အကြ-မ်းဖက်မှုတိုက်ဖျက်ရေးလုပ်ငန်းများ၌ နိုင်ငံတကာပူးပေါင်းဆောင်ရွက်မှုအခန်းကဏ္ဍကိုမြှင့်တင်ရန် နစက အဖွဲ့ဝင်၊ အကြ-မ်းဖက်မှုတိုက်ဖျက်ရေးဗဟိုအဖွဲ့ဥက္ကဋ္ဌ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒု-ဗိုလ်ချုပ်ကြီးရာပြည့်က ပြောသည်။
ယမန်နေ့ ဒီဇင်ဘာ ၂၇ ရက်နေ့လည် ၁ နာရီက နေပြည်တော်ရှိ မြန်မာနိုင်ငံရဲတပ်ဖွဲ့ဌာနချုပ်တွင်ကျင်းပသည့် အကြ-မ်းဖက်မှုတိုက်ဖျက်ရေးဗဟိုအဖွဲ့အစည်းအဝေး(၂၀၂၄)တွင် ပြောကြားခဲ့ခြင်းဖြစ်သည်။
အကြ-မ်းဖက်မှု၊ မူးယစ်ဆေးဝါး၊ ငွေကြေးခဝါချမှု၊ လက်နက်မှောင်ခိုမှုတို့ကြား ဆက်စပ်နေမှုကို အမြဲမပြတ်လေ့လာသုံးသပ်၍ အကြ-မ်းဖက်မှုများကို ခေတ်နှင့်အညီ တိုက်ဖျက်နိုင်ရေး၊ နိုင်ငံတကာပူးပေါင်းဆောင်ရွက်မှုအခန်းကဏ္ဍမြှင့်တင်ရေး၊ အကြ-မ်းဖက်မှုများ၏ ဖြစ်စဉ်အမှန်ကို နိုင်ငံတကာက သိရှိစေရန်ဆောင်ရွက်ရေးတို့ကို ပြောကြားခဲ့သည်။
ထို့ပြင် အကြ-မ်းဖက်မှုတိုက်ဖျက်ရေး၊ အစွန်းရောက်ဝါဒ၊ အကြ-မ်းဖက်မှုတားဆီးကာကွယ်ရေးနှင့် တိုက်ဖျက်ရေးရန်ပုံငွေကို လုပ်ထုံးလုပ်နည်းနှင့်အညီ စနစ်တကျအသုံးပြုရေး၊ အကြ-မ်းဖက်မှုကျူးလွန်နိုင်ရန် ငွေကြေးထောက်ပံ့မှု၊ အကြ-မ်းဖက်အုပ်စုများနှင့် ဆက်နွှယ်နေသော ငွေကြေးစီးဆင်းမှုများကို စုံစမ်းထောက်လှမ်းဖော်ထုတ်ရေး၊ တားမြစ်ထိန်းချုပ်နိုင်ရေးတို့ကိုလည်း ပြောကြားခဲ့သည်။
ထို့အတူ ဒု-ဗိုလ်ချုပ်ကြီးရာပြည့်မှ အစည်းအဝေးတွင် မှတ်တမ်းတင်ခဲ့သည့်အချက်များ၊ အတည်ပြုပေးခဲ့သည့်အချက်များ၊ ခွင့်ပြုပေးခဲ့သည့်အချက်များကို သက်ဆိုင်ရာလုပ်ငန်းကော်မတီများ၊ လုပ်ငန်းအဖွဲ့များက လုပ်ထုံးလုပ်နည်းနှင့်အညီ အကောင်အထည်ဖော်ဆောင်ရွက်ရေးတို့ကိုလည်း ပြောကြားခဲ့သည်။
ထို့ပြင် အကြ-မ်းဖက်မှုလှိုင်းများ၏ နိုင်ငံရေး၊ လူမှုရေး၊ စီးပွားရေးနှင့် ပထဝီနိုင်ငံရေးတို့အပေါ် သက်ရောက်မှု၊ နည်းပညာများတိုးတက်လာမှုနှင့်အတူ အကြ-မ်းဖက်အုပ်စုများ၏ နည်းဗျူဟာများပြောင်းလဲလာမှု၊ ဒရုန်းများနှင့်ပတ်သက်၍ ကုလသမဂ္ဂလုံခြုံရေးကောင်စီဆုံးဖြတ်ချက်များ၊ အကြမ်-းဖက်မှုတိုက်ဖျက်ရေးတွင် AI နည်းပညာအသုံးဝင်မှု၊ နိုင်ငံအဆင့် အကြမ်-းဖက်မှုတိုက်ဖျက်ရေးဆိုင်ရာ မဟာဗျူဟာရေးဆွဲအကောင်အထည်ဖော်ရန် ပြင်ဆင်နေမှုတို့ကိုလည်း ပြောကြားခဲ့သည်။