၂၀၂၂-၂၀၂၃ ပညာသင်နှစ်၊အခြေခံပညာကျောင်းသားအားကစားပွဲတော်၏ ဘောလုံးပြိုင် ပွဲ(အမျိုးသား-ဗိုလ်လုပွဲ)အား ဇန်နဝါရီ ၂၇ ရက်ညနေပိုင်းက နေပြည်တော်ရှိ ဝဏ္ဏသိဒ္ဓိဘောလုံးကွင်း၌ကျင်းပခဲ့သည်။
ဘောလုံးပြိုင်ပွဲ၏ အမျိုးသား-ဗိုလ်လုပွဲအား ရန်ကုန်တိုင်းအသင်းနှင့်ဧရာဝတီတိုင်းအသင်းတို့ ယှဥ်ပြိုင်ကစားခဲ့ကြခြင်းဖြစ်ပြီး ပွဲအပြီးတွင် ဧရာဝတီတိုင်းအသင်းက ရန်ကုန်တိုင်းအသင်းအား ၂ ဂိုး ၁ ဂိုးဖြင့်အနိုင်ရရှိပြီး ဗိုလ်စွဲခဲ့ကြောင်း သိရသည်။
လာရောက် ကြည့်ရှုအားပေးခဲ့သော
နစက ဥက္ကဋ္ဌ၊ဗိုလ်ချုပ်မှူးကြီးမင်းအောင်လှိုင်က ပထမဆုရရှိသည့် ဧရာဝတီတိုင်းအသင်းအား ဂုဏ်ပြုချီးမြှင့်ငွေနှင့်တံခွန်စိုက်ဖလားတို့ကိုပေး အပ်ချီးမြှင့်ခဲ့သည်။
နစက ဒု-ဥက္ကဋ္ဌ၊ ဒု-ဗိုလ်ချုပ်မှူးကြီးစိုးဝင်းမှလည်း ပထမဆုရရှိသည့် ဧရာဝတီတိုင်းအသင်းမှ အားကစားသမားများအား တစ်ဦးချင်းဆုတံဆိပ်များပေးအပ်ချီးမြှင့်ခဲ့သည်။
ထို့ပြင် ပူးတွဲတတိယဆုရရှိသည့် ရှမ်းပြည်နယ်အသင်း၊မန္တလေးတိုင်းအသင်း၊ ဒုတိယဆုရရှိသည့် ရန်ကုန်တိုင်းအသင်းတို့အား တာဝန်ရှိသူများက တစ်ဦးချင်းဆုတံဆိပ်၊ဂုဏ်ပြုဆုနှင့် ချီးမြှင့်ငွေများကိုပေးအပ်ချီးမြှင့်ခဲ့ကြသည်။
နစက ဥက္ကဋ္ဌမှ ၂၀၂၂-၂၀၂၃ ပညာသင်နှစ်၊အ ခြေခံပညာကျောင်းသားအားကစားပွဲတော်တွင် ဝင်ရောက်ယှဉ်ပြိုင်ခဲ့သည့် တိုင်းနှင့်ပြည်နယ်အသီးသီးမှပြိုင်ပွဲဝင်အသင်းများအား တစ်သင်းလျင် ငွေကျပ်သိန်း ၅၀ စီချီးမြှင့်ပေးအပ်ခဲ့သည်။
ယခုနှစ်ပွဲတော်အား ဇန်နဝါရီ ၁၇ ရက်မှ ဇန်နဝါရီ ၂၇ ရက်အထိကျင်းပခဲ့ပြီး အားကစားထူးချွန်သည့် ကျောင်းသား၊ကျောင်းသူ များအား ရွေးချယ်လေ့ကျင့်ပေးသွားပါက အခြေ ခံကျောင်းသားများ တက္ကသိုလ်တက်ရောက်ချိန်တွင် အာဆီယံတက္ကသိုလ်အားကစားပြိုင်ပွဲများကို အရည်အသွေးပိုမိုကောင်းမွန်စွာပါဝင်ယှဉ် ပြိုင်သွားနိုင်မည်ဖြစ်ပြီး နိုင်ငံ့လက်ရွေးစင်အား ကစားသမားများလည်း ပိုမိုပေါ်ထွက်လာမည်ဖြစ်သည်။
