ဝင်ပြိုင်ခွင့်မရှိပါကလည်း ပါတီက ကိုယ်စားလှယ်လောင်းများကို မဲပေးနိုင်
ပြည်သူ့ရှေ့ဆောင်ပါတီ ဥက္ကဋ္ဌ ဒေါ်သက်သက်ခိုင်အနေဖြင့် ရွေးကောက်ပွဲ ဝင်ရောက်ယှဉ်ပြိုင်ရန် ကိုယ်စားလောင်းအမ ည်စာရင်းမှ ပယ်ဖျက်ခံရမှု နှင့်ပတ်သက်ပြီး ပြည်ထောင်စု ရွေးကောက်ပွဲကော်မရှင် ( UEC) ထံ အသနားခံစာတင်ထားကြောင်း ယနေ့ကျင်းပသည့် ပြည်သူ့ရှေ့ဆောင်ပါတီ သတ င်းစာရှင်းလင်းပွဲတွင် သတင်းမီဒီယာများကို ဒေါ်သက်သက်ခိုင် ကဖြေကြားခဲ့ခြင်း ဖြစ်သည်။
“အခုချိန်ထိ ကျွန်မပြောနိုင်တာကတော့ UEC ကို ကျွန်မ အ သနားခံစာတင်ထားတယ်၊ UEC က ဒီအသနားခံစာကို လ က်ခံလားမခံလားကတော့ ဒီနေ့အထိ အကြောင်းမပြန်သေးဘူး” ဟု ဒေါ်သက်သက်ခိုင် က ပြောသည်။
ရွေးကောက်ပွဲ ဝင်ရောက်ယှဉ်ပြိင်ခွင့် ရရှိသည်ဖြစ်စေ မရရှိသည်ဖြစ်စေ ၎င်းတို့ ပါတီမှ ဝင်ရောက်ယှဉ်ပြိုင်မည် အခြားကိုယ်စားလှယ်လောင်းများကို မဲပေးနိုင်ကြောင်းလည်း တို င်းရင်းသားပြည်သူများကို ပါတီဥက္ကဋ္ဌ ဒေါ်သက်သက်ခိုင် က မေတ္တာရပ်ခံပြောကြားထားသည်။
“တိုင်းရင်းသားပြည်သူ တစ်ရပ်လုံးကို မေတ္တာရပ်ခံချင်တာက ကျွန်မတီု့ပါတီသည်လူမှု စီးပွားရေးဖွံ့ဖြိုးတိုးတက်မှု ကို ဦးဆောင်မယ် ပါတီဖြစ်တယ် ၊ ဒီနေရမှာ ကျွန်မတို့က အားသာတယ်၊ ငြိမ်းချမ်းရေးဆိုလည်း ကျွန်မတို့ပါတီက တော် လှန်ရေးကို မယုံကြည်ဘူး တည်ဆောက်ရေးကို ယုံကြည်တယ် ထိပ်တိုက်ရင်ဆိုင်တာတွေကို မယုံကြည်ဘူး ညိနှိုင်းဆွေးနွေးပြီးသွားတာကို ယုံကြည်တယ်။ ကျွန်မတို့ပါတီသ ည် ငြိမ်းချမ်းရေးအတွက်လည်း နိုင်ငံရေးပါတီတစ်ခုအနေနဲ့ ငြိမ်းချမ်းရေးဆွေးနွေးပွဲတွေမှာလည်း ကျွန်မတို့ အစွမ်းအစ ပြနိုင်တယ်၊ ရလဒ်ထွက်နိုင်တယ်” ဟု ဒေါ်သက်သက်ခိုင် ကပြောကြားခဲ့သည်။
သူ့အနေဖြင့် ရွေးကောက်ပွဲ ဝင်ရောက်ယှဉ်ပြိုင်ခွင့်မရှိပါကလည်း ပါတီဥက္ကဋ္ဌ အဖြစ်ဆက်ရှိနေမည်ဖြစ်ကြောင်း သိရသည်။
ဒေါ်သက်သက်ခိုင်သည် ရန်ကုန်တိုင်းဒေသကြီး အမျိုးသားလွှတ်တော် FPTP မဲဆန္ဒနယ် အမှတ်(၂)တွင် ဝင်ရောက်ယှဉ် ပြိုင်ရန် အမည်စာရင်း တင်သွင်းထားခြင်းဖြစ်ပြီး ရွေးကော က်ပွဲ ဥပဒေပုဒ်မ ၈ (ဃ) ပါ ပြဋ္ဌာန်းချက်နှင့် ငြိစွန်းသဖြင့် ကို ယ်စားလှယ်လောင်းစာရင်းမှ ပယ်ဖျက်ခြင်းဖြစ်ကြောင်း UEC က အသိပေးထားခြင်း ဖြစ်သည်။
သက်ဆိုင်ရာ လွှတ်တော်ရွေးကောက်ပွဲ ဥပဒေပုဒ်မ ၈(ဃ) သည် ရွေးကောက်တင်မြှောက်ခံပိုင်ခွင့်ရှိသူ လူပုဂ္ဂိုလ်နှင့်သာ တိုက်ရိုက်သက်ဆိုင်ပြီး နိုင်ငံရေးပါတီအနေဖြင့် အ ကျုံးဝင်ခြင်းမရှိကြောင်းလည်း UEC က ဆိုသည်။
ဒေါက်တာသက်သက်ခိုင်သည် လာမည့် ရွေးကောက်ပွဲတွင် ဗဟန်း၊ ကမာရွတ်၊ အလုံ၊ စမ်းချောင်း၊ ကြည့်မြင်တိုင်၊ လှိင်၊ မရမ်းကုန်း မြော က် ဥက္ကလာပမြိုနယ်တိုပါဝင်သည့် ရန်ကု န်တိုင်း၊ အမျိုးသားလွှတ်တော် မဲဆန္ဒနယ် အမှတ် (၂) မှ ဝင်ရောက်ယှဉ်ပြိုင်ရန် လျှောက်လွှာတင်သွင်းထားခြင်း ဖြစ်သည်။
ဒေါ်သက်သက်ခိုင် ဦးဆောင်သည့် ပြည်သူ့ရှေ့ဆောင်ပါတီသည် လာမည့်ရွေးကောက်ပွဲတွင် ကိုယ်စားလှယ်လောင်း (၆၇၂) ယောက် ဝင်ပြိုင်ရန် UEC ထံ အမည်စာရင်းတင်သွင်းထားသည့် ပြည်ထောင်စုအဆင့် ပါတီတစ်ခု ဖြစ်သည်။