သမ္မတရာထူးအတွက် အိန္ဒိယပါလီမန်တွင် စတင်မဲပေးနေရာ အမျိုးသမီးသမ္မတလောင်းကိုလူကြိုက်များနေ
နယူးဒေလီ၊ ဇူလိုင် ၁၈ ရက်
အိန္ဒိယပါလီမန်သည် နိုင်ငံ၏ ၁၅ ကြိမ်မြောက် သမ္မတနေရာအတွက် ဇူလိုင်လ ၁၈ ရက် တနင်္လာနေ့တွင် စတင်မဲပေးနေပြီဖြစ်သည်။
အိန္ဒိယနိုင်ငံ၏ ခေတ်သစ်လူမှုအဖွဲ့အစည်းနှင့် ဝေးကွားနေသော ဆန်တယ် မျိုးနွယ်စု အသိုင်းအဝိုင်းမှ အမျိုးသမီးနိုင်ငံရေးသမားတစ်ဦးသည် မဲပေးခံရမှုတွင် ဦးဆောင်နေကြောင်း သိရသည်။
အဆိုပါ အမျိုးသမီးမှာ ဒရူပါဒီ မာမူ ဖြစ်ပြီး ၀န်ကြီးချုပ် နရန်ဒရာ မိုဒီ ကိုယ်တိုင် ၎င်း၏ အာဏာရ ပါတီကိုယ်စား ရွေးကောက်ခံသမ္မတအဖြစ် ယှဉ်ပြိုင်ရန် အမည်စာရင်း တင်သွင်းပေးထားခံရသူဖြစ်သည်။
ရွေးချယ်ခံရပါက မာမူသည် အိန္ဒိယ၏ ပထမဆုံး တိုင်းရင်းသားသမ္မတနှင့် ဒုတိယမြောက် အမျိုးသမီးသမ္မတ ဖြစ်လာမည် ဖြစ်သည်။
သမ္မတရာထူးအတွက် မာမူ၏ အဓိကပြိုင်ဘက်မှာဘဏ္ဍာရေးနှင့် နိုင်ငံခြားရေးဝန်ကြီးဟောင်း ယာရှဝမ် စင်ဟာ ဖြစ်သည်။စင်ဟာသည် ဝါရင့်နိုင်ငံရေးသမား တဦး၊BJP ပါတီဝင်ဟောင်း ဖြစ်ပြီး ကွန်ဂရက်အပါအဝင် အတိုက်အခံပါတီများက ကျောထောက်နောက်ခံပြုထားပေးသူဖြစ်သည်။
အိန္ဒိယနိုင်ံ၏ သမ္မတရာထူးအား နိုင်ငံတဝှမ်းရှိ လွှတ်တော်နှစ်ရပ်လုံးနှင့် ဒေသန္တရဆိုင်ရာ ဥပဒေပြုလွှတ်တော်များမှ ရွေးကောက်ခံအဖွဲ့ဝင် ၄၈၀၀ခန့်က ရွေးချယ်မဲပေးရသည်။
၎င်းတို့၏ ဆန္ဒမဲများကို ကိုယ်စားလှယ်လောင်းများမှ လူထု၏ ထောက်ခံမှု ရရှိသည့် မဲဆန္ဒနယ်အရွယ်အစားအပေါ် မူတည်၍ တွက်ဆပြီးနောက် ၎င်းတို့အား သမ္မတရာထူးအတွက် ဦးစားပေး အဆင့်သတ်မှတ်ကြသည်။
အကယ်၍ ထောက်ခံသူ ၅၀ ရာခိုင်နှုန်းထက် မပိုပါက အမှတ်အနိမ့်ဆုံး ကိုယ်စားလှယ်လောင်းကိုထုတ်ပယ်ပြီး ပြန်လည် မဲပေးသွားရမည်ဖြစ်သည်။
မဲရေတွက်ခြင်းကို ဇူလိုင် ၂၁ ရက်တွင် ကျင်းပမည်ဖြစ်ပြီး လာမည့် ဇူလိုင် ၂၅ ရက်တွင် သမ္မတအဖြစ် ကျမ်းကျိန်မည်ဖြစ်သည်။
Source: AFP/fh
