စက်မှုနှင့် အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းသည် ရုရှားဖက်ဒရေးရှင်းနိုင်ငံ Tyazhpromexport Co., Ltd. (TPE) မှ ဒုတိယညွှန်ကြားရေးမှူးချုပ် မစ္စတာ ဆာဂေး အေ ကိုပီလော့ဗ် ဦးဆောင်သည့် ကိုယ်စားလှယ်အဖွဲ့နှင့် ယမန်နေ့က တွေ့ဆုံဆွေးနွေးခဲ့ကြောင်း သိရသည်။
တွေ့ဆုံဆွေးနွေးမှုတွင် အမှတ်(၂) သံမဏိစက်ရုံ (ပင်းပက်) စီမံကိန်းရှိ စွန့်ပစ်အပူအသုံးပြု ဓာတ်အားထုတ်လုပ်ရေးအလုပ်ရုံ (HRPS) ကို အမြန်ဆုံးပြန်လည်လည်ပတ်နိုင်ရေးအတွက် ဆောင်ရွက်မည့် လုပ်ငန်းစဉ်များကို ဆွေးနွေးခဲ့ကြောင်း သိရသည်။
ထို့ပြင် Romelt နည်းစနစ်ဖြင့် ဆောင်ရွက်မည့် သံရည်ကျိုအလုပ်ရုံ ပြန်လည်လည်ပတ်နိုင်ရေးအတွက် ရုရှားဖက်ဒရေးရှင်းနိုင်ငံအစိုးရ၏ ကူညီပံ့ပိုးမှုရရှိနိုင်ရေး၊ စီမံကိန်းဆိုင်ရာလုပ်ငန်းများနှင့် သက်ဆိုင်သည့် စာချုပ်ပါ စည်းမျဉ်းစည်းကမ်းများကို လိုအပ်ချက်အလိုက် ညှိနှိုင်းပြင်ဆင်ချုပ်ဆိုနိုင်ရေးဆိုင်ရာ ကိစ္စရပ်များကိုလည်း ဆွေးနွေးခဲ့ကြောင်း သိရသည်။