ဇန်နဝါရီ (၄) ရက်တွင် အကျဉ်းသား (၇၀၁၂) ဦးကို ပြစ်ဒ ဏ်မှ လွတ်ငြိမ်းချမ်းသာခွင့်ပေးခဲ့ရာတွင် ပုဒ်မ ၅၀၅ အ ပါအဝင် နိုင်ငံရေးပုဒ်မများဖြင့် အမှုဖွင့် ထောင်ချခံထားရသူအချို့သာ ပြန်လည်လွတ်မြောက်လာကြောင်း သိရသည်။
နစက က (၇၅) နှစ်မြောက် လွတ်လပ်ရေးနေ့ အထိမ်းအ မှတ်အနေဖြင့် အကျဉ်းသား (၇၀၀၀) ကျော်ကို ပြန်လည် လွှတ်ပေးခဲ့သော်လည်း နိုင်ငံတဝန်းရှိ အကျဉ်းထောင်အသီးသီးမှ ပြန်လည်လွတ်မြောက်လာသည့် နိုင်ငံရေး အ ကျဉ်းသားဦးရေမှာ အနည်းငယ်သာ ရှိနေကြောင်း နီးစပ်သူများထံမှ သိရသည်။
” များသော အားဖြင့်က အခြားအမှုတွေနဲ့ ပေါ့နော် ။ နိုင်ငံ ရေးအမှုတွေက အနည်းငယ်လောက်ပဲ ပြန်ပါလာတာတွေ့ရတယ်။ ၅၀၅ အမှုထဲက တချို့တဝက် ပြန်လွတ်လာတာတော့ တွေ့ရတယ် ” ဟု အင်းစိန်အကျဉ်းထောင်တွင် နှစ်ရှည် ထောင်ဒဏ် ချမှတ်ခံထားရသည့် မိသားစုဝင် တစ်ဦးကို လာရောက်စောင့်ဆိုင်းသူ တစ်ဦးက ပြောသည်။
ပြန်လည် လွတ်မြောက်လာသူ အများစုမှာ လွတ်ရက်စေ့ရန် (၁) နှစ်အောက် ကျန်သူအများစုဖြစ်ပြီး အဆိုပါ လွတ်မြောက်လာသူများထဲတွင် ဝါရင့် နိုင်ငံရေး သမား အချို့လည်း ပြန်လည်လွတ်မြောက်လာသည်ကို တွေ့ရသည်။
သာသနာရေးဝန်ကြီးဟောင်း သူရဦးအောင်ကိုအား ၃ရက် နေ့ ညပိုင်းကပင် ပြန်လွှတ်ပေးခဲ့ပြီး နေအိမ်သို့ လိုက်ပါပို့ဆောင် ပေးခဲ့ကြောင်း သိရသည်။
အင်းစိန်အကျဉ်းထောင်မှ ပြန်လည် လွတ်မြောက်လာသူ များထဲတွင် စာရေးဆရာမ ဒေါ်သန်းမြင့်အောင် ၊ NLD ပါ တီမှ ဦးထင်လင်းဦး၊ ရန်ကုန်တက္ကသိုလ် အရှေ့တိုင်းဌာန ဌာနမှူး ဒေါက်တာအာကာမိုးသူနှင့် ဆန္ဒပြ ကျောင်းသားအချို့ပါဝင်လာပြီး ချုပ်ရက် (၁) နှစ်အထက် ကျန်နေသူ များ အများစု ကျန်ရှိနေသေးကြောင်း သိရသည်။
မန္တလေး အိုးဘိုအကျဉ်းထောင်မှလည်း ကျောင်းသားခေါ င်းဆောင် ကိုအောင်မှိုင်းဆန်းနှင့် ကိုညီညီကျော်တို့ ပြန် လည် လွတ်မြောက်လာကြောင်း သိရသည်။
ထို့အပြင် ပုဒ်မ ၅၀၅ ဖြင့် ထောင်ဒဏ် (၂) နှစ် ချမှတ်ခံ ထားရသည့် ကချင်အမျိုးသားကွန်ကရက် ဥက္ကဋ္ဌ ဒေါက် တာ M ကောန်လလည်း မြစ်ကြီးနား အကျဉ်းထောင်မှ ယ နေ့ နံနက်ပိုင်းတွင် ပြန်လည် လွတ်မြောက်လာကြောင်း သိရသည်။
ထို့အပြင် ထိန်းသိမ်းခံထားရသည့် စီးပွားရေး လုပ်ငန်းရှင်များ ဖြစ်သည့် ဧဒင် ဦးချစ်ခိုင် ၊ ဇေကမ္ဘာ ဦးခင်ရွှေနှင့် သားဖြစ်သူ ဦးဇေသီဟတို့လည်းလွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာခြင်း မရှိသေးပေ။
