တိုင်ပေ၊ဒီဇင်ဘာ ၇
အမေရိကန်နိုင်ငံခြားရေးဝန်ကြီးဌာနသည် ထိုင်ဝမ်လေတပ်အား ကူညီနိုင်ရန်အတွက် အ မေရိကန်ဒေါ်လာ ၄၂၈ သန်းတန်ဖိုးရှိ လေယာဉ်အပိုပစ္စည်းရောင်းချမှုအား ခွင့်ပြုလိုက်ပြီဖြစ်ကြောင်းသိရှိရသည်။
ထိုင်ဝမ်လေတပ်သည် စုစည်းမှုကောင်းမွန်သော်လည်း အသုံးပြုသည့်ပစ္စည်းများသည် အချိန်ကာလကြာမြင့်နေပြီဖြစ်သဖြင့် တရုတ်နိုင်ငံနှင့်ယှဉ်ပါကသေးနုပ်နေသည်။
ပင်တဂွန်၏ထုတ်ပြန်ချက်အရ ယခုရောင်းချပေးမည့်အစိတ်အပိုင်းများသည် ထိုင်ဝမ်၏ F – 16 တိုက်လေယာဉ်များ၊ကာကွယ်ရေးတိုက်လေယာဉ်များနှင့် အခြားအမေရိကန်ထုတ်လေယာဉ်များအားလုံးအတွက်အသုံးပြုနိုင်မည်ဟုသိရှိရသည်။
အမေရိကသည် ထိုင်ဝမ်နှင့်တရားဝင်သံတမန်ဆက်ဆံရေးမရှိသော်လည်း ထိုင်ဝမ်၏အရေးအကြီးဆုံးလက်နက်ထောက်ပံ့သူဖြစ်သည်ဟုဖော်ပြထားသည်။
ထိုင်ဝမ်သမ္မတရုံး၏ထုတ်ပြန်ချက်အရ ဘိုင်ဒင်အစိုးရလက်ထက်၌ ယခုတစ်ကြိမ်ရောင်းချမှုသည် ခုနစ်ကြိမ်မြောက်ဖြစ်ပြီး အမေရိက၏အကူအညီကြောင့် ထိုင်ဝမ်အနေဖြင့် ရန်စမှုများကို မိမိဘာသာ ကာကွယ်နိုင်စွမ်းမြင့်မားလာသည်ဟုပါရှိသည်။
တရုတ်နိုင်ငံအနေဖြင့်လည်း ထိုင်ဝမ်သို့အမေရိက၏လက်နက်ရောင်းချမှုအား ရပ်တန့်ပေးရန်အကြိမ်ကြိမ်တောင်းဆိုထားပြီး အမေရိကန်၏ လက်နက်ထုတ်သူလုပ်သူများကိုလည်း ပိတ်ဆို့အရေးယူမှုများပြုလုပ်ခဲ့သည်။
Source : Reuters