လိမ်လည်သူများကို ထိုင်းဝန်ကြီးချုပ်က စစ်ကြေညာ

နိုဝင်ဘာ ၁၀

ထိုင်းနိုင်ငံဝန်ကြီးချုပ် မစ္စတာ အနုတင် ချန်ဝီရာကူးလ် သည် တနင်္လာနေ့တွင် အွန်လိုင်းလိမ်လည်မှုနှင့် ဆိုက်ဘာရာဇ၀တ်မှုကို ဆန့်ကျင်ရေးအတွက် နိုင်ငံအဆင့် စစ်ဆင်ရေး၏ ရလဒ်များကို ထုတ်ဖော်ပြသခဲ့ပြီး လိမ်လည်သူများကို အလုံးစုံစစ်ပွဲဆင်နွှဲမည်ဟု ကတိပြု ပြောကြားခဲ့သည်။

နိုင်ငံဖြတ်ကျော် ရာဇ၀တ်မှုကွန်ရက်များကို ဖျ-က်သိမ်းကာ ဒစ်ဂျစ်တယ်စီးပွားရေး ကို ပြည်သူများ၏ ယုံကြည်မှုကို ပြန်လည်ရရှိရန် ကြိုးပမ်းမှုမှာ အောင်မြင်မှုတစ်ခုဖြစ်ကြောင်း နိုင်ငံတော်ရဲချုပ် ရဲဗိုလ်ချုပ်ကြီး ကစ်ထာရတ်သ် ပန်ပက်နှင့်အတူ သတင်းစာရှင်းလင်းပွဲတွင် မစ္စတာ အနုတင် က ပြောကြားခဲ့ပါသည်။

ရဲတပ်ဖွဲ့၏ ကိန်းဂဏန်းများကို ကိုးကား၍ မစ္စတာ အနုတင် က အောက်တိုဘာလ ၂၇ ရက် နေ့မှ နိုဝင်ဘာလ ၈ ရက် နေ့အတွင်း နိုင်ငံတစ်ဝန်း ပူးပေါင်းစီးနင်း တို-က်ခို-က်မှု များတွင် သံသယရှိသူ ၇,၁၇၄ ဦးကို အာဏာပိုင်များက ဖမ်းဆီးခဲ့ကြောင်း၊ ဂိုဏ်းဖွဲ့ ကျူးလွန်သော ရာဇ၀တ်မှု ၉၀ မှု၊ ဘဏ်စာရင်း အလိမ်များနှင့် တရားမဝင် ဆင်းမ်ကတ်များ အပါအဝင် အမှုပေါင်း ၇၉၅ မှုနှင့် တရားမဝင် ဆက်သွယ်ရေးစက်များနှင့် အခြေစိုက်စခန်းများနှင့် ဆက်စပ်မှု ၁၁ မှုတို့ကို ဖမ်းမိခဲ့သည်။

အဆိုပါ ဖြိုခွင်းမှုတွင် အဓိက အွန်လိုင်း လောင်းကစား ဝက်ဘ်ဆိုက် ၂၆ ခုကို ပိတ်ပစ်ခဲ့ပြီး နိုင်ငံရပ်ခြားသို့ လိမ်လည်လှည့်စားသည့် ကွန်ရက်များ ချိတ်ဆက်ရန် နိုင်ငံမှ ထွက်ခွာရန် ကြိုးပမ်းသည့် ထိုင်းလူမျိုး ၁၂၃ ဦးကို ကြားဖြတ်ဟန့်တားမှု၊ တရားမဝင် လောင်းကစား ပလပ်ဖောင်းများကို မြှင့်တင်ပေးသည့် သြဇာရှိသူ ၂၂ ဦးကိုလည်း ဖမ်းဆီးခဲ့သည်။

ဘတ်ငွေ ၄၁ ဒသမ ၇ သန်းကျော်ကို သိမ်းဆည်းရမိခဲ့ပြီး ဘတ် ၃၁ သန်းကို ပြန်လည်ရရှိပြီး ဒုက္ခသည်များထံ ပြန်လည်ပေးအပ်ခဲ့သည်။ ဖေဖော်ဝါရီလကတည်းက အာဏာပိုင်များသည် ခိုးယူထားသော ဘတ်ငွေ ၃၁၂ သန်းကျော်ကို ပြန်လည်သိမ်းဆည်းရယူခဲ့သည်။

ဒစ်ဂျစ်တယ်စီးပွားရေးနှင့် လူမှုအဖွဲ့အစည်း ဝန်ကြီးဌာနနှင့် လက်တွဲကာ ရဲတပ်ဖွဲ့သည် ဆိုက်ဘာရာဇ၀တ်မှုဆိုင်ရာ လုပ်ငန်းများနှင့် ချိတ်ဆက်ထားသော ထောင်ပေါင်းများစွာသော အွန်လိုင်းပလက်ဖောင်းများကို ပိတ်ဆို့ထားသည်။ အောက်တိုဘာလ ၁ ရက် နေ့မှ နိုဝင်ဘာလ ၅ ရက် နေ့အတွင်း တာဝန်ရှိသူများက လောင်းကစားဆိုက်များနှင့် ဆက်စပ်နေသည့် လင့် ၃၈,၃၉၄ ကို ပိတ်ခဲ့ပြီး ဖေ့စ်ဘုတ်၊ ယူတျူ့၊အိတ်စ်၊ တစ်တော့ နှင့် လိုင်း အပလီကေးရှင်း တို့မှ တရားမဝင် အကြောင်းအရာ ၈,၈၀၂ ခုကို ဖယ်ရှားခဲ့သည်။

ရဲဒုတိယဗိုလ်ချုပ်ကြီး ဂျီရာဘုပ် ဗူရိဒေ့ က အကျပ်အတည်း၏ ကမ္ဘာလုံးဆိုင်ရာ သဘောသဘာဝကို မီးမောင်းထိုးပြခဲ့ပြီး ကမ္ဘာတစ်ဝန်းတွင် လိမ်လည်မှုနှင့် ဆက်နွှယ်သည့် ဆုံးရှုံးမှုသည် အမေရိကန်ဒေါ်လာထရီလျံချီရှိပြီး အာရှသည် ဆုံးရှုံးမှုအများဆုံးဖြစ်သည်။

ထိုင်းနိုင်ငံသို့ သုံးနှစ်အတွင်း လိမ်လည်မှုပေါင်း တစ်သန်းကျော် ဝင်ရောက်ခဲ့ပြီး ဆုံးရှုံးမှုမှာ ဘတ် ဘီလျံ၁၀၀ ကျော်ရှိသည်။ နေ့စဉ် အမှုအသစ် ၁,၀၀၀ ကျော်ရှိကြောင်း ရဲဒုတိယဗိုလ်ချုပ်ကြီး ဂျီရာဘုပ် က ပြောသည်။
ထိုင်းနိုင်ငံအတွင်း အခြေစိုက်သည့် လိမ်လည်မှုကွန်ရက်များသည် ပထမဦးစွာ တရုတ်နိုင်ငံသို့ လည်းကောင်း၊ နောက်ပိုင်းတွင် အိမ်နီးချင်းနိုင်ငံများသို့ လည်းကောင်း လိမ်လည်လှည့်စားသည့် ကွန်ရက်များကို ပြည်ပသို့ ပြောင်းရွှေ့ခဲ့သည်။

၀န်ကြီးချုပ် အနုတင်သည် နည်းပညာ ရာဇဝတ်မှုခင်းနှိမ်နင်းရေး ကော်မတီတစ်ရပ်ဖွဲ့စည်းပြီး အစိုးရနှင့် ပုဂ္ဂလိက အေဂျင်စီ ၁၅ ခုဖြင့် နားလည်မှုစာချွန်လွှာကို လက်မှတ်ရေးထိုးခဲ့ကြောင်း သိရသည်။

Ref: ဘန်ကောက်ပို့စ်တ်