ယနေ့ ဇန်နဝါရီ ၄ ရက် (၇၈)နှစ်မြောက် လွတ်လပ်ရေးနေ့တွင် နိုင်ငံတော် ယာယီသမ္မတမှ သန်လျင်မင်းကျောင်းဆရာတော်ကြီးအပါအဝင် ဆရာတော်ကြီးများနှင့် လူပုဂ္ဂိုလ်များကို သာသနာတော်ဆိုင်ရာ ဘွဲ့တံဆိပ်တော်များ ဆက်ကပ်လှူဒါန်းအပ်နှင်းခဲ့သည်။
အမျိုးသားကာကွယ်ရေးနှင့်လုံခြုံရေးကောင်စီမှ အမိန့်ကြော်ငြာစာအမှတ် ၁ /၂၀၂၆ ဖြင့် ဆရာတော်ကြီးများ၊ ဂန္ထဓုရပရိယတ္တိ ဝန်ဆောင်စာချဆရာတော်များ၊ ဝိပဿနာဓုရပဋိပတ္တိဝန်ဆောင် ကမ္မဋ္ဌာန်းနည်းပြ ဆရာတော်များ ၊ နယ်လှည့်ဓမ္မကထိကများ၊ ပြည်တွင်း၊ ပြည်ပသာသနာပြုပုဂ္ဂိုလ်များနှင့် ဗုဒ္ဓသာသနာတော်ကို ပစ္စည်းလေးပါးတို့ဖြင့် ထူးခြားစွာထောက်ပံ့လှူဒါန်းနေကြသည့် ပုဂ္ဂိုလ်များအားဆက်ကပ်လှူဒါန်းအပ်နှင်းခြင်းဖြစ်ကြောင်း ထုတ်ပြန်ခဲ့သည်၊
“အဘိဓဇမဟာရဋ္ဌဂုရု” ဘွဲ့တံဆိပ်တော်အား သန်လျင်မင်းကျောင်းဆရာတော်ကြီးအပါအဝင် ဆရာတော်ကြီး (၅)ပါးအား နိုင်ငံတော် ယာယီသမ္မတမှ ဆက်ကပ်လှူဒါန်းအပ်နှင်းခဲ့သည်။
“အဂ္ဂမဟာပဏ္ဍိတ” ဘွဲ့တံဆိပ်တော်အား ပြည်ပဘွဲ့ခံ ဆရာတော်ကြီး(၂)ပါးအပါအဝင် ဆရာတော်ကြီး(၃၀) ပါး၊ “တိပိဋကဓရဓမ္မဘဏ္ဍာဂါရိက”ဘွဲ့တံဆိပ်တော်အား ဆရာတော်ကြီး(၁)ပါး၊ “အဂ္ဂမဟာဂန္တဝါစကပဏ္ဍိတ”ဘွဲ့တံဆိပ်တော်အား ပြည်ပဘွဲ့ခံဆရာတော်ကြီးနှင့် သီလရှင်ဆရာကြီးတို့အပါအဝင် ဆရာတော်ကြီး(၃၃) ပါး၊ “မဟာဂန္တဝါစကပဏ္ဍတိ”ဘွဲ့တံဆိပ်တော်အား သီလရှင်ဆရာကြီး(၄)ပါးအပါအဝင် ဆရာတော်ကြီး(၄၆) ပါးတို့အား ဆက်ကပ်လှူဒါန်းအပ်နှင်းခဲ့သည်။
“ဂန္တဝါစကပဏ္ဍတိ”ဘွဲ့တံဆိပ်တော်အား ဆရာတော်ကြီးများနှင့် သီလရှင်ဆရာကြီးများ(၆၀)ပါး၊ “ဓမ္မကထိ ကဗဟုဇနဟိတဓရ”ဘွဲ့တံဆိပ်တော်အား ဆရာတော်ကြီး(၄)ပါး၊ “အဘိဓဇအဂ္ဂမဟာသဒ္ဓမ္မဖောတိက”ဘွဲ့တံဆိပ်တော်အား ဆရာတော်ကြီး(၇)ပါး၊ “အဂ္ဂမဟာသဒ္ဓမ္မဇောတိကဓဇ”ဘွဲ့တံဆိပ်တော်အား ပြည်ပဘွဲ့ခံဆရာ တော်ကြီး(၄)ပါးအပါအဝင် ဆရာတော်ကြီး(၆၃)ပါး၊ “မဟာသဒ္ဓမ္မဇောတိကဓဇ”ဘွဲ့တံဆိပ်တော်အား ပြည်ပဘွဲ့ခံဆရာတော်ကြီးများ၊ သီလရှင်ဆရာကြီးများ၊ လူပုဂ္ဂိုလ်များအပါအဝင်(၁၀၃)ပါး/ဦး၊ “သဒ္ဓမ္မဇောတိကဓဇ”ဘွဲ့တံဆိပ်တော်အား ဆရာတော်ကြီးများ၊ သီလရှင်ဆရာကြီးများ၊ လူပုဂ္ဂိုလ်များ(၁၀၂)ပါး/ဦးတို့ကို ဆက် ကပ်လှူဒါန်းအပ်နှင်းခဲ့သည်။
“အဂ္ဂမဟာကမ္မဋ္ဌာနာစရိယ”ဘွဲ့တံဆိပ်တော်အား ဆရာတော်ကြီး(၉)ပါး၊ “မဟာကမ္မဋ္ဌာနာစရိယ”ဘွဲ့တံဆိပ်တော်အား ပြည်ပဘွဲ့ခံဆရာတော်ကြီး(၁)ပါးအပါအဝင် ဆရာတော်ကြီး(၁၅)ပါး၊ “ကမ္မဋ္ဌာနာစရိယ”ဘွဲ့တံဆိပ်တော်အား ဆရာတော်ကြီး(၁၂)ပါး၊ “အဂ္ဂမဟာသီရိသုဓမ္မမဏိဇောတဓရ”ဘွဲ့တံဆိပ်အား အမျိုးသား(၁)ဦး၊ “အဂ္ဂမဟာသီရိသုဓမ္မသိင်္ဂီ”ဘွဲ့တံဆိပ်အား အမျိုးသမီး (၄)ဦး၊ “သီရိသုဓမ္မမဏိဇောတဓရ”ဘွဲ့တံဆိပ်အား အ မျိုးသား(၂)ဦး၊ “သီရိသုဓမ္မသိင်္ဂီ”ဘွဲ့တံဆိပ်အား အမျိုး သမီး(၃)ဦး၊ “သီဟသုဓမ္မမဏိဇောတဓရ”ဘွဲ့တံဆိပ်အား အမျိုးသား(၃)ဦး၊ “သီဟသုဓမ္မသိင်္ဂီ” ဘွဲ့တံဆိပ်အား အမျိုးသမီး(၆)ဦး၊ “သုဓမ္မမဏိဇောတဓရ”ဘွဲ့ တံဆိပ်အား အမျိုးသား(၇)ဦး၊ “သုဓမ္မသိင်္ဂီ” ဘွဲ့တံဆိပ်အား အမျိုးသမီး(၁၄)ဦးတို့ကိုလည်း ဆက်ကပ်လှူဒါန်းအပ်နှင်းခဲ့သည်။