ဆိုက်ကလုန်းမုန်တိုင်း ဒစ်တ်ဝါကြောင့် သီရိလင်္ကာနိုင်ငံတစ်ဝန်းတွင် မိုးသည်းထန်စွာရွာသွန်းကာ ရေကြီးရေလျှံခဲ့ပြီး လူ ၁၅၃ ဦး ေ-သဆုံးခဲ့ကာ ၁၉၁ ဦး ပျေ-ာက်ဆုံးနေဆဲဖြစ်ကြောင်း နိုင်ငံ၏ သဘာဝဘေးအန္တရာယ်စီမံခန့်ခွဲရေးစင်တာ (ဒီစီအမ်) က စနေနေ့တွင် ပြောကြားခဲ့သည်။
သီတင်းပတ်ချီ၍ မိုးသည်းထန်စွာရွာသွန်းသဖြင့်နေအိမ်များ ပျ-က်စီးခဲ့ပြီးနောက် လူဦးရေ ၇၈,၀၀၀ ခန့်ကို အစိုးရပိုင် လူမှုဖူလုံရေးစင်တာ ၈၀၀ နီးပါးသို့ ပြောင်းရွှေ့ပေးထားရကာ ကယ်ဆယ်ရေးလုပ်ငန်းများ ဆောင်ရွက်လျက်ရှိသည်ဟု ဒီအမ်စီညွှန်ကြားရေးမှူးချုပ် ဆမ်ပတ်ကိုတူဝီဂိုဒါက ပြောကြားခဲ့သည်။
ေ-သဆုံးခဲ့သူများတွင် စနေနေ့မွန်းလွဲပိုင်းက ကူရန်နီဂါလာခရိုင်တွင် ရေနစ်မြုပ်ခဲ့သည့် သက်ကြီးရွယ်အိုစောင့်ရှောက်ရေးဂေဟာမှ လူ ၁၁ ဦး ပါဝင်သည်။
မုန်တိုင်းသည် ကျွန်းနိုင်ငံမှ ဆုတ်ခွာကာ အိန္ဒိယဘက်ကို ဦးတည်ရွေ့လျားသွားပြီဖြစ်သော်လည်း တစ်နိုင်ငံလုံးတွင် သဘာဝဘေးဒ-ဏ်ခံခဲ့ရသူ ၅ သိန်းကျော်ရှိခဲ့ပြီး နေရာအနှံ့ပျ-က်စီးခဲ့သည်ဟု ဒီအမ်စီက ပြောကြားခဲ့သည်။
“လက်နက်ကိုင်တပ်ဖွဲ့တွေရဲ့ အကူအညီနဲ့ ကယ်ဆယ်ရေးလုပ်ငန်းတွေ ဆောင်ရွက်နေပါပြီ” ဟု ကိုတူဝီဂိုဒါက ကိုလံဘိုတွင် သတင်းထောက်များကို ပြောကြားခဲ့သည်။
ထောင်ပေါင်းများစွာသော ရဲနှင့် စစ်ဘက်ဝန်ထမ်းများသည် အစားအစာများ ဝေငှခြင်း၊ လမ်းများကိုရှင်းလင်းခြင်းနှင့် ပိတ်မိနေသော မိသားစုများကိုဘေးကင်းရာသို့ ရွှေ့ပြောင်းပေးခြင်းများ လုပ်ဆောင်နေလျက်ရှိသည်။
Ref: သည်ဂါဒီးယန်း