ရှမ်းနှင့်ကယားမှ စစ်ဘေးရှောင်ပြည်သူ (၈၀၀၀၀) ကျော်အား အသုံးအဆောင်ပစ္စည်းများ ထောက်ပံ့ပေးခဲ့ဟု UNHCR ထုတ်ပြန်
ရှမ်းနှင့် ကယား ပြည်နယ်အတွင်းက စစ်ဘေးရှောင် ပြည်သူများထံ လူသားချင်း စာနာမှုအကူအညီများ ပေးအပ်လျက်ရှိရာ ပြီးခဲ့သည့် ဇွန်လ အတွင်းက စစ်ဘေးရှောင်ပြည်သူ (၈၃၀၀၀) ကို ကူညီပေးနိုင်ခဲ့ကြောင်း UNHCR က ထုတ်ပြန်ချက်အရသိရသည်။
ကယားပြည်နယ်အတွင်းမှ နယ်မြေဒေ သအချို့တွင် မြန်မာ့တပ်မတော်နှင့် လက်နက်ကိုင်အဖွဲ့များအကြား တိုက်ပွဲများပြင်းထန်နေပြီး နယ်မြေထိစပ်နေသည့် ရှမ်းပြည်အ တွင်းသို့ နေရပ်စွန့်ခွာ ထွက်ပြေးလာသည့် စစ်ဘေးရှောင်များလည်း ပိုမိုများပြားလာနေကြောင်း UNHCR က ထုတ်ပြန်ထားသည်။
အဆိုပါ စစ်ဘေးရှောင်များအား လူသားချင်း စာနာမှုအ ကူအညီများ ပေးအပ်မှုအစီအစဥ်ကို ၂၀၂၂ ဇန်နဝါရီ လ က စတင်ခဲ့ခြင်းဖြစ်ပြီး ပြီးခဲ့သည့် ဧပြီလကလည်း က ယားပြည်နယ်တွင်းမှ ပြည်သူများကို ကူညီမှုများ ပြုလုပ်ခဲ့ကြောင်း သိရသည်။
ဇွန်လအတွင်းက ရှမ်းပြည်နယ်အတွင်း ဝင်ရောက်လာသည့် စစ်ဘေးရှောင်များနှင့် ကာယားပြည်နယ်အတွင်းမှ စစ်ဘေးသင့် ပြည်သူ (၈၃၀၀၀) အတွက် ဖျာများ၊ မီးဖို ချောင်သုံးပစ္စည်းများ၊ ခြင်ထောင်များ၊ ရေပုံးပျော့များ၊ တာပေါ်လင်စများ၊ အိမ်အမိုး သွပ်ပြားများအပါအ၀င် အမိုးအကာပစ္စည်းများ၊ တစ်ကိုယ်ရည်ကာ ကွယ်ရေးသုံးဝတ်စုံများ (PPEs) နှင့် တကိုယ်ရည် ကျန်းမာရေးသုံးပစ္စ ည်းများ စသည်တို့ကို ဖြန့်ဝေကူညီပေးခဲ့ကြောင်း သိရသည်။
ထို့အပြင် UNHCR အနေဖြင့် မြန်မာနိုင်ငံအတွင်းရှိ လူ သားချင်း စာနာမှုဆိုင်ရာ အကူအညီများလိုအပ်နေသော ပဋိပက္ခ နေရာဒေသများမှ ပြည်သူများကို ဆက်လက် ကူညီသွားမည်ဖြစ်ကြောင်းလည်း အသိပေးထားသည်။
ပြီးခဲ့သည့် ရက်ပိုင်းအတွင်းက မြန်မာနိုင်ငံသို့ လာရောက်ခဲ့သည့် အာဆီယံ အထူးကိုယ်စားလှယ်၏ ခရီးစဉ်အ တွင်း၌လည်း မြန်မာပြည်တွင်းရှိ ပြည်သူများထံ လူသားချင်းစာနာမှု အကူညီများ ထောက်ပံ့ကူညီသွားရန်ရှိပြီး ယင်း လူသားချင်းစာနာမှု အကူညီများ အမှန်တကယ် လို အပ်နေသူများထံ လုံခြုံဘေးကင်းစွာ ရောက်ရှိရေးပံ့ပိုးကူညီရန် နစက ခေါင်းဆောင်များကို တိုက်တွန်းပြောကြားသွားသေးသည်။