ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့မှကြီးမှူး၍ (၁၀၇) ကြိမ်မြောက် စေတိယင်္ဂဏစာလျှောက်မေးပွဲကို ယနေ့ နိုဝင်ဘာ ၁၅ ရက်နေ့လည်ပိုင်းက စေတီတော်ရင်ပြင်တော်ရာဟုထောင့်ရှိ ချမ်းသာကြီးတန် ဆောင်း၌စတင်ကျင်းပခဲ့သည်။
အဆိုပါ (၁၀၇) ကြိမ်မြောက်စာမေးပွဲတွင် သီးခြားစာချတန်းတွင် (၄၂) ပါး၊ သီးခြားစာသင်တန်းတွင် (၂၀၅) ပါး (စုစုပေါင်း ၂၄၇ ပါး) ဝင်ရောက်ဖြေဆိုရန်စာရင်းပေးသွင်းထားပြီး ယနေ့တွင် အာဂုံပြန်လာရောက်ဖြေဆိုသော သံဃာတော် (၁၈၉) ပါးရှိ၍ အာဂုံပြန်အောင်စာရင်းအား မနက်ဖြန် နိုဝင်ဘာ ၁၆ ရက်တွင် ထုတ်ပြန်ကြေညာပေးသွားမည်ဖြစ်သည်။
ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့သည် စေတိယင်္ဂဏပရိယတ္တိ ဓမ္မာနုဂ္ဂဟစာလျှောက်မေးပွဲကို (၆၇) ကြိမ်မြောက်မှစတင်ကာ ယနေ့တိုင်ကျင်းပ၍ သာသနာ့အာဇာနည်အရှင်သူမြတ်များအား ပူဇော်ချီးမြှောက်လျက်ရှိရာ ယခင်နှစ် (၁၀၆) ကြိမ်မြောက် စေတိယင်္ဂဏစာလျှောက်မေးပွဲကြီးတွင် သီးခြားစာချတန်းတွင် (၅) ပါး၊ သီးခြားစာသင်တန်းတွင် (၈) ပါးတို့ဖြေဆိုအောင်မြင်တော်မူခဲ့ကြသည်။