ရုရှားဖက်ဒရေးရှင်းနိုင်ငံသို့ ရောက်ရှိနေသည့် သိပ္ပံနှင့်နည်းပညာဝန်ကြီးဌာန၊ပြည်ထောင်စုဝန်ကြီးဒေါက်တာမျိုးသိန်းကျော်သည် နိုဝင်ဘာ ၁၈ ရက်နံနက်ပိုင်းက Sanit Petersburg ရှိ Nuclear technology information center သို့လေ့လာကြည့်ရှုစဥ် လက်မှတ်ရေးထိုးခဲ့ခြင်းဖြစ်သည်။
မြန်မာနိုင်ငံတွင် နျူကလီးယားပညာအား ငြိမ်း ချမ်းသည့် ရည်ရွယ်ချက်ဖြင့် အသုံးပြုနိုင်ရေးကို ပြည်သူလူထုယုံကြည်စိတ်ချလက်ခံနားလည် သ ဘောပေါက်လာနိုင်စေရန် ရန်ကုန်မြို့၌ Nuclear Technology Information Center ဖွင့်လှစ်ရန် ရုရှားနိုင်ငံပိုင် အဏုမြူစွမ်းအင်ကော်ပိုရေးရှင်း ROSATOM နှင့်ပူးပေါင်းဆောင်ရွက်ရေး သဘော တူညီချက်အား လက်မှတ်ရေးထိုးခဲ့ကြခြင်းဖြစ် သည်။
ပြည်ထောင်စုဝန်ကြီးအား နျူကလီးယားနည်းပညာပြန်ကြားရေးဌာန ညွှန်ကြားရေးမှူးချုပ် ယာနစ်ချင်ကာက Nuclear Technology Information Center မှ ပြည်သူလူထုအတွက် အသိပညာပေး ဆောင်ရွက်နေမှုများအား ရှင်းလင်းတင်ပြခဲ့သည်။
ထို့နောက် Nuclear technology information center အတွင်း ပြသထားသည့် ပုံစံငယ်များ၊ Virtual Reality digital နည်းပညာဖြင့်ခင်းကျင်းပြသမှုများ၊စွမ်းအင်များကို အကျိုးရှိရှိထိရောက်စွာထုတ်လုပ်မှုများ၊ Nuclear နည်းပညာ၏ လူ သားနှင့်ပတ်ဝန်းကျင်အပေါ် မထိခိုက်စေဘဲ အ ကျိုးပြုမှုများနှင့်သတင်းအချက်အလက်များကို ကြည့်ရှုလေ့လာခဲ့ကြသည်။
ထို့ပြင် ပြည်ထောင်စုဝင်ကြီးသည် လွန်ခဲ့သည့်နှစ်ပေါင်း ၁၂၀ ကျော်ကစတင်တည်ထောင်ခဲ့သည့် Peter the Great St. Petersburg Polytechnic University သို့သွားရောက်လေ့လာကြည့်ရှုခဲ့ကြသည်။
ပါမောက္ခချုပ် ရုဒ်စကွိုင် အန်ဒရယ်အိက မြန်မာ နိုင်ငံ၏ လူ့စွမ်းအားအရင်းအမြစ်ဖွံ့ဖြိုးတိုးတက်ရေးအတွက် ကာလတိုသင်တန်းများ၊ကျွမ်းကျင်မှု လက်ဆင့်ကမ်းသင်တန်းများ၊ဘွဲ့လွန်သင်တန်းများ၊ Student exchange နှင့် faculty exchange အစီအစဉ်များဆောင်ရွက်နိုင်ရန် ဆွေးနွေးခဲ့သည်။
ထို့နောက် ပြည်ထောင်စုဝန်ကြီးသည် တက္ကသိုလ်အတွင်း သင်ကြားသင်ယူနေမှုများနှင့်လက်တွေ့ဆောင်ရွက်နေမှုများ၊သုတေသနစီမံကိန်းများကိုကြည့်ရှုခဲ့သည်။
Peter the Great St. Petersburg Polytechnic University သည် နိုင်ငံတကာအဆင့်မီ တက္ကသိုလ်တစ်ခုဖြစ်ကာ နိုဗယ်ဆုရသိပ္ပံပညာရှင်များမွေးထုတ်ပေးနိုင်သည့် တက္ကသိုလ်ဖြစ်ပြီး နိုင်ငံတကာအဆင့်မီကျွမ်းကျင်မှုပြည့်ဝသော သိပ္ပံနှင့်နည်းပညာနယ်ပယ်စုံ အသိပညာရှင်/အတတ် ပညာရှင်နှင့်အင်ဂျင်နီယာများကို ပြုစုပျိုးထောင်ပေးနေသည့် တက္ကသိုလ်ဖြစ်သည်။