည်သူများအားလုံး၏ စုစည်းညီညွတ်မှုအားဖြင့် ငြိမ်းချမ်းသာယာဘက်စုံဖွံ့ဖြိုးတိုး တက်သည့် နိုင်ငံတော်ကြီးတည်ဆောက်ရမည်ဟု သဝဏ်လွှာ၌ တိုက်တွန်းရေးသားထားသည်။
နိုင်ငံတော်အနေဖြင့် သမိုင်းဖြစ်ရပ်များအပေါ် သင်ခန်းစာယူကာ ဖွဲ့စည်းပုံအခြေခံဥပဒေ(၂၀၀၈ ခုနှစ်)နှင့်တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)တို့အပေါ်အခြေခံ၍ ငြိမ်းချမ်းရေးလမ်းကြောင်းကို တည်ဆောက်လျက်ရှိသည်။
လက်နက်ကိုင်ပဋိပက္ခများချုပ်ငြိမ်း၍ စစ်မှန်သည့်ငြိမ်းချမ်းရေးရရှိစေရန် တိုင်းနှင့်ပြည်နယ်အသီးသီးမှ သက်ဆိုင်ရာကိုယ်စားလှယ်များအား ဖိတ်ခေါ်ဆွေးနွေးကာ ပြည်ထောင်စုအကျိုး၊တိုင်း ရင်းသားတို့၏ အကျိုးကိုရှေးရှု၍ နှစ်ဖက်အမြင်များကို ရင်းနှီးပွင့်လင်းစွာ အပြန်အလှန်ဆွေးနွေးညှိနှိုင်းလျက်ရှိသည်။
ဆွေးနွေးညှိနှိုင်းခြင်းဖြင့်သာ လက်ရှိကြုံတွေ့နေရသည့် အခက်အခဲပြဿနာများကို ဖြေရှင်းနိုင်မည်ဖြစ်ပြီး နိုင်ငံတော်ကို အေးချမ်းသာယာဖွံ့ဖြိုးတိုး တက်အောင် ပူးပေါင်းလုပ်ဆောင်နိုင်ကြလိမ့်မည်ကိုယုံကြည်သည်ဟု နစက ဥက္ကဋ္ဌပေးပို့သည့် သဝဏ်လွှာ၌ရေးသားထားသည်။
နိုင်ငံသားတိုင်းမှ ၂၀၂၂ ခုနှစ်၊ (၁၀၂)နှစ်မြောက် အမျိုးသားအောင်ပွဲ နေ့ ဦးတည်ချက်များဖြစ်သည့် ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုကြီးတည်ဆောက်ရေး၊ကောင်းမြတ်မှန်ကန်သော မျိုးချစ်စိတ်၊တိုင်းပြည်ချစ်စိတ် ထာ ဝရရှင်သန်ထက်မြက်ရေး၊အမျိုးသားပညာရည်မြှင့်တင်လျက် စွမ်းဆောင်ရည်မြင့်မားသော နိုင်ငံ သားများ ပေါ်ထွန်းလာစေရေး၊မြန်မာ့လူမှုစီးပွား ရေးကို ခေတ်မီနည်းပညာစွမ်းအားဖြင့် မြင့်မားအောင်ဆောင်ရွက်ရေးတို့အတွက် ခိုင်မြဲသောစိတ် ဓာတ်၊မလျှော့သောဇွဲလုံ့လ၊ကြီးမားသော ဉာဏ်ပ ညာတို့ဖြင့် ဆက်လက်ကြိုးပမ်းအကောင်ထည်ဖော်ဆောင်ရွက်ရမည်ဖြစ်သည်ဟု ရေးသားထားသည်။
အနှစ်သာရပြည့်ဝပြီး ထူးခြားလေးမြတ်လှသည့် အမျိုးသားအောင်ပွဲနေ့အခါသမယ၌ “နိုင်ငံဘက် စုံဖွံ့ဖြိုးဖို့၊တိုင်းရင်းသားအားလုံး စည်းလုံးညီ ညွတ်စို့”ဟူသည့် (၁၀၂)နှစ်မြောက် အမျိုးသားအောင်ပွဲနေ့ ဆောင်ပုဒ်နှင့်အညီ ဘိုးဘွားအမွေ အ မိပြည်ထောင်စုကြီးကို အမျိုးသားရေးစိတ်ဓာတ်ဖြင့် အမျိုးသားအကျိုးစီးပွားကို ကာကွယ်စောင့် ရှောက်သွားကြရန်၊တိုင်းရင်းသားအားလုံး၏ ဘာ သာစကား၊ စာပေ၊ ယဉ်ကျေးမှု၊ အနုပညာ၊ ရိုးရာ ဓလေ့နှင့်သမိုင်းအမွေအနှစ်များ၏ အနှစ်သာရများကို တန်ဖိုးထားထိန်းသိမ်းမြှင့်တင်သွားကြပါရန် သဝဏ်လွှာ၌တိုက်တွန်းရေးသားထားသည်။
ထို့ပြင် အတွေးအခေါ်မှန်ကန်၍ အကျင့်စာရိတ္တကောင်းမွန်သော လူ့စွမ်းအားအရင်းအမြစ်များကို အားလုံးကကြိုးစားပြုစုပျိုးထောင်ပေးကြပါရန်၊ခေတ်စနစ် လိုအပ်ချက်များနှင့်အညီ နိုင်ငံဖွံ့ဖြိုးတိုးတက်စေသော ပညာရေးစနစ်ဖြစ်ပေါ်ရေးကို ဝိုင်းဝန်းစွမ်းဆောင်ပေးကြပါရန် နစက ဥက္ကဋ္ဌပေးပို့သည့် သဝဏ်လွှာ၌ အလေးအနက်ထားတိုက် တွန်းရေးသားထားသည်။