ထိုင်းတွင်ရွေးကောက်ပွဲပြီး၍ အစိုးရဖွဲ့ပြီးနေသော်လည်း မပြီးသေးသော ပါတီတွင်းကိစ္စများကို မြင်တွေ့နေရသည့်အချိန်အခါပင်ဖြစ်သည်။ လတ်တလော ပွဲဆူနေသောပါတီကိစ္စများသည်နိုင်ငံတွေသာကွာမည်ဖြစ်စဥ်မကွာသည်ကိုရူမြင်ရမည်ဖြစ်သည်။
-သက်ဆင်ထူထောင်ခဲ့သော ဖြူထိုင်းပါတီ
“ဖြူထိုင်းပါတီခေါင်းဆောင် Cholnan Srikaew သည် ရွေးကောက်ပွဲမဲဆွယ်ကာလက ၎င်း၏ကတိစကားတည်ရန် ယနေ့တွင် ပါတီခေါင်းဆောင်အဖြစ်မှ နုတ်ထွက်မည်ဖြစ်သည်။ဖြူထိုင်းပါတီသည် စစ်အစိုးရလိုလားသော ပါတီများဖြစ်သည့် United Thai Nation ပါတီနှင့် Phalang Pracharath တို့နှင့် ပူးပေါင်းပါက ရာထူးမှ နုတ်ထွက်မည်ဖြစ်ကြောင်းပြောထားခဲ့မူရှိသည်”ဟုပါတီ၏ အကြီးတန်းအမတ် Adisorn Piengkaet က ယနေ့ ဗုဒ္ဓဟူးနေ့၌တွစ်တာတွင် ရေးသားခဲ့သည်။
သို့သော်လည်း Cholnan သည် အစိုးရအဖွဲ့သစ်တွင် ပြည်သူ့ကျန်းမာရေးဝန်ကြီး ဖြစ်လာမည်ဖြစ်သည်။
-ပီတ၏MFPပါတီ
Move Forward ပါတီ(ဝန်ကြီးချုပ်ဖြစ်မည်ထင်ခဲ့သောပီတ၏ပါတီ) ဗဟိုအလုပ်အမှုဆောင်နှင့် လွှတ်တော်ကိုယ်စားလှယ်များက သြဂုတ် ၂၉ ရက်က အစည်းဝေးလုပ်ခဲ့သော်လည်း အတိုက်အခံ ဦးဆောင်ပါတီ လုပ်မည် မလုပ်မည်၊ သို့မဟုတ် ပါတီက ရေရှည်အတွက်ကြည့်သောအတိုက်အခံအခန်းကဏ္ဍကိုပိုအာရုံစိုက်သော အတိုက်အခံပါတီအဖြစ်ရပ်တည်မည်လားဆိုသည်ကို ဝေခွဲမရဖြစ်ခါမဆုံးဖြတ်ကြသေးပေ။
ပါတီအနေဖြင့် အုပ်ချုပ်ရေးအာဏာ မရသော်လည်းပြည်သူများက သူတို့ကို အားကိုးနိုင်ကြောင်းကို လုပ်ဆောင်ပြဖို့ ကြိုးစားကြမည်ဆိုသည်။
MFP၏အဓိက ရည်မှန်းချက်မှာ ပါတီအနေဖြင့် လာမည့် ရွေးကောက်ပွဲတွင် အစိုးရဖြစ်ဖို့ အဆင်သင့်ဖြစ်နေရန်ပဲဖြစ်သည်။
-သက်တမ်းရှည် ဒီမိုကရက်တစ်ပါတီ
ဒီမိုကရက်တစ်ပါတီ၏ တိုင်းဒေသကြီး ၄ ခုမှကိုယ်စားလှယ်များက မကျေလည်မူများကိုပါတီ၏ အိမ်စောင့် ခေါင်းဆောင်ပိုင်းထံစာတင်မေးမြန်းလျှက်ရှိသည်။
ပါတီခေါင်းဆောင်သစ်ရွေးချယ်ရန် အစည်းအဝေး ၂ခု အဘယ်ကြောင့်ပျက်ခဲ့ရသလဲ ဆိုသည်ကို မေးမြန်းခြင်းဖြစ်သည်။
လွှတ်တော်ကိုယ်စားလှယ်အချို့နှင့် ခရိုင်ကိုယ်စားလှယ်များကအစည်းအဝေးများ (အထူးသဖြင့် သြဂုတ် ၆ ရက် )ကို တမင်တကာ အဖျက်အမှောင့်လုပ်ခဲ့သည်ဟု စွပ်စွဲထားကြသည်။
ထိုပျက်သွားသည့်အစည်းအဝေးများအတွက်ဆက်စပ်ကုန်ကျစရိတ် ဘတ် ၁၀ သန်းခန့် ဆုံးရှုံးသွားခဲ့သည်ကိုလည်းစုံစမ်းစစ်ဆေးရန် တောင်းဆိုနေသည်။
Ref: Khaosod
