သင်္ဃန်းကျွန်းမြို့နယ် လ၀ကရုံးအတွင်း သေနတ်သမားများ ဝင်ရောက်ပစ်ခတ်ရာ လက်ထောက်မြို့နယ်မှူးသေဆုံးပြီး မြို့နယ်မှူးဒဏ်ရာရ
ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်ရှိ လဝက ရုံးအတွင်း ယနေ့ ဩဂုတ်လ (၁၂) ရက် ညနေပိုင်းက ပစ် ခတ်မှု ဖြစ်ပွားခဲ့ပြီး လက်ထောက် မြို့နယ်မှူး သေဆုံးကာ တစ်ဦး ဒဏ်ရာရရှိခဲ့ကြောင်း သိရသည်။
ဩဂုတ်လ (၁၂) ရက် ညနေ (၃) နာရီဝန်းကျင်အချိန်က သင်္ဃန်းကျွန်းမြို့နယ် လဝက ရုံးအတွင်းသို့ သေနတ်သမား (၂) ဦးက ဝင်ရောက် ပစ်ခတ်ခဲ့ခြင်း ဖြစ်ကြောင်း သိရသည်။
“တစ်ယောက်ကတော့ ဆုံးသွားပြီလို့ကြားတယ်၊ လက်ထောက် မြို့နယ်မှူးပေါ့။ မြို့နယ်မှူးကတော့ ဒဏ်ရာနဲ့ ဆေးရုံပို့လိုက်ရတယ် ပြောတယ်” ဟု သင်္ဃန်းကျွန်းမြို့ခံ တစ်ဦးက ပြောသည်။
အဆိုပါ ပစ်ခတ်မှုကြောင့် သင်္ဃန်းကျွန်းမြို့နယ် လဝက လက်ထောက်မြို့နယ်မှူး ဦးကျော်မိုးမှာ ရင်ဘတ် ကျည်ထိမှန် ဒဏ်ရာ (၂) ချက်ဖြင့် သေဆုံးသွားပြီး ဒဏ်ရာရရှိခဲ့သည့် မြို့နယ်မှူးကို ဆေးရုံသို့ ပို့ဆောင်ထားကြောင်း သိရသည်။
အဆိုပါ ပစ်ခတ်မှုနှင့် ပတ်သက်၍ မည်သည့်အဖွဲ့က လုပ် ဆောင်သည်ကို မသိရှိရသေးဘဲ သက်ဆိုင်ရာ လုံခြုံရေး တပ်ဖွဲ့ဝင်များက သင်္ဃန်းကျွန်းမြို့နယ်အတွင်း ပိတ်ဆို့ စစ်ဆေးမှုများ လုပ်ဆောင်နေကြောင်း သိရသည်။