ရှမ်းယူနိုက်တက်အသင်း နည်းပြချုပ်ဟောင်း ဂျပန်လူမျိုး မစ္စတာဟီရိုကီအိုနိုကို Yangon City FC အသင်းက နည်းစနစ်ဒါရို-က်တာအဖြစ် (၂) နှစ်စာချုပ် ချုပ်ဆိုခေါ်ယူလိုက်ကြောင်း သိရသည်။
အသက် (၄၀) အရွယ် မစ္စတာ ဟီရိုသည် နိုင်ငံတကာအတွေ့ အကြုံများစွာရှိထားသူဖြစ်ကာ AFC A (Australia)၊ UEFA B (England)လက်မှတ်ရရှိထားသူ ဖြစ်သည်။
အင်္ဂလန်၊ ဂျပန်နှင့် ထိုင်းနိုင်ငံတို့တွင် အကယ်ဒမီများ၊ သက်တမ်းအလိုက် လူငယ်အသင်းများ၌ နည်းပြချုပ် ခန့်အပ်ခံခဲ့ရပြီး ၂၀၁၄ ခုနှစ်မှ ၂၀၂၃ ခုနှစ်အထိ တာဝန်ယူခဲ့သူ ဖြစ် သည်။
၂၀၂၄ -၂၀၂၅ ဘောလုံးရာသီတွင် ဟီရိုသည် ရှမ်းယူနိုက်တက် အသင်းနည်းပြချုပ်အဖြစ် ခန့်အပ်ခံခဲ့ရပြီး ရှမ်းယူနိုက်အသင်းကို ရှုံးပွဲမရှိ စံချိန်နှင့်အတူ မြန်မာနေရှင်နယ်လိဂ်ဆုဖလားကို ရယူပေးနိုင်ခဲ့သည့်အပြင် AFC Challenge League 2024 ပြိုင်ပွဲတွင် ကွာတားဖိုင်နယ်သို့ ရောက်ရှိအောင် စွမ်းဆောင်ပေးနိုင်ခဲ့သူတစ်ဦးလည်းဖြစ်သည်။
ယခု ခေါ်ယူမှုသည် မြန်မာနေရှင်နယ်လိဂ် ၂ ကလပ်အသင်းများတွင် ပထမဆုံး ပြည်ပနည်းစနစ် ဒါရို-က်တာအဖြစ် ခေါ်ယူခဲ့ခြင်းဖြစ်သည်ဟု အသင်းက အသိပေးထားသည်။