ဖနွမ်းပင်၊ဇူလိုင် ၂၅
တရုတ်သမ္မတရှီနှင့် ဝန်ကြီးချုပ်လီချန်တို့သည် ကမ္ဘောဒီးယားဝန်ကြီးချုပ် မစ္စတာဟွန်ဆန်ထံသို့ (၇) ကြိမ်မြောက် အမျိုးသားလွှတ်တော် ရွေးကောက်ပွဲ၌ အောင်မြင်မှုရရှိသည့်အတွက် ဂုဏ်ပြုကြောင်းသဝဏ်လွှာပေးပို့ခဲ့သည်ဟုသိရသည်။
အဆိုပါဂုဏ်ပြုမှတ်တမ်းအား ကမ္ဘောဒီးယားရှိတရုတ်သံရုံးမှတစ်ဆင့်ပေးအပ်ခဲ့ခြင်းလည်းဖြစ်သည်။
တရုတ်သမ္မတရှီကမူ မစ္စတာဟွန်ဆန်၏လက်ထက်၌ ကမ္ဘောဒီးယားသည်နိုင်ငံရေးနှင့်စီးပွားရေးတည်ငြိမ်မှုများရရှိခဲ့ပြီး လူနေမှုအဆင့်အတန်း၌လည်း ဒေသတွင်းတွင်သာမက နိုင်ငံတကာ၌ပါနာမည်ကောင်းရရှိစေခဲ့သည်ဟုဆိုခဲ့သည်။
တရားဝင်မဟုတ်သေးသောရလဒ်များအရ CPP သည် အမျိုးသားလွှတ်တော်တွင် အမတ်နေရာ ၁၂၀ နေရာရရှိထားပြီး FUNCINPEC ပါတီသည် အမတ်နေရာငါးနေရာအနိုင်ရနေသည်ဟုသိရှိရသည်။
ကမ္ဘောဒီးယားရွေးကောက်ပွဲ၌ လူဦးရေ ၈ သန်းကျော်မှတ်ပုံတင်ထားပြီး မဲဆန္ဒရှင် ၈၄ ဒသမ ၅၈ ရာခိုင်နှုန်းရှိကာ ကမ္ဘာပေါ်၌အများဆုံးမဲပေးသည့်နိုင်ငံလည်းဖြစ်လာခဲ့သည်။
Source : Khmertimes