ရန်ကုန်တိုင်း၊အင်းစိန်မြို့နယ်၊အင်းစိန်ဗဟိုအကျဥ်းထော င် ဝင်/ထွက်ဂိတ်ပေါက်ရှိ ပါဆယ်ထုပ်လက်ခံသည့် အ ဆောက်အဦးအတွင်းနှင့်အပြင်ဘက်တွင် အောက်တိုဘာ ၁၉ ရက်နံနက် ၉ နာရီ ၄၀ မိနစ်ခန့်က ပါဆယ်ဗုံးဖြင့်ဖောက်ခွဲခဲ့သူများအနက် ၂ ဦးကို ဖမ်းဆီးရမိခဲ့သည်ဟု နစက ကထုတ်ပြန်ခဲ့သည်။
ဖြစ်စဥ်တွင် ပြစ်မှုကျူးလွန်သူများအား ဖမ်းဆီးရမိရေးအတွက် အင်းစိန်မြို့မရဲစခန်းက(ပ) ၇၂၆/၂၀၂၂၊အကြ မ်းဖက်မှုတိုက်ဖျက်ရေးဥပဒေပုဒ်မ ၅၀(ဈ)/၅၄ တို့ဖြင့်အမှုဖွင့်ကာ လုံခြုံရေးအဖွဲ့ဝင်များနှင့်ပူးပေါင်း၍ စုံစမ်းစစ်ဆေးခဲ့သည်။
အဆိုပါ အင်းစိန်ဗဟိုအကျဉ်းထောင်အား ဗုံးပေါက်ကွဲမှုအား VIDEO ရိုက်ကူး၍ လူမှုကွန်ရက်ပေါ်၌ ထုတ်လွှင့်ခဲ့သူ ချမ်းမြေ့သူ (ခ)ဂျူးဂျူး(ခ)JULU (၂၅)နှစ်အား ဒဂုံမြို့သစ် (အရှေ့ပိုင်း)မြို့နယ်၊မင်းရဲကျော်စွာလမ်းရှိ ဒဂုံတက္ကသိုလ်မှတ်တိုင်၌ အောက်တို ဘာ ၂၅ ရက်ည ၆ နာ ရီ ၂၀ မိနစ်တွင် ဖမ်းဆီးရမိခဲ့ကြောင်း သိရသည်။
၎င်းအား စစ်ဆေးချက်အရ အင်းစိန်ဗဟိုအကျဥ်းထောင်အား ဖောက်ခွဲခဲ့သူ ကောင်းထက်(ခ)ဖိုးစီ(၂၅)နှစ်အား ဒဂုံမြို့သစ်(အရှေ့ပိုင်း)မြို့နယ်၊(၁၃၁)ရပ် ကွက်၊မြတ်လေးလမ်း၊အမှတ်(၂၈၀)၌ 9MM ကျည်(၃၀)တောင့်၊ဒီတိုနေတာ(၂)ချောင်း၊ လက်လုပ်မိုင်းဖောက်ခွဲရာတွင် အသုံးပြုခဲ့သည့် A,B,C,D ခလုတ်များပါ Digital Remote Contr oller တစ်ခု၊ Vinric ဓာတ်ခဲအသေးတစ်လုံး၊ Alkaline ဓာတ်ခဲအသေးတစ်လုံး၊ ပေါက်ကွဲမှုဖြစ်ပွားမှုအား Video ရိုက်ကူးရာတွင် အသုံးပြုသည့် ဖုန်းနံပါတ် 09-750048 060 , 09-950357050 Sim Card ၂ ကတ်ပါ Tecno Pova Neo (နက်ပြာရောင်)ဖုန်းတစ်လုံး၊ Sim Card ၂ ကတ်ပါ Oppo A 5s (အ နက်ရောင်)ဖုန်းတစ်လုံးတို့နှင့်အတူ ဖမ်း ဆီးရမိခဲ့ ကြောင်း နစက သတင်းထုတ်ပြန်ချက်အရ သိရသည်။
စစ်ဆေး ဖော်ထုတ်ချက်များအရ ၎င်းတို့ (၂) ဦးသည် Z Fighter အဖွဲ့ဝင်များဖြစ်ပြီးနောက် ကောင်းထက်(ခ)ဖိုးစီသည် “Special Task Agency of Burma (STA) အထူးတာဝန်လုပ်ငန်းအဖွဲ့၌ အဖွဲ့ဝင်အဖြစ်ထပ်မံဝင်ရောက်ခဲ့ပြီး အင်းစိန်ဗဟိုအကျဥ်းထောင်၏ ပါဆယ်ထုပ်လက်ခံသည့်အဆောက်အဦးအား ဗုံးဖောက်ခွဲခဲ့ခြင်းနှင့် သြဂုတ် ၁၂ ရက်က သင်္ဃန်းကျွန်းမြို့နယ် လ.ဝ.က ရုံး၏ ဦးစီးမှူးဦးဝင်းနိုင်ထွေးနှင့်ဒု-ဦးစီးမှူးဦးကျော်မိုးတို့အား သေနတ်ဖြင့်ပစ်ခတ်ခဲ့သည့်ဖြစ်စဉ်ကိုပါ စစ်ဆေးသိရှိခဲ့ရသည်။
ထို့ကြောင့် ဖမ်းဆီးရမိသူ ၂ ဦးအား ဥပဒေအရထိရောက်စွာအရေးယူရန် လုံခြုံရေးအဖွဲ့ဝင်များက ဆောင်ရွက်လျက်ရှိပြီး ဖမ်းဆီးရန်ကျန်ရှိသူများကိုလည်း ထပ်မံဖမ်းဆီးရမိရေးအတွက် စုံစမ်းစစ်ဆေးလျက်ရှိကြောင်း သိရသည်၊