လီဗာပူးလ်အသင်းကို အီလွန်မတ်စ် ဝယ်ယူလိုနေ

သားဖြစ်သူ သည် အင်္ဂလန်ပရီးမီးယားလိဂ်အမှတ်ပေးဖလား ချန်ပီယံဖြစ်ရန် ရေပန်းစားနေသည့် လီဗာပူးလ်ကလပ်အသင်းကို ဝယ်ယူရန် စိတ်ဝင်စားနေသည်ဟု အီလွန်မတ်စ်၏ ဖခင်ဖြစ်သူက ဗြိတိသျှအသံလွှင့်ဌာနသို့ ပြောကြားခဲ့သည်။

ကလပ်ပိုင်ရှင်ဖြစ်သော Fenway Sports Group က ရောင်းချလိုသည်ဟု ပြောဆိုထားမှုမျိုးမရှိသော်လည်း ပြင်ပရင်းနှီးမြှုပ်နှံမှုကို ယခင်က လက်ခံထားဖူးသည်။ Tesla စီးအီးအိုသည် ဥရောပဖလား ချန်ပီယံခြောက်ကြိမ်ရထားသော ကလပ်အသင်းကို စိတ်ဝင်စားမှုပြသခဲ့သည်ဟုTimes Radio အင်တာဗျူးတွင် အယ်ရိုလ်မတ်စ်က ပြောကြားခဲ့သည်။

“အိုး ဟုတ်ပါတယ်၊ ဒါပေမယ့် သူဝယ်မယ်လို့တော့ မဆိုလိုဘူးနော်၊ သူလိုချင်တာတော့ဟုတ်တယ်၊ ဘယ်သူမဆိုလိုချင်မှာပဲလေ၊ ကျွန်တော်လည်းလိုချင်တာပေါ့၊ ဒါပေမယ့် ဒါနဲ့ပတ်သက်ပြီး ကျွန်တော်မှတ်ချက်မပေးလိုပါဘူး၊ သူတို့ဈေးတက်သွားလိမ့်မယ်လေ” ဟု သူက ပြောဆိုခဲ့သည်။

၂၀၂၃ ခုနှစ်တွင် အမေရိကန်ရင်းနှီးမြှုပ်နှံမှုကုမ္ပဏီ Dynasty Equity သို့ အနည်းစု အစုရှယ်ယာကို ထုတ်ရောင်းခဲ့သော FSG ၏ ပြောရေးဆိုခွင့်ရှိသူက အဆိုပါကောလာဟလများသည် မှန်ကန်ခြင်းမရှိဟု ပြောကြားခဲ့သည်။

လီဗာပူးလ်အသင်းသည် လက်ရှိတွင် ပရီးမီးယားလိဂ်နှင့် ချန်ပီယံလိဂ်တွင် ဇယားထိပ်၌ ရပ်တည်နေသည်။ ယခုသီတင်းပတ်၌ လီဗာပူးလ်သည် ပရီးယားမီးယားလိဂ်တွင် ဒုတိယနေရာမှ အာဆင်နယ်ကို တစ်ပွဲလျော့ကစားကာ ခြောက်မှတ်ဖြတ်ထားနိုင်ခဲ့သည်။

Ref: ဘန်ကောက်ပို့စ်