မြန်မာနိုင်ငံဘောလုံးအဖွဲ့ချုပ်မှ ၂၀၂၃ ခုနှစ် နွေ ရာသီလူငယ်ဘောလုံးသင်တန်း အမှတ်စဥ်(၁)နှင့်အမှတ်စဥ်(၂)တို့အား ရန်ကုန်၊မန္တလေးတို့၌ ဖွင့်လှစ်ပို့ချပေးသွားမည်ဖြစ်ကြောင်း သိရသည်။
နိုင်ငံတဝန်းရှိ ကျောင်းသားလူငယ်များအတွက် အခြေခံဘောလုံးပညာများကို သင်ကြားပေးသွားမည်ဖြစ်ကာ အမှတ်စဉ်(၁)နှင့်အမှတ်စဥ်(၂)တို့အား ရန်ကုန်နှင့်မန္တလေးရှိ မြန်မာနိုင်ငံဘောလုံးအ ဖွဲ့ချုပ်(MFF )ဘောလုံးအကယ်ဒမီများနှင့်ဗဟန်းကွင်းတို့တွင် ဖွင့်လှစ်ပို့ချသွားမည်ဖြစ်သည်။
အမှတ်စဉ်(၁)အား မတ် ၁ ရက်မှဧပြီ ၁၀ ရက်အ ထိ၊ အမှတ်စဉ် (၂)အား ဧပြီ ၁၉ ရက်မှမေ ၂၉ ရက်အထိ မြန်မာနိုင်ငံဘောလုံးအဖွဲ့ချုပ်ရှိ အာရှဘောလုံးအဖွဲ့ချုပ်နည်းပြလိုင်စင်ရ သင်တန်းဆ ရာများက ကြီးကြပ်သင်ကြားပေးသွားမည်ဖြစ် သည်။
အခြေခံဘောလုံးသင်တန်းတက်ရောက်လိုသည့် ကလငယ်များသည် အသက် ၉ နှစ်မှ ၁၅နှစ် အ တွင်း(ကျား/မ)မည်သူမဆို တက်ရောက်နိုင်ကာ အပတ်စဉ် တနင်္လာ၊ဗုဒ္ဓဟူးနှင့်သောကြာနေ့များတွင် နံနက် ၇ နာရီခွဲမှ ၉ နာရီခွဲအထိ သင်ကြားရမည်ဖြစ်သည်။
သင်တန်းကြေးအဖြစ် တစ်ဦးလျင် ၅၀၀၀၀ ကျပ်သတ်မှတ်ထားကာ ဝတ်စုံတစ်စုံစီနှင့် MFF အသိ အမှတ်ပြုသင်တန်းဆင်းလက်မှတ်ရရှိမည်ဖြစ်ကာ တက်ရောက်လိုသူများအနေဖြင့် သင်တန်းဖွင့်လှစ်မည့် အမျိုးသားဘောလုံးအကယ်ဒမီ(ရန်ကုန်)နှင့်မြန်မာ့ဘောလုံးအကယ်ဒမီ(မန္တလေး)သို့ ဖေဖော်ဝါရီ ၂၈ ရက်နောက်ဆုံးထား၍ ရုံးချိန်အ တွင်း လူကိုယ်တိုင်လာရောက်လျှောက်ထားနိုင်ကြောင်း သိရသည်။
အသေးစိတ်သိရှိလိုပါက ရန်ကုန် ဖုန်း ၀၉ ၄၀၃၇၂၅၄၂၅ ၊ မန္တလေး ဖုန်း ၀၉ ၄၂၆၅၅၀၀၆၆ တို့သို့ ဆက်သွယ်စုံစမ်းနိုင်ကြောင်း သိရသည်။
