လက်ရှိဘဏ္ဍာနှစ် ပထမ လေးလပတ်အတွင်း နိုင်ငံခြားရင်းနှီးမြှုပ်နှံမှုကဏ္ဍတွင် စင်ကာပူက ကန်ဒေါ်လာ ၁.၀၈၆ ဘီလီယံဖြင့် ထိပ်ဆုံးမှ ရပ်တည်နေ

လက်ရှိဘဏ္ဍာနှစ် ပထမ လေးလပတ်အတွင်း နိုင်ငံခြားရင်းနှီးမြှုပ်နှံမှုကဏ္ဍတွင် စင်ကာပူက ကန်ဒေါ်လာ ၁.၀၈၆ ဘီလီယံဖြင့် ထိပ်ဆုံးမှ ရပ်တည်နေ

၂၀၂၂ -၂၀၂၃ ဘဏ္ဍာနှစ် ဧပြီလမှ ဇူလိုင်လအထိ ပထမ လေးလပတ်အတွင်း နိုင် ငံခြား ရင်းနှီးမြှုပ်နှံမှုကဏ္ဍတွင် စင်ကာပူနိုင်ငံက မြန်မာနိုင်ငံတွင် ရင်းနှီးမြှုပ်မှုအနေဖြင့် အမေရိကန်ဒေါ်လာ ၁.၀၈၆ ဘီလီယံဖြင့် ထိပ်ဆုံးမှ ရပ် တည်နေကြောင်း သိရသည်။

စင်ကာပူ နိုင်ငံအနေဖြင့် မြန်မာနိုင်ငံသို့ ပြည်ပတိုက်ရိုက်မြှုပ်နှံမှုတွင် စင်္ကာပူစာရင်းဝင် ကုမ္ပဏီရှစ်ခုမှ ရင်းနှီးမြှုပ်နှံခဲ့ပြီး မြို့ ပြဖွံ့ဖြိုးတိုးတက်ရေး၊ အိမ်ခြံမြေ၊ လျှပ်စစ်နှင့် ကုန်ထုတ် လုပ်မှုကဏ္ဍများတွင် ရင်းနှီးမြှုပ်နှံမှုများကို အဓိကထား ဆောင်ရွက်ခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၏ စာရင်းဇယားများအရ သိရသည်။

၂၀၂၂ – ၂၀၂၃ ခုနှစ် ဘဏ္ဍာရေးနှစ်တွင် မြန်မာနိုင်ငံတွင် ရင်းနှီးမြှုပ်နှံမည် နိုင်ငံခြားရင်းနှီးမြှုပ်နှံမှုအနေဖြင့် ဟော င်ကောင်မှ စီမံကိန်း (၅) ခုအတွက် ခန့်မှန်းမတည်ရင်းနှီးမြုပ်နှံမှု ကန်ဒေါ်လာ ၆၄ သန်းကျော်ဖြင့် ဒုတိယ အကြီးဆုံးရင်းနှီးမြှုပ်နှံသူအဖြစ် ရပ်တည်နေကြောင်း သိရသည်။

ထို့အပြင် တရုတ်နိုင်ငံအနေဖြင့် ကန်ဒေါ်လာ ၅၅ ဒသမ ၇ သန်းကျော်ဖြင့် ရင်းနှီးမြှုပ်နှံမှုစာရင်းတွင် တတိယနေရာတွင် ရပ်တည်နေပြီး ဘလိဇ် နှင့် ဂျပန်နိုင်ငံတို့မှ လုပ်ငန်းတစ်ခုစီ ရင်းနှီးမြှုပ်နှံမှုများပြုလုပ်ခဲ့ကြောင်း သိရသည်။တရုတ်တိုင်ပေ၊ တရုတ်၊ ဟောင်ကောင်အထူးအုပ်ချုပ်‌ရေးဒေသ၊ကိုရီးယားသမ္မတနိုင်ငံ၊ အိန္ဒိယနှင့်ထိုင်းနိုင်ငံတို့မှ ရင်းနှီးမြှုပ်နှံမှုများလည်း တိုးလာခဲ့သည်။

မြန်မာနိုင်ငံ ရင်းနှီးမြှုပ်နှံမှု ကော်မရှင်အနေဖြင့် ဧပြီလမှ ဇူလိုင်လ အတွင်း ခန့်မှန်းခြေ မတည်ငွေ ကန်ဒေါ်လာ ၁.၂ ၂ ဘီလီယံ တန်ဖိုးရှိ နိုင်ငံခြား ရင်းနှီးမြှုပ်နှံမှု စီမံကိန်း ၂၉ ခုကို ခွင့်ပြုပေးခဲ့ကြောင်းလည်း DICA ၏ စာရင်းဇယားများအရ သိရသည်။

အဆိုပါ လုပ်ငန်းများတွင် ကုန်ထုတ်လုပ်ငန်း၊ လျှပ်စစ်ဓာတ်အားထုတ်လုပ်မှု၊ အိမ်ခြံမြေနှင့် ဝန်ဆောင်မှုကဏ္ဍများအဓိက ပါနေကြောင်း သိရသည်။

မြန်မာနိုင်ငံအနေဖြင့် ပြီးခဲ့သည့် ၂၀၂၁ – ၂၀၂၂ ခုနှစ် မီနီဘတ်ဂျက်ကာလ (၂၀၂၁ ခုနှစ် အောက်တိုဘာလမှ ၂၀ ၂၂ ခုနှစ် မတ်လ) အတွင်း ပြည်ပရင်းနှီး မြှုပ်နှံမှု လုပ်ငန်းပေါင်း ၄၉ ခုမှ ကန်ဒေါ်လာ ၆၄၇ ဒသမ ၁၂၇ သန်းကျော် ရရှိခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၏ စာရင်းဇယားများအရ သိရသည်။

စင်္ကာပူနိုင်ငံအနေဖြင့် မြန်မာနိုင်ငံတွင် ရင်းနှီးမြှုပ်နှံမှုအ နေဖြင့် ၂၀၁၂-၂၀၁၃ ဘဏ္ဍာရေးနှစ်တွင် ၄၁၈ သန်း၊၂၀၁၃-၂၀၁၄ ဘဏ္ဍာနှစ်တွင် ၂.၃ဘီလီယံ၊ ၂၀၁၄-၂၀၁၅ ဘဏ္ဍာနှစ်တွင် ၄.၂၉ဘီလီယံ၊ ၂၀၁၅ – ၂၀၁၆ ဘဏ္ဍာနှစ်တွင် ၄.၂၅ ဘီလီယံ၊ ၂၀၁၆ – ၂၀၁၇ ဘဏ္ဍာနှစ်တွင် ၃.၈ ဘီလီယံ၊ ၂၀၁၇ -၂၀၁၈ ဘဏ္ဍာနှစ်တွင် ၂.၁၆ ဘီလီယံ၊ ၂၀၁၈ -၂၀၁၉ ဘဏ္ဍာနှစ်တွင် ဒေါ် လာ ၂.၄ ဘီလီယံ၊ ၂၀၁၉ – ၂၀၂၀ ဘဏ္ဍာနှစ်တွင် ဒေါ်လာ ၁.၈၅ ဘီလီယံ ရင်းနှီးမြှုပ်နှံခဲ့ကြောင်း သိရသည်။

ထို့အပြင် သီလဝါအထူးစီးပွားရေးဇုန်၌လည်း ဂျပန်ပြီးလျှင် စင်္ကာပူသည် ဒုတိယအကြီးဆုံး နိုင်ငံခြားရင်းနှီးမြှုပ်နှံသည့်နိုင်ငံအဖြစ်ရပ်တည်လျက်ရှိသည်။