ရန်ကုန်တိုင်းမီးသတ်ဦးစီးဌာနက ဦးစီး၍ ရေကြီးရေလျှံမှုဖြစ်ပွားပါက ရေပြင်ကယ်ဆယ်ရေးအတွက် ရန်ကုန်မြို့ကန်တော်ကြီးရေပြင်တွင် (၆) ရက်ကြာ လေကျင့်ပြင်ဆင်နေကြောင်း သိရသည်။
ထိုသို့ လေ့ကျင်ပြင်ဆင်ရာ၌ မြန်မာနိုင်ငံမီးသတ်တပ်ဖွဲ့ဝင်များနှင့် ကြက်ခြေနီ သူ နာပြုတပ်ဖွဲ့ဝင်များအပါအဝင် လူမှုကယ် ဆယ်ရေးအသင်းအဖွဲ့ပေါင်း(၂၂)ဖွဲ့ကျော်ဖြင့် လေ့ကျင့်ပြင်ဆင်နေခြင်းဖြစ်သည်။
လေ့ကျင့်ပြင်ဆင်ရာတွင် ရေပြင်ကယ်ဆယ်ရေး၊ ရေပြင်စက်လှေလေ့ကျင့်မှုတို့အား တစ်ဖွဲ့ချင်းစီအပြင် ကယ်ဆယ်ရေး အဖွဲ့များစုပေါင်း၍ ကယ်ဆယ်ရေးနည်း စနစ်များကို သင်ကြားလေ့ကျင့်လျက်ရှိကြောင်း သိရသည်။
အဆိုပါလေ့ကျင့်ပြင်ဆင်မှုကို ရန်ကုန်တိုင်းမီးသတ်ဦးစီးဌာနက ဦးဆောင်၍ နှစ်စဉ် လေ့ကျင့်ပြင်ဆင်လျက်ရှိသည်ဟု ဆိုသည်။
“ကျွန်မတို့ ရန်ကုန်တိုင်း မီးသတ်ဦးစီးဌာန၊ ပရဟိတအသင်းအဖွဲ့တွေရော၊ ကြက်ခြေနီသူနာပြုတပ်ဖွဲ့တွေရော အကုန်လုံးက ကျွန်မတို့ ပြည်သူလူထုရဲ့ အသက်အိုးအိမ်စည်းစိမ်ကို ကာကွယ်ဖို့အတွက် အမြဲတမ်း အဆင်သင့် ရှိနေပါတယ်လို့ အဲဒါလေး ပြောချင်ပါတယ်ရှင်”ဟု အဆိုပါ ရေပြင်ကယ်ဆယ်ရေးတွင်ပါဝင်သည့် ရွှေမေတ္တာ လူမှုကူညီရေးအသင်း တာဝန်ခံ မရွှေလဲ့က ပြော သည်။
ထို့အတူ သူမက သဘာဝဘေးအန္တရာယ်များအား ကြိုတင်ပြင်ဆင်မှု အားကောင်းပါက ကောင်းကောင်းကျော်လွှားနိုင်ကြောင်း၊ ကြိုတင်ပြင်ဆင်မှုကြောင့် ထိခိုက်နိုင်ခြေ လျော့ပါးနိုင်ကြောင်း၊ မိုးလေဝသသတင်းနှင့် အချိန်နှင့်တပြေးညီထုတ်ပြန်သည့် သဘာဝဘေးကြေညာချက်များကို လေးစားလိုက်နာရန် လိုကြောင်း၊ ရေကြီးရေလျှံမှုအတွက် ကြိုတင်ပြောင်းရွှေ့စေမှုများအတွက် ပူး ပေါင်းပါဝင်ရန်လိုကြောင်း ဆိုသည်။
ပုံစာ-ရန်ကုန်မြို့ ကန်တော်ကြီးရေပြင်တွင် သဘာဝဘေးအန္တရာယ်အတွက် လေ့ကျင့်ပြင်ဆင်နေသည့် မြင်ကွင်းပုံရိပ်အချို့
ဓာတ်ပုံ- မရွှေလဲ့