သီလဝါဆိပ်ကမ်းရှိ သဘာဝဓါတ်ငွေ့ရည် သိုလှောင်သင်္ဘော နှင့် သန်လျင်၊သာကေတက လျှပ်စစ်ဓါတ်အားထုတ်လုပ်မှု အခြေအနေများကို ပြည်ထောင်စုဝန်ကြီး ဦးတင်အောင်စန်းသွားရောက်ကြည့်ရှု

သန်လျင် ၂၀၀ မဂ္ဂါဝပ်ဓာတ်အားပေးစက်ရုံမှ ကနဦး ဓာတ်အားပမဏ ၁၅၀မဂ္ဂါဝပ် ထုတ်လုပ်နေ

ရန်ကုန်တိုင်း၊ သီလဝါဆိပ်ကမ်းတွင် သဘာဝဓာတ်ငွေ့ရည်သိုလှောင်သင်္ဘော (FSU) ဆိုက်ကပ်ထားမှု၊ သန်လျင် ၂၀၀ မဂ္ဂါဝပ်ဓာတ်အားပေးစက်ရုံမှ ကနဦးဓာတ်အားပမဏ ၁၅၀ မဂ္ဂါဝပ်ထုတ်လုပ်နေမှုနှင့် သာကေတ ၃၀၀ မဂ္ဂါဝပ် ဓါတ်အားပေးစက်ရုံစီမံကိန်း အကောင်ထည်ဖော်နေမှုတို့ကို လျှပ်စစ်နှင့် စွမ်းအင်ဖွံ့ဖြိုးရေး ကော်မရှင်ဥက္ကဋ္ဌနှင့် နိုင်ငံတော်သမ္မတရုံးဝန်ကြီးဌာန (၁) ပြည်ထောင်စုဝန်ကြီး ဦးတင်အောင်စန်း၊ ရန်ကုန် တိုင်းဝန်ကြီးချုပ်ဦးစိုးသိန်းနှင့် YESC ဥက္ကဋ္ဌတို့မှကြည့်ရှုစစ်ဆေးခဲ့ကြောင်း သိရသည်။

ပြည်သူလူထုနှင့်စက်မှုဇုန်များရဲ့ လျှပ်စစ်ဓာတ်အားလိုအပ်ချက်ကို ပိုမိုထုတ်လုပ်ဖြည့်ဆည်းပေးနိုင်ရန်ရည် ရွယ်၍ သီလဝါဆိပ်ကမ်းတွင်ဆိုက်ကပ်ထားသည့် FSU ပေါ်မှ သဘာဝဓာတ်ငွေ့ရည်ကို ဓာတ်ငွေ့ပြန်လည်ပြုလုပ်သောစက်ရုံ သန်လျင် ၂၀၀ မဂ္ဂါဝပ်ဓာတ်အားပေးစက်ရုံက ကနဦးဓာတ်အားပမဏ ၁၅၀ မဂ္ဂါဝပ် ထုတ်လုပ်နေမှုကိုကြည့်ရူစစ်ဆေးခဲ့ကြောင်း သိရသည်။

တာဝန်ရှိသူများမှ သန်လျင် ၂၀၀ မဂ္ဂါဝပ် စက်ရုံနှင့် သာကေတ ၃၀၀ မဂ္ဂါဝပ် ဓာတ်အားပေးစက်ရုံစီမံကိန်း အကောင်ထည်ဖော်ဆောင်ရွက်နေမှု၊ LNG သိုလှောင်ထားရှိမှု၊ ဓာတ်ငွေ့သို့ပြောင်းလဲမှု လုပ်ငန်းအစီအစဉ်များစမ်းသပ်မောင်းနှင်မှု၊ ၁၅၀ မဂ္ဂါဝပ်ထုတ်လုပ်နေမှုတို့ကိုရှင်းလင်းတင်ပြခဲ့ကြကြောင်း သိရသည်။

ထို့နောက် ပြည်ထောင်စုဝန်ကြီး ဦးတင်အောင်စန်းမှ လုပ်ငန်းလျာထားအစီအစဉ်များအလိုက် ဓာတ်အားပေးစက်ရုံများမှ ၅၀၀ မဂ္ဂါဝပ်အထိထုတ်လုပ်နိုင်ရေး ကြိုးပမ်းဆောင်ရွက်ရန်၊ LNG သည် ဈေးနှုန်းကြီးမြင့်သော စွမ်းအင်အရင်းအမြစ်ဖြစ်၍ လေ့လွင်မှုနည်းပါးစေရေး၊ ဓာတ်အားပေးစက်များစဉ်ဆက်မပြတ်မောင်းနှင်နိုင်ရေး၊ စွမ်းအင်ကောင်းမွန်စေရေးအလေးထားဆောင်ရွက်ရန်မှာကြားခဲ့ကြောင်း သိရသည်။

သီလဝါဆိပ်ကမ်း၌ FSU ဆိုက်ကပ်ထားပြီး သိုလှောင်ထားသော LNG ဓာတ်ငွေ့ရည်ကို ပိုက်လိုင်းများဖြင့် ဓာတ်ငွေ့ပြန်လည်ပြုလုပ်သောစက်ရုံ (Regasification Unit)သို့ပေးပိုခြင်း၊ LNG ကို သဘာဝဓာတ်ငွေ့ပြန် လည်ပြုလုပ်ပြီး လျှပ်စစ်ဓာတ်အားပေးစက်ရုံများသို့ပေးပို့မောင်းနှင်ခြင်းဖြစ်သည်။