ရေစကြိုမြို့က နေအိမ်တစ်လုံးဗုံးပစ်ခံရလို့ လေးယောက်သေဆုံး
“ညဖက်ဆိုင်ကယ်တစ်စီးအမြန်မောင်းလာတဲ့အသံကြားတယ် အဲဒီအိမ်နားရောက်တော့နှေးသွားတယ် ချက်ခြင်းပဲအပြင်းမောင်းထွက်သွားတဲ့အသံကြားလိုက်ရတယ် မောင်းထွက်ပြီးသိပ်မကြာဘူး ဗုံးပေါက်တာပဲ”လို့ ဒေသခံတစ်ယောက်ကပြောပါတယ်။
နေအိမ်ထဲကို ပစ်သွင်းခဲ့တဲ့ဗုံးပေါက်ကွဲခဲ့တာကြောင့် အိမ်ပိုင်ရှင်ဖြစ်သူ ကိုအေးလှိုင်နဲ့သူ့ရဲ့ဇနီးသည်၊သမီးနဲ့ဘေးအိမ်ချင်းကပ်အိမ်က အမျိုးသ မီးတစ်ယောက်တို့ ထိခိုက်ဒဏ်ရာတွေရပြီးသေ ဆုံးခဲ့ပါတယ်။
အမျိုးသမီးသုံးယောက်ဖြစ်တဲ့ မမာစီ(၄၅)နှစ်၊မအေးသင်း(၂၀)နှစ်နဲ့ဒေါ်စီ(၄၇)နှစ်တို့ကတော့ အခင်းဖြစ်နေရာမှာပဲသေဆုံးသွားတာဖြစ်ပြီး ကိုအေးလှိုင်(၅၂)နှစ်ကတော့ ရေစကြိုပြည်သူ့ဆေးရုံမှာဆေးကုနေတုန်း သေဆုံးခဲ့တာပါ။
သေဆုံးသူကိုအေးလှိုင်ဟာ NLD ပါတီရဲ့အမာခံတစ်ယောက်ဖြစ်တယ်လို့လည်း ဒေသခံတွေဆီက သိရပါတယ်။