ရန်ကုန်တိုင်းဒေသကြီး၊ မရမ်းကုန်းမြို့နယ်၊ ကမ္ဘာအေးကုန်းမြေရှိ သီရိမင်္ဂလာကမ္ဘာအေးစေတီတော်မြတ်ကြီး၏ (၇၃) ကြိမ်မြောက်ဗုဒ္ဓပူဇနိယပွဲတော်ကို ကျင်းပသွားမည်ဖြစ်ကြောင်း သိရသည်။
အဆိုပါ ပွဲတော်ကို ဖေဖော်ဝါရီလ (၄) ရက် (၁၃၈၆ ခုနှစ်၊ တပို့တွဲလဆန်း ၇ရက်) မှ (၉) ရက် (တပို့တွဲလဆန်း ၁၂ ရက်) အထိ ကျင်းပသွားမည်ဖြစ်ပြီး အသံမစဲမဟာပဋ္ဌာန်းရွတ်ဖတ်ပူဇော်သွားမည် ဖြစ်ကြောင်းလည်း သိရသည်။
ထို့ပြင် ဖေဖော်ဝါရီလ (၅) ရက်နှင့် (၆) ရက် (တပို့တွဲလဆန်း ၈ ရက်နှင့် ၉ ရက်) နံနက် (၇) နာရီတွင်မူ ထမနဲထိုးပွဲများကျင်းပသွားမည်ဖြစ်ကြောင်း သိရသည်။
ဆက်လက်၍ ဖေဖော်ဝါရီလ (၉) ရက်၊ နံနက်ပိုင်း၌ မြတ်စွာဘုရားကို ရည်မှန်းပြီး ဆွမ်းတော်ကြီးကပ်လှူပူဇော်ခြင်း၊ နံ နက် (၈) နာရီ၌ စေတီတော်အတွင်းတွင် နိုင်ငံတော်သံဃမဟာနာယကအဖွဲ့ ဒုတိယ ဥက္ကဋ္ဌ နှင့် ဆရာတော်ကြီးများ ဦးဆောင်သော စေတီတော်ဩဝါဒါစရိယ ဆရာတော်ကြီးများအပါအဝင် ပင့်သံဃာတော် (၄၅) ပါးတို့ဖြင့် ဗုဒ္ဓဘိသေက အနေကဇာတင်လှူပူဇော်ခြင်းများ ကျင်းပမည်ဖြစ်ကာ နိုင်ငံ တော်သံဃနာယကအဖွဲ့ ဆရာတော်ကြီးများ ဦးဆောင်သော ပင့်သံဃာတော် (၄၅) ပါး၊ စုစုပေါင်း သံဃာတော် (၄၈) ပါး တို့အား ဆွမ်းဆန်စိမ်းလောင်းလှူပွဲများ ကျင်းပသွားမည် ဖြစ်ကြောင်းသိရသည်။