တပ်မတော်မှ အွန်လိုင်း လိမ်လည်လောင်းကစားမှုများနှင့် ဒုစရိုက်မှုများကျူးလွန်နေသည့် ရွှေကုက္ကိုလ်နယ် မြေအား ယနေ့ နိုဝင်ဘာ ၁၉ ရက်တွင် ဒုတိယနေ့အဖြစ် ဆက်လက်ရှင်းလင်းမှုများပြုလုပ်ခဲ့ကြောင်း သိရသည်။
ထိုသို့ ရှင်းလင်းခဲ့ရာ ခွင့်ပြုချက်မရှိဘဲ ဆောက်လုပ်ထားသည့် အဆောက်အဦ(၁၃)လုံးအတွင်းမှ မြန်မာနိုင် ငံအတွင်းသို့ တရားမဝင်ဝင်ရောက်နေထိုင်လျက်ရှိသည့် တရုတ်နိုင်ငံသား(၁၈၄)ဦး၊ မလေးရှားနိုင်ငံသား(၃)ဦး၊ ဖိလစ်ပိုင်နိုင်ငံသား(၁၄)ဦး၊ နီပေါနိုင်ငံသား(၂)ဦး၊ ထိုင်းနိုင်ငံသား(၆)ဦး၊ ဗီယက်နမ်နိုင်ငံသား(၇)ဦး၊ နိုင်ဂျီးရီးယားနိုင်ငံသား(၁)ဦး၊ အင်ဒိုနီးရှားနိုင်ငံသား(၄၈)ဦးတို့အားဖမ်းဆီးရမိခဲ့ကြောင်း သိရသည်။
၎င်းတို့နှင့်အတူ အွန်လိုင်း လိမ်လည်လောင်းကစားမှုများကျူးလွန်ရာတွင်အသုံးပြုသည့် ကွန်ပျူတာ (၂,၃၃၉)လုံး၊ မိုဘိုင်းဖုန်း(၂,၉၅၀)လုံးနှင့် လုပ်ငန်းသုံးပစ္စည်းအများအပြားကိုလည်းသိမ်းဆည်းရမိခဲ့သဖြင့် (၂)ရက်အတွင်း ရွှေကုက္ကိုလ်နယ်မြေအတွင်း ပြည်ပနိုင်ငံသား(၆၁၁)ဦးနှင့် ကွန်ပျူတာ(၂,၆၅၃)လုံး၊ မိုဘိုင်းဖုန်း(၁,၉၆၅၀)လုံးနှင့် လုပ်ငန်းသုံးပစ္စည်းအများအပြားကိုဖမ်းဆီးရမိခဲ့ကြောင်း သိရသည်။
ထို့ကြောင့် ဖမ်းဆီးရမိခဲ့သည့် ပြည်ပနိုင်ငံသားများအား မြဝတီမြို့နယ်၊ ပူလွဲပူကျေးရွာအုပ်စု၊ ရွှေကုက္ကိုလ်မြိုင်ကျေးရွာ၊ လုံထင်းဝန်းရှိ အဆောက်အဦ၌ထိန်း သိမ်းထားပြီး တရားမဝင်ပြည်ပနိုင်ငံသားစစ်ဆေးရေးအဖွဲ့မှစစ်ဆေးမှုများပြုလုပ်ခဲ့ကြပြီး သက်ဆိုင်ရာနိုင်ငံများသို့ ပြန်လည်ပြည်နှင်လွှဲပြောင်းပေးနိုင်ရေးအတွက်လိုအပ်သည့် ကိုယ်ရေးအချက်အလက်များနှင့် မှတ် တမ်းများစာရင်းကောက်ယူခြင်းများကို သက်ဆိုင်ရာဝန်ထမ်းများကဆောင်ရွက်လျက်ရှိကြောင်း သိရသည်။
ထို့ပြင် မြဝတီ-မဲ့ထော်သလေး(KK Park)နယ်မြေအ တွင်း အွန်လိုင်း လိမ်လည်လောင်းကစားမှုများကျူး လွန်ရာတွင်အသုံးပြုခဲ့သည့် အဆောက်အဦ(၆၃၅)လုံးကို ယာဉ်ယန္တရားများ၊ အဆင့်မြင့်နည်းပညာသုံးဖောက် ခွဲဖျက်ဆီးခြင်းနည်းပညာများအသုံးပြု၍ စနစ်တကျဖောက်ခွဲဖျက်ဆီးလျက်ရှိရာ ယနေ့ နိုဝင်ဘာ ၁၉ ရက်ည ၆ နာရီအထိ (၁၇၀)လုံးကို ဖြိုချဖျက်ဆီးပြီးစီးပြီးဖြစ်ကာ ကျန်ရှိသော အဆောက်အအုံ(၄၆၅)လုံးကိုလည်းဆက်လက်ဖြိုချဖျက်ဆီးလျက်ရှိကြောင်း သိရသည်။