သက်ဆင် လည်းအ​ရောက် ၄င်းပါတီမှအမတ်လည်းဝန်ကြီးချုပ်အသစ်ဖြစ်လာသောနိုင်​ငံ​ရေးမြင်ကွင်းများ

ထိုင်းလွတ်​တော်တွင်းစစ်တပ်ကိုယ်စားလှယ်ဖြစ်သည့်အထက်လွှတ်တော်အမတ် ၇၀ ကျော်က ဝန်ကြီးချုပ်သစ်​ရွေးရာ၌ မဲခွဲဆုံးဖြတ်ပြီးနောက် ဖြူထိုင်းပါတီ၏ ၀န်ကြီးချုပ်လောင်း Srettha Thavisin ဆရီသာ သာဝီဆင်သည် ထိုင်းနိုင်ငံ၏ ၃၀ ​ဦး မြောက် ၀န်ကြီးချုပ် ဖြစ်လာသည်။

ဆရီသာ သာဝီဆင် သည် စီးပွားရေးကို ပြန်လည်အသက်သွင်းရန်နှင့် ဝင်ငွေကွာဟမှုကို လျှော့ချမည်ဟု မူဝါဒအားဖြင့်ရည်မှန်းထားသူဖြစ်သည်။ ၄င်းသည် အိမ်ခြံမြေလုပ်ငန်းကြီးမလုပ်ကိုင်ခင်ကတည်းက Procter & Gamble Thailand တွင်ထုတ်ကုန် မန်နေဂျာအဖြစ် လုပ်ကိုင်ခဲ့သူဖြစ်သည်။ ဝန်ကြီးချုပ်အသစ် သည် Claremont Graduate University မှ ဘွဲ့ရရှိခဲ့သူဖြစ်ပြီး ထိုင်းနိုင်ငံ အိမ်ခြံ​မြေ​လောက၏ သူ​ဋ္ဌေးကြီးတစ်ဦးဖြစ်သည်။

သက်ဆင်ပြန်လာပြီး တရားရင်ဆိုင်သည့်ရက်တွင်ပင် ၄င်း၏ရှပ်နီပါတီမှ အမတ်က ဝန်ကြီးချုပ်ဖြစ်လာခြင်းလည်းဖြစ်သည်။နိုင်ငံ​ရေးတွင်တိုက်ဆိုင်မူမရှိဆိုသည့်စကားကိုသက်​သေပြလိုက်​သော အဖြစ်အပျက်ပင်ဖြစ်သည်။

ယ​နေ့ နံနက်ကလည်း က​မ္ဘောဒီးယား ဝန်ကြီးချုပ်အသစ် ဟွန်မာနက် တက်လာသဖြင့် အာဆီယံတွင်း နှစ်နိုင်ငံ ဝန်ကြီးချုပ်အသစ်​ပြောင်းသည့် သမိုင်းဝင်​နေ့ သြဂုတ် ၂၂ ရက်ပင်ဖြစ်​တော့သည်။

ပြီးခဲ့သည့်ရက်များက သက်ဆင်သည် ညီမဖြစ်သူ ယင်လပ်နှင့်အတူက​မ္ဘောဒီးယားသို့သွား​ရောက်ပြီး ဝန်ကြီးချုပ်ဟွန်ဆန်၏ ​မွေး​နေ့တက်​ရောက်ခဲ့ရင်း ဝန်ကြီးချုပ်​လောင်းလျာ ဟွန်မာနက်နှင့်လည်း ​တွေ့ဆုံခဲ့​သေးသည်။

Ref: Khaosod