star Link ဘန်း (၁၀၁) လုံးနှင့် Router (၂၁) လုံးအပါအဝင် ပြည်ပနိုင်ငံသား (၃၅၁) ဦးတို့ကိုထိန်းသိမ်းခဲ့
အွန်လိုင်းလိမ်လည်မှု၊ အွန်လိုင်းလောင်းကစားမှုနှင့် ဒုစရို-က်မှုများကိုအခြေပြုကျူးလွန်သည့်နေရာဖြစ်သော ရွှေကုက္ကိုလ်နယ်မြေအား ယနေ့ နိုဝင်ဘာ ၂၁ ရက်တွင် (၄) ရက်မြောက်နေ့အဖြစ်ဆက်လက်ရှင်းလင်းမှုများပြုလုပ်ခဲ့ကြောင်း သိရသည်။
ထိုသို့ ရှင်းလင်းရာ ရွှေကုက္ကိုလ်နယ်မြေ၊ ရှင်းယုံလီဝန်းအတွင်းရှိ ဂိုဒေါင်အတွင်းမှ star Link ဘန်း (၁၀၁) လုံးနှင့် Router (၂၁) လုံးတို့ကို စိစစ်တွေ့ရှိသိမ်းဆည်းရမိခဲ့ကြောင်း သိရသည်။
ထို့ပြင် ပြစ်မှုများကျူးလွန်ပြီး ထွက်ပြေးတိမ်းရှောင်ပုန်းအောင်းနေထိုင်လျက်ရှိသော တရုတ်နိုင်ငံသား (၁၁၆) ဦး၊ ဗီယက်နမ်နိုင်ငံသား (၃၆) ဦး၊ ကင်ညာနိုင်ငံ သား (၁၄) ဦး၊ အီသီရိုးပီးယားနိုင်ငံသား (၇၅) ဦး၊ တောင်အာဖရိကနိုင်ငံသား (၈) ဦး၊ အင်ဒိုနီးရှားနိုင်ငံသား (၂၃) ဦး၊ ယူဂန်ဒါနိုင်ငံသား (၂၉) ဦး၊ ဇင်ဘာဘွေနိုင်ငံသား (၁) ဦး၊ ဖိလစ်ပိုင်နိုင်ငံသား (၁၄) ဦး၊ ပါကစ္စတန်နိုင်ငံသား (၃) ဦး၊ ဘင်္ဂလားဒေ့နိုင်ငံသား (၁) ဦး၊ လိုက်ဘေးဒီးယားနိုင်ငံသား (၁) ဦး၊ နိုင်ဂျီးဒီးယားနိုင်ငံသား (၂) ဦး၊ မော်ရိုကိုနိုင်ငံသား (၁) ဦး၊ မာလဝီနိုင်ငံသား (၁) ဦး၊ ကင်မရွန်းနိုင်ငံသား (၆) ဦး၊ မွန်ဂိုးလီးယားနိုင်ငံသား (၁) ဦးနှင့် ထိုင်ဝမ်နိုင်ငံသား (၁) ဦး (စုစုပေါင်း ၃၅၁ ဦး) တို့ကိုလည်း ထိန်းသိမ်းနိုင်ခဲ့ကြောင်း သိရသည်။
ထို့ကြောင့် နိုဝင်ဘာ ၁၈ ရက်မှ ယနေ့ နိုဝင်ဘာ ၂၁ ရက်အထိ ရွှေကုက္ကိုလ်နယ်မြေမှ ပြည်ပနိုင်ငံသား (၁,၃၆၇) ဦးနှင့် အွန်လိုင်းလိမ်လည်လောင်းကစားမှုကျူးလွန်ရာတွင်အသုံးပြုသည့် ကွန်ပျူတာ (၂,၆၅၃) လုံး၊ မိုဘိုင်း ဖုန်း (၂၁,၇၅၀) လုံး၊ star Link ဘန်း (၁၀၁) လုံး၊ Router (၂၁) လုံးနှင့် လုပ်ငန်းသုံးပစ္စည်းအများအပြားကို သိမ်းဆည်းဖမ်းမိခဲ့ကြောင်း သိရသည်။