၂၀၂၆ ခုနှစ် ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံ အမျိုးသား/အမျိုးသမီး ရိုးရာလက်ဝှေ့ပြိုင်ပွဲကို ဇွန် ၁၂ ရက်မှ ၁၆ ရက်အထိ မင်္ဂလာတောင်ညွန့်မြို့နယ်ရှိ
မြန်မာနိုင်ငံရိုးရာလက်ဝှေ့အဖွဲ့ချုပ်၊ သိမ်ဖြူလက်ဝှေ့ရုံ၌ ကျင်းပပြုလုပ်ခဲ့သည်။
ဇွန် ၁၆ ရက် ညနေ ၄ နာရီတွင် ဆုချီးမြှင့်ပွဲ အခမ်းအနားကိုကျင်းပခဲ့ပြီး အမျိုးသား (လူသစ်တန်း) ပြိုင်ပွဲနှင့် အမျိုးသား (ဂ) တန်းပြိုင်ပွဲများတွင် ပထမ၊ ဒုတိယနှင့် တတိယဆု ရရှိခဲ့ကြသည့် အားကစားသမားများအား ဆုငွေများ အသီးသီး ချီးမြှင့်ပေးအပ်ခဲ့သည်။
ဆက်လက်၍ အမျိုးသား (လူသစ်တန်း) နှင့် အမျိုးသား (ဂ) တန်းပြိုင်ပွဲများတွင် အကောင်းဆုံးဆုရရှိခဲ့ကြသည့် အားကစားသမားများအား ဆုကလပ်များနှင့် ငွေသားဆုများ ချီးမြှင့်ခဲ့ကြောင်း သိရသည်။
ယင်းနောက် အမျိုးသား (လူသစ်တန်း)၊ အမျိုးသား (ဂ) တန်းနှင့် အမျိုးသမီးပြိုင်ပွဲများတွင် ပထမဆုရရှိခဲ့သည့် မြို့နယ်အသင်းများအား ဆုဖလားများ ပေးအပ်ချီးမြှင့်ခဲ့ပြီး ပြိုင်ပွဲတစ်လျှောက် ရွှေတံဆိပ်ဆု ၃ ခု၊ ငွေတံဆိပ် ၁ ခု အများဆုံးဆွတ်ခူးရရှိခဲ့သည့် လှိုင်သာယာ(အနောက်) ကတံခွန်စိုက်ဖလားရရှိခဲ့သည်။
အဆိုပါပြိုင်ပွဲသို့မြို့နယ်များမှအမျိုးသား ၁၄၅ ဦး၊ အမျိုးသမီး ခုနှစ်ဦးဝင်ရောက်ယှဉ်ပြိုင်ကြပြီးပြိုင်ပွဲကိုဇွန်၁၂ရက်မှ ၁၆ ရက်နေ့ အထိနေ့ထိကျင်းပခဲ့ကြောင်းသိရသည်။