ရန်ကုန် – ဒလ တံတားတည်ဆောက်မှုစီမံကိန်းအား ယခုနှစ်ကုန်တွင် ၅၀ရာခိုင်နှုန်းပြီးစီးရန် လျာထား
ရန်ကုန်-ဒလ တံတားတည်ဆောက်မှုစီမံကိန်းကို ယခုနှစ်ကုန်တွင် ၅၀ရာခိုင်နှုန်း ပြီးစီးရန် လျာထားကာ ၂၀၂၄ ခုနှစ် ပထမပတ်တွင်အပြီးတည်ဆောက်ရန်လျာထားကြောင်း ဆောက်လုပ်ရေးဝန်ကြီးဌာနသတင်းများအရ သိရသည်။
ရန်ကုန် – ဒလ တံတား ပြီးစီးသွားပါက ရန်ကုန်မြို့တွင်းမှ ယာဉ်ကြောပိတ်ဆို့မှုများ အတိုင်းအတာတစ်ခုထိ လျှော့နည်းသွားနိုင်မည် ဖြစ်ကြောင်းသိရသည်။
အဆိုပါ မြန်မာ-ကိုရီးယား ချစ်ကြည်ရေး (ဒလ)တံတားသည် နိုင်ငံတော်သမ္မတဟောင်း ဦးသိန်းစိန်လက်ထက်က နှစ်နိုင်ငံ ချစ်ကြည်ရေးအတွက် စတင်အကောင်ထည်ဖော်ခဲ့သည့် ရန်ကုန်မြစ်ကူး တံတား စီမံကိန်း ဖြစ်သည်။
အဆိုပါ တံတား ပြီးစီးသွားပါက ရန်ကုန်မြို့မှတဆင့် ဒ လ၊ တွံတေး၊ ကော့မှူးနှင့် ကွမ်းခြံကုန်းမြို့နယ်များသို့ လွယ်ကူလျင်မြန်စွာ သွားလာနိုင်မည်ဖြစ်ပြီး ရန်ကုန်မြို့ ၏ ယာဥ်ကြောပိတ်ဆို့မှုများကို အတိုင်းအတာ တစ်ခုအ ထိ ဖြေရှင်းပေးနိုင်မည်ဟု ကျွမ်းကျင်သူများက သုံးသပ်ကြခြင်း ဖြစ်သည်။
ရန်ကုန် – ဒလမြစ်ကူး တံတားတည်ဆောက်ရေး စီမံကိန်းကို ၂၀၁၈ ခုနှစ် ဇန်နဝါရီလတွင် စတင်ခဲ့ပြီး ၂၀၂၀ ပြည့်နှစ် ဒီဇင်ဘာလတွင် ပင်မတံတား ဘိုးပိုင် (၄၆) လုံးအ နက် (၂၇) လုံးကို ကွန်ကရစ် လောင်းဆောင်ရွက်နိုင်ခဲ့ကြောင်း သိရသည်။
ယခုနှစ် ဧပြီလ (၉) ရက်မှ စတင်ပြီးကာ ရန်ကုန်ဘက်ချဥ်းကပ်တံတား ယက်မတပ်ဆင်ခြင်း လုပ်ငန်းများကို လုပ် ဆောင်ခဲ့ကြောင်း သိရသည်။
ပြီးခဲ့သည့် ဇွန်လ (၉) ရက်က နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်ကိုယ်တိုင် အဆိုပါ တံတားတည် ဆောက်နေသည့် စီမံကိန်း ဧရိယာအတွင်း လာရောက်ကြည့်ရှု စစ်ဆေးမှုများ လုပ်ဆောင်ခဲ့ သေးသည်။
ယင်းသို့ လာရောက် ကြည့်ရှုစဉ်က တံတားတည်ဆောက်ရေးလုပ်ငန်း တာဝန်ရှိသူများအား တံတား ရေရှည်တည် တံ့ခိုင်မြဲရေးနှင့် သဘာဝဘေးအန္တရာယ် ဒဏ်ခံနိုင်မှုအားတို့ကိုပါ ထည့်သွင်းစဉ်းစား၍ တွက်ချက်ဆောင် ရွက်ကြရန် မှာကြားခဲ့သည်။
ရန်ကုန်-ဒလ တံတားသည် အရှည် ၁၈၆၈ မီတာ အကျယ် ၂၆.၅ မီတာရှိပြီး (၄)လမ်းသွားတံတား ဘိုးပိုင်အုတ်မြစ် သံကူကွန်ကရစ် ကိုယ်ထည်နှင့် သံမဏိကြိုးဆိုင်းတံတားဖြစ်ကာ ခံနိုင်ဝန်မှာ (၇၅) တန် ဖြစ်ကြောင်း သိရသည်။
