ရုရှားသမ္မတ ဗလာဒီမာပူတင်သည် ၂၃ ကြိမ်မြောက် အိန္ဒိယ-ရုရှား နှစ်ပတ်လည် ထိပ်သီးအစည်းအဝေးတက်ရောက်ရန် ဒီဇင်ဘာလ ၄ ရက် နေ့မှ ၅ ရက်နေ့အထိ အိန္ဒိယနိုင်ငံသို့ နိုင်ငံတော်ခရီးစဉ်လာရောက်မည်ဖြစ်ကြောင်း နိုင်ငံခြားရေးဝန်ကြီးဌာနက သောကြာနေ့တွင် ပြောကြားခဲ့သည်။
နိုင်ငံရေး၊ ကုန်သွယ်ရေး၊ စီးပွားရေး၊ သိပ္ပံနှင့် နည်းပညာအပြင် ယဉ်ကျေးမှုနှင့် လူသားချင်းစာနာမှုကိစ္စရပ်များတွင် ရုရှား-အိန္ဒိယ အထူးမဟာဗျူဟာမြောက် မိတ်ဖက်ဆက်ဆံရေး၏ ကျယ်ပြန့်သောနယ်ပယ်တစ်ခုလုံးကို ဆွေးနွေးရန်နှင့် လက်ရှိနိုင်ငံတကာနှင့် ဒေသတွင်းကိစ္စရပ်များကို ဖြေရှင်းရန် အခွင့်အရေးဖြစ်သောကြောင့် ဤခရီးစဉ်သည် အလွန်အရေးကြီးကြောင်း တရားဝင်သတင်းထုတ်ပြန်ချက်တွင် ခရမ္မလင်က ပြောကြားခဲ့သည်။
နိုင်ငံတော်ခရီးစဉ်သည် အိန္ဒိယနှင့် ရုရှားခေါင်းဆောင်များအတွက် နှစ်နိုင်ငံဆက်ဆံရေးတိုးတက်မှုကို ပြန်လည်သုံးသပ်ရန်၊ အထူးနှင့် အခွင့်အခွင့်ထူးခံ မဟာဗျူဟာမိတ်ဖက်ဆက်ဆံရေး ခိုင်မာရေးအတွက် အနာဂတ်မျှော်မှန်းချက်ချမှတ်ရန်နှင့် အပြန်အလှန်အကျိုးစီးပွားရှိသော ဒေသတွင်းနှင့် ကမ္ဘာလုံးဆိုင်ရာ အမြင်များကို ဖလှယ်ရန် အခွင့်အရေးပေးမည်လည်းဖြစ်သည်။
တစ်ချိန်တည်းမှာပင် လာမည့် ရုရှား-အိန္ဒိယထိပ်သီးအစည်းအဝေး၏ အဓိကအ ကြောင်းအရာသည် အက်စ်-၄၀၀ မဟာဗျူဟာလေကြောင်းကာကွယ်ရေးစနစ် အပါအဝင် ကာကွယ်ရေးဆိုင်ရာ ပူးပေါင်းဆောင်ရွက်မှု၏ ပိုမိုကျယ်ပြန့်သော အစိတ်အပိုင်းများဖြစ်လိမ့်မည်ဟု နူးဒေလီတွင် ကျင်းပသည့် စက်မှုလုပ်ငန်းထိပ်သီးအစည်းအဝေးတွင် ကာကွယ်ရေးဝန်ကြီး အာကေ ဆင်းက ပြောကြားခဲ့သော်လည်း ချက်ချင်းအရောင်းအဝယ်ဆိုင်ရာ သဘောတူကြေညာချက်များရှိမည်မဟုတ်ဟု ဆိုခဲ့သည်။ ဖြစ်နိုင်ခြေအရ အက်စ်-၄၀၀ စနစ်ကို ငြင်းပယ်ထားခြင်းမဟုတ်သော်လည်း ယခုခရီးစဉ်အတွင်း၌မူ မည်သည့်ကြေညာချက်မျှ မမျှော်လင့်ကြောင်း၊ ယခုအစည်းအဝေးသည် ပိုမိုကြီးမားသော ကာကွယ်ရေးမိတ်ဖက်ဆံဆက်ရေးနှင့် ပစ္စည်းပေးပို့မှု နှောင့်နှေးခြင်းများကို ဖြေရှင်းရေးတို့အား အဓိကထားမည်ဖြစ်ကြောင်း ၎င်းက ပြောကြားခဲ့သည်။
Ref: တီအင်န်အိုင်အီး