ဆန်ဈေးနှုန်းများ တည်ငြိမ်မှန်ကန်စေရေးအတွက် ရွှေဘိုပေါ်ဆန်းအပါအဝင် ဆန်များကို စားသုံးသူများထံသို့ အိမ်အရောက်ပို့စနစ် (Home Delivery) ဖြင့် ယနေ့(နိုဝင်ဘာ ၂၇ ရက်) မှ စတင်ပို့ဆောင်ရောင်းချနေကြောင်းမြန်မာနိုင်ငံဆန်စပါးအသင်းချုပ်က ထုတ်ပြန်ထားသည်။
ရောင်းချမည့်ဆန်များမှာ ရွှေဘိုပေါ်ဆန်း ၁၈၀,၀၀ဝိ/- ကျပ် (ဆန်ဟောင်း) ၊ ဧရာဝတီပေါ်ဆန်း (ကြားပျံ) ၁၅၀,၀၀ဝိ/- ကျပ် (ဆန်ဟောင်း) ၊ ဧရာဝတီပေါ်ဆန်း (ကြားပျံ) ၁၃၀,၀၀ဝိ/- ကျပ် (ဆန်သစ်) ၊ ဧရာဝတီပေါ်ဆန်း (နယ်စုံ) ၁၂၅,၀၀ဝိ/- ကျပ် (ဆန်ဟောင်း) ၊ ဧရာဝတီပေါ်ဆန်း (နယ်စုံ) ၁၁၅,၀၀ဝိ/- ကျပ် (ဆန်သစ်) ၊ ရက် (၉၀) ၇၅,၀၀ဝိ/- ကျပ်၊ ဧည့်မထ (၁၅ မှတ်) ၅၀,၀၀ဝိ/- ကျပ် ဖြစ်သည်။
စားသုံးသူများအနေဖြင့် မြန်မာနိုင်ငံဆန်စပါးအသင်းချုပ်၏ ဖုန်းနံပါတ်များဖြစ်သည့် ဝ၉-၄ဝဝဝ၆၇၂၄၀၊ ဝ၉-၄၀၀၀၆၇၂၅၀၊ ၀၉-၄၀၀၀၆၇၂၆ဝ သို့ ရုံးချိန်အတွင်း ဆက်သွယ်၍ မှာယူလိုသည့် ဆန်အမျိုးအစား၊ နေရပ်လိပ်စာ၊ ဆက်သွယ်ရမည့် ဖုန်းနံပါတ်တို့ကို တိကျစွာဖြင့် SMS or Viber Message ပေးပို့မှာယူရမည်ဖြစ်ကြောင်း သိရသည်။
အဆိုပါ ဖုန်းနံပါတ်များမှ အသင်းချုပ်သို့ ငွေကြိုတင်ပေးသွင်းရမည့် KBZ pay နံပါတ်ကို စားသုံးသူ၊ ဝယ်ယူသူထံသို့ ချက်ချင်း ပြန်ကြားပေးမည်ဖြစ်ပြီး ဖုန်းများမှ ပြန်ကြားပြောဆိုသည့် KBZ pay Account နံပါတ်များသို့သာ ငွေပေးသွင်းရမည်ဖြစ်ကာ ငွေပေးသွင်းပြီးစီးမှုကို Viber ဖြင့် အတည်ပြုပေးပို့ရန် ဖြစ်သည်။
ငွေပေးသွင်းသည့်နေ့မှစ၍ ရုံးဖွင့်ရက် (၃) ရက်အတွင်း လိပ်စာဖော်ပြပါအတိုင်း ဆန်များကို Delivery အခမဲ့ဖြင့် အရောက်ပို့ဆောင်ပေးမည်ဖြစ်ကြောင်း၊ ပို့ဆောင်မည့် နေ့ရက်နှင့်အချိန်အား ကြိုတင်ဆက်သွယ် ပြန်ကြားပေးမည်ဖြစ်သည်။
အထပ်မြင့်သို့ ပို့ရလျှင် ထိုက်သင့်သည့် ဝန်ဆောင်ခ ထပ်မံပေးရမည်ဖြစ်ကြောင်းလည်း အသိပေးထားသည်။