နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်မှ ဇန်နဝါရီ ၆ ရက်က ပြည်ထောင်စုဝန်ကြီးများ၊နေပြည်တော်ကောင်စီဥက္ကဋ္ဌ၊တိုင်းနှင့်ပြည်နယ်ဝန်ကြီးချုပ်များ၊ကိုယ်ပိုင်အုပ်ချုပ်ခွင့်ရဒေသနှင့်တိုင်းဥက္ကဋ္ဌများအား တွေ့ဆုံလမ်းညွှန် အမှာစကားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
“ရွေးကောက်ပွဲကျင်းပချိန်မှာ မဲပေးခြင်းမပေးခြင်းက လူတစ်ဦးချင်းရဲ့ဆန္ဒဖြစ်ပါတယ်၊ လူတိုင်းမဲပေးနိုင်အောင်ပြုလုပ်ပေးခြင်းက အစိုးရရဲ့တာ ဝန်ပဲဖြစ်ပါတယ်”ဟု နစက ဥက္ကဋ္ဌကပြောသည်။
ထို့ကြောင့် ပြည်သူများအနေဖြင့် ခြိမ်းခြောက်မှု၊အကြပ်ကိုင်မှု၊ဖိအားပေးမှုကင်းရှင်းစွာ တစ်ဦးချင်း၏ဆန္ဒကို ဖော်ထုတ်မဲပေးနိုင်ရမည်ဖြစ်ပြီး ရွေးကောက်ပွဲကို မှတ်ကျောက်တင်ခံရသည့် ရွေးကောက်ပွဲတစ်ခုဖြစ်စေရန် မိမိတို့ဆောင်ရွက် သွားမည်ဟု ဆိုသည်။
“တိုင်းနဲ့ပြည်နယ်ဝန်ကြီးချုပ်တွေအနေနဲ့လည်း မဲစာရင်းတွေတိကျမှန်ကန်ဖို့ လူတိုင်းမဲပေးနိုင်ဖို့ကို ဆောင်ရွက်သွားကြဖို့လိုပါတယ်”ဟု နစက ဥက္ကဋ္ဌကပြောသည်။
ယင်းကိစ္စများဆောင်ရွက်ရန် ကျန်ရှိသည့်အချိန်တွင် ကြိုးပမ်းကြရန်လိုပြီးဖြစ်ပေါ်လာသည့် အခြေအနေနှင့်တိုးတက်မှုများအပေါ်မူတည်၍ ရွေး ကောက်ပွဲကိစ္စကို ထပ်မံသုံးသပ်ရမည်ဖြစ်ပြီး စနစ်တကျအားထည့်ကြိုးပမ်းရန်လိုသည်ဟုဆိုသည်။
ရွေးကောက်ပွဲနှင့်ပတ်သက်၍ ၂၀၂၀ ပြည့်နှစ်တွင်ဖြစ်ပေါ်ခဲ့သည့် မဲမသမာမှုများကို သင်ခန်းစာယူကာ မဲစာရင်းများမှန်ကန်မှုရှိရန် ဆောင်ရွက်ရမည်ဖြစ်ပြီး ၂၀၁၅ ခုနှစ်တွင်ထုတ်ပြန်ခဲ့သည့် မဲစာရင်းသည် ၂၀၁၄ ခုနှစ်တွင်ကောက်ယူရရှိခဲ့သည့်သန်းခေါင်စာရင်း ပေါ်တွင် မူတည်ဆောင်ရွက်ခဲ့ခြင်းဖြစ်သည်ဟုလဆိုသည်။
“စာရင်းဇယားတိကျမှုရှိတယ်၊ လာမယ့်ရွေးကောက်ပွဲမှာလည်း စာရင်းဇယားမှန်ကန်စေရေးဟာ အဓိကဖြစ်ပါတယ် ဒါ့ကြောင့် စာရင်းဇယားတွေ မှန်ကန်မှုရှိစေဖို့ အခုချိန်တည်းကဆောင်ရွက်ရမှာဖြစ်ပါတယ် လိုအပ်လာရင် ပြည်လုံးကျွတ် သန်းခေါင်စာရင်းကောက်ယူပြီး စာရင်းဇယားတွေ တိကျမှန်ကန်မှုရှိစေဖို့ ဆောင်ရွက်သွားရပါမယ်”ဟု နစက ဥက္ကဋ္ဌကပြောကြားခဲ့သည်။
