ရုရှားနှင့်ယူကရိန်းတို့ အကျဉ်းသား ၃၉၀ စီ လဲလှယ်

မော်စကို၊မေ ၂၄

ရုရှားနှင့်ယူကရိန်းတို့သည် အစ္စတန်ဘူလ်၌ မကြာသေးမီကပြုလုပ်ခဲ့သည့်သဘောတူညီချက်အရ အကျဉ်းသား ၃၉၀ ဦးစီကို လဲလှယ်ခဲ့ကြောင်း ရုရှားကာကွယ်ရေးဝန်ကြီးဌာနကပြောကြားခဲ့သည်။

ရုရှားစစ်တပ်မှ စစ်မှုထမ်း ၂၇၀ နှင့် အရပ်သား ၁၂၀ တို့သည် ကိဗ်ထိန်းချုပ်နယ်မြေမှ ပြန်လည်ရောက်ရှိလာကြောင်း ဝန်ကြီးဌာနကပြောကြားခဲ့ပြီးအပြန်အလှန်အားဖြင့် ယူကရိန်းအကျဉ်းသား ၂၇၀ နှင့် အရပ်သား ၁၂၀ ကိုလည်း လွှတ်ပေးခဲ့ကြောင်း ၎င်းကထပ်လေ-ာင်းပြောကြားခဲ့သည်။

လွတ်မြောက်လာသည့်ရုရှားအကျဉ်းသားများသည်ဘီလာရုစ်သမ္မတနိုင်ငံ၏ ပိုင်နက်တွင်ရှိနေပြီး လိုအပ်သလို စိတ်ပိုင်းဆိုင်ရာနှင့်ဆေးဝါးအကူအညီများလုပ်ပေးလျက်ရှိသည်ဟုလည်းဝန်ကြီးဌာနက ပြောကြားခဲ့သည်။

“ရုရှားဖက်က စတင်လိုက်တဲ့ အကြီးစားအကျဥ်းသားလဲလှယ်မှုကို လာမယ့်ရက်တွေမှာ ဆက်လက်လုပ်ဆောင်ဖို့စီစဉ်ထားပါတယ်” ဟုလည်း ဝန်ကြီးဌာန၏ထုတ်ပြန်ချက်အရသိရသည်။

ပြီးခဲ့သည့်သီတင်းပတ်က အစ္စတန်ဘူလ်၌နှစ်ဘက်တို-က်ရို-က်ညှိနှိုင်းမှုအပြီးတွင် ရုရှားနှင့်ယူကရိန်းတို့သည် အကျဉ်းသား ၁,၀၀၀ စီလဲလှယ်ရန် သဘောတူခဲ့ကြပြီး ပဋိပက္ခစတင်ခဲ့သည့် ၂၀၂၂ ခုနှစ်နောက်ပိုင်း အကြီးမားဆုံးအကျဉ်းသားလဲလှယ်မှုအဖြစ်လည်း မှတ်တမ်းဝင်ခဲ့သည်။

Source : ရှင်းဟွာ