ထိုင်းဝန်ကြီးချုပ် အနူတင် ချန်ဗီရာကူလ်သည် ရေကြီးရေလျှံမှုများ အကြီးအကျယ်ဖြစ်ပွားနေသည့် နိုင်ငံတောင်ပိုင်း ဆောင်ခလာပြည်နယ်တွင် အင်္ဂါနေ့၌ အရေးပေါ်အခြေအနေကြေညာခဲ့သည်။
ပျ-က်စီးဆုံးရှုံးမှုများသည် နေရာအနှံ့ဖြစ်ပွားနေကာ အများပြည်သူဘေးကင်းလုံခြုံမှုအတွက် စိုးရိမ်ဖွယ်ရာဖြစ်နေသော မကြုံစဖူး မိုးရွာသွန်းမှုနှင့် ရေကြီးရေလျှံမှုများကို တုန့်ပြန်ရန်အတွက် ကယ်ဆယ်ရေးလုပ်ငန်းများကို ပေါင်းစပ်ညှိနှိုင်းရန် အစိုးရက အထူးကွပ်ကဲရေးစင်တာတစ်ခု ထူထောင်လိုက်ပြီးနောက် ယခုကြေညာချက်ထွက်လာခြင်းဖြစ်သည်။
ထိုင်းတောင်ပိုင်းဒေသရှိ ပြည်နယ်ကိုးခုတွင် မိုးကြီးရေလျှံနေခဲ့ကြောင်း သဘာဝဘေးအန္တရာယ် ကာကွယ်ရေးနှင့် လျော့ပါးရေးဌာနက ဆိုခဲ့ပြီး အထူးသဖြင့် လူဦးရေ ၂ ဒဿမ ၂၀ သန်းသည် ရေဘေးကြုံနေရကာ ဒေသတစ်ဝန်းသေဆုံးသူ ၁၃ ဦးရှိခဲ့ပြီဟု ပြောကြားခဲ့သည်။
ပြင်းထန်သော အရှေ့မြောက်မုတ်သုံမိုးနှင့် နိုင်ငံ၏ တောင်ပိုင်းမြေနိမ့်ဒေသနှင့် မလေးရှားနိုင်ငံကို လွှမ်းခြုံထားသော ပြင်းထန်လေဖိအားနည်းရပ်ဝန်းတစ်ခုကြောင့် မိုးသည်းထန်စွာ ဆက်လက်ရွာသွန်းနိုင်ဖွယ်ရှိပြီး ရေကြီးရေလျှံမှုနှင့် တောင်စောင်းများမှ ရေလျှံစီးကျမှုများဖြစ်ပွားနိုင်ခြေကို သိသိသာသာမြင့်တက်စေကြောင်း ထိုင်းမိုးလေဝသဌာနက သတိပေးချက်များ ထုတ်ပြန်ထားခဲ့သည်။
Ref: ရှင်းဟွာ