အကြမ်းဖက်နှိမ်နင်းရေးကို ပါကစ္စတန်နှင့် ပူးတွဲဆောင်ရွက်လို–တရုတ်

တရုတ်နိုင်ငံသည် အကြမ်းဖက်မှုနှင့် ကြေးနန်းဆက်သွယ်ရေးဆိုင်ရာ ရာဇဝတ်မှုများကို တို-က်ဖျ-က်ရာတွင် ပါကစ္စတန်နိုင်ငံနှင့် ပူးပေါင်းဆောင်ရွက်မှုကို တိုးမြှင့်သွားရန် ဆန္ဒရှိကြောင်း ဗုဒ္ဓဟူးနေ့က ပေကျင်းတွင် ပါကစ္စတန်ပြည်ထဲရေးနှင့် မူးယစ်ဆေးဝါးတို-က်ဖျ-က်ရေးဝန်ကြီးနှင့် တွေ့ဆုံရာတွင် တရုတ်နိုင်ငံပြည်သူလုံခြုံရေး ဝန်ကြီး ဝမ်ကျားဟောင်က ပြောကြားခဲ့သည်။

အန္တရာယ်များနှင့် စိန်ခေါ်မှုအမျိုးမျိုးကို ထိရောက်စွာ ကိုင်တွယ်ဖြေရှင်းရန်နှင့် နှစ်နိုင်ငံစလုံး၏ နိုင်ငံတော်လုံခြုံရေးနှင့် လူမှုတည်ငြိမ်ရေးကို ပူးတွဲကာကွယ်ရန် ကြိုးပမ်းအားထုတ်သင့်ကြောင်း ဝမ်က ပြောကြားခဲ့သည်ဟု ၎င်း၏ ဝန်ကြီးဌာနက သတင်းထုတ်ပြန်ချက်တွင် ဖော်ပြထားသည်။

ပါကစ္စတန်ရှိ စစ်သွေးကြွများသည် တောင်အာရှနိုင်ငံတွင်ရှိသော ပေကျင်းက ငွေကြေးထောက်ပံ့သည့် ဒေါ်လာဘီလျံများစွာတန်ဖိုးရှိသော အခြေခံအဆောက်အဦးစီမံကိန်းများတွင် အလုပ်လုပ်နေကြသည့် တရုတ်နိုင်ငံသားများကို အကြိမ်ကြိမ်တို-က်ခိုက်ခဲ့သည်။ ယင်းတို-က်ခိုက်မှုများသည် မကြာခင်နှစ်များအတွင်း တင်းမာမှုများကို ဖြစ်ပေါ်စေသည့် အဓိကအကြောင်းရင်းတစ်ခုဖြစ်လာခဲ့သည်။

Ref: အေးရှားဝမ်း