အင်ဒိုနီးရှားနိုင်ငံ မြောက်ဆူလာဝေစီတွင် ရေကြီးရေလျှံမှုကြောင့် လူ ၁၄ ဦးထက်မနည်း ေ-သဆုံးခဲ့ကြောင်း အရာရှိတစ်ဦးက ဇန်နဝါရီလ ၆ ရက်နေ့တွင် ပြောကြားခဲ့ပြီး ပျေ-ာက်ဆုံးလျက်ရှိသူများကို ရှာဖွေနေဆဲဟု သိရသည်။
ဇန်နဝါရီလ ၅ ရက်နေ့အစောပိုင်းက မိုးသည်းထန်စွာ ရွာသွန်းမှုကြောင့် စီအူကျွန်းပေါ်ရှိ စီအူ တာဂူလန်ဒန် ဘိုင်အာရိုဒေသတွင် ရေကြီးရေလျှံမှုများဖြစ်ခဲ့သည်ဟု ဒေသခံ ကယ်ဆယ်ရေးအေဂျင်စီမှ ပြောရေးဆိုခွင့်ရှိသူ နူရီယာဒင် ဂူမယ်လန်က ပြောကြားခဲ့သည်။
ဇန်နဝါရီလ ၆ ရက်နေ့အထိ ပျေ-ာက်ဆုံးနေဆဲဖြစ်သည့် လူလေးဦးကို ရှာဖွေရန် ကယ်ဆယ်ရေးသမား ၁၆ ဦးကို ဖြန့်ကျက်နေရာချထားကြောင်း မစ္စတာ ဂူမယ်လန်က ရို-က်တာကို ပြောကြားခဲ့ပြီး သဘာဝဘေးအတွင်း လူ ၁၈ ဦး ဒ-ဏ်ရာရခဲ့ကြောင်း ဆက်လက်ပြောကြားခဲ့သည်။
“ပျေ-ာက်ဆုံးနေသူတွေ ထပ်ရှိနေမှာစိုးတဲ့အတွက် ဒေသခံတွေဆီက အချက်အလက်တွေ ဆက်လက်ရယူနေပါတယ်” ဟု ၎င်းက ပြောကြားခဲ့သည်။
သဘာဝဘေးကြုံခဲ့ရသော ဒေသများတွင် ဇန်နဝါရီလ ၆ ရက်နေ့အထိ အဓိကလမ်းများ၌ ကျောက်တုံးကျောက်ခဲများ၊ အမှိုက်သရိုက်များနှင့် ထူထဲသောရွှံ့များ ဖုံးအုပ်နေဆဲဖြစ်ကြောင်းလည်း မစ္စတာ ဂူမယ်လန်က ပြောဆိုသည်။
ရေကြီးရေလျှံမှုများဖြစ်ပြီးနောက် လူဦးရေ ၄၄၄ ဦးထက်မနည်းကို ဒေသတွင်းရှိ စာသင်ကျောင်းများနှင့် ဘုရားကျောင်းများတွင် ရွှေ့ပြောင်းနေရာချပေးထားသည်ဟု နိုင်ငံ၏ သဘာဝဘေးလျော့ကျရေးအေဂျင်စီပြောရေးဆိုခွင့်ရှိသူ အဗ္ဗဒူလ် မူဟာရီက ပြောကြားခဲ့သည်။
အာဏာပိုင်များက မြေတူးစက်များ စေလွှတ်ကာ လမ်းများကို ရှင်းလင်းစေလျက်ရှိကြောင်း ၎င်းက ဆက်လက် ပြောကြားခဲ့သည်။
Ref: သည်စထရိတ်တိုင်းမ်စ်