ရန်ကုန်မာနရှင်ဟူ၍ နာမည်ဂုဏ်ပုဒ်ဖြင့် ထင်ရှားကျော်ကြားထောင်လွှား မာနမြောက်ြ<ွကမြောက်ြ<ွကဖြစ်နေသောကြောင့် သူ့ကိုလူမုန်းများလှသည်မှာ မဆန်း။ သူက “မော်လမြိုင် အစား၊ မန္တလေးစကား၊ ရန်ကုန် အကြွား” ဟူသော အဆိုနှင့်အညီ အြ<ွကားကလည်း သန်သည်။ ဇာတိ မာန်ကလည်း အစွန်းရောက်ဟု အထင်ခံရလောက်အောင် ဟုန်းဟုန်း တောက်နေသည်။ မသိနားမလည် သူများဆိုလျင် ရန်ကုန်မာရှင်၏ လေတစ်လုံး၊ မိုးတစ်လုံးအဖြီးအဖြန်း အောက်မှာ ငုတ်တုတ်မေ့သွားနိုင်သည်။
” အရှေ့တောင်အာရှမှာ ဘာကြောင့် စင်္ကာပူထိပ်တန်းရောက်နေသလဲသိလား” ဟု ရန်ကုန်မာနရှင်က မူကြိုဘွဲ့ရ ဆင်းရဲသားတစ်ယောက် ကို ဟိတ်မာန်အပြည့်ဖြင့် မေးလိုက်သည်။ “မသိပါဘူးဆရာကြီး “ဟု မူကြို ဘွဲ့ရဆင်းရဲသားက မျက်စိပေကလပ်ဖြင့် ဝန်ခံသည်။
” မသိရင်မှတ်ထား စင်္ကာပူ ထိပ်တန်းရောက်နေသဟာ ငရို့မြို့ ရွှေဂုံ ရန်ကုန်စီးတီးကို အတုယူ အတုခိုးခဲ့ လို့ပဲလဟ။ အလောင်းမင်းတရားကြီး တည်ခဲ့တဲ့ မြို့ပီပီငရို့ရဲ့ ရန်ကုန်စီးတီး ဟာ ရွှေရောင်ငွေရောင် ပတ္တမြား ရောင်၊ စိန်ရောင် ပလက်တီနမ်ရောင် ဖိတ်ဖိတ်တောက်နေခဲ့တော့ စင်္ကာပူ တရုတ်တွေ အားကျပြီး ငရို့ရန်ကုန် ဒီဇိုင်းကို အတုခိုးခဲ့ကြ၊ နောက်လိုက် နောက်မြီးဆွဲ၊ ဒုတိယ ဖိုးစိန်လုပ်ခဲ့ကြ တာပေါ့လဟာ” ဟု ရန်ကုန်မာနရှင်က ဇာတိပုညဂုဏ်မာနဖြင့် အြ<ွကား တံခွန်ထူလိုက်သည်။ မူကြိုဘွဲ့ရ ဆင်းရဲသားကလေး သည် ငြိမ်ငြိမ်ဆိမ်ဆိမ်မနေဘဲ ရန်ကုန်မာနရှင် ဖြီးဖြန်းရမ်းတုတ်လိုက်သည့်စကားတွေကို ဟောင်ဖွာ ဟောင်ဖွာလျှောက်ပြောသည်။
” စင်္ကာပူဟာ ရန်ကုန်ကိုအတု ခိုးပါသတဲ့ဗျ။ စင်္ကာပူဟာ ရန်ကုန်ရဲ့ နောက်လိုက်နောက်မြီးဆွဲ၊ ဒုတိယ ဖိုးစိန်ပါတဲ့ခင်ဗျ”
ထိုအခါ စင်္ကာပူတွင် ဆယ်နှစ်ဆယ်မိုးမက နေထိုင်ခဲ့ပြီး သမ္မာအာဇီ ဝအလုပ်မျိုးစုံလုပ်ပြီး ကြီးပွားချမ်းသာလာကာ ရန်ကုန်တွင် အိမ်တွင်းစက် မှုလုပ်ငန်း ထောင်ထားသည့် အညာ သားတစ်ယောက်က မူကြိုဘွဲ့ရစကား ကိုကြားပြီး ရန်ကုန်မှာနေရင်း စင်္ကာပူကိုပဲ လွှတ်အထင်ကြီးနေသူပီပီ ဒေါဖောင်းသွားသည်။ ” ဟေ့ကောင်သောက်ရူး။ မင်းပါးစပ်ပိတ်လိုက်။ အဓိပ္ပာယ်မရှိတာ တွေ လျှောက်ပြောမနေနဲ့။ မင်းတို့ ရန်ကုန်က စင်္ကာပူခြေဖျားကိုတောင် မီတာမဟုတ်ဘူး”မူကြိုဘွဲ့ရကလည်း သာမ ညောင်ညမဟုတ်။ ရန်ကုန်မြို့တည် မင်းတရားကြီးအလောင်းဘုရား ဦးအောင်ဇေယျ ဇာတိနယ်မြေ ရွှေဘိုသားဖြစ်သည်။ ရန်ကုန်ထိလျှင် မချိအောင်နာတတ်သူ။
“မင်းက ဘာကောင်လဲ။ ပြည်ပ အားကိုး ပုဆိန်ရိုးတဲ့။ ရွှေဘိုသား အကြောင်းမသိဘူးမှတ်တယ်”
“ရွှေဘိုသားတော့မသိဘူး။ ရွှေ ဘိုမင်းကြိုက်ပေါင်တံရှည်ဆိုတာပဲ သိတယ်။ ဟီးဟီး ပေါင်တံရှည် .. ပေါင်တံရှည် ဟီးဟီး”
ဤတွင် မူကြိုဘွဲ့ရနှင့် စင်္ကာပူ ပြန်တို့၏ရန်ပွဲကို အချိန်မီ တားဆီး ရန် ရန်ကုန်မာနရှင် ရောက်ရှိလာလေသည်။
” ဟေး bro တို့ bro တို့၊ ကိုယ့် မြန်မာအမျိုးသားချင်း ခိုက်ရန်ဖြစ်ပွား အချင်းမများကြပါနဲ့။ မြန်မာ ပြည်သားအချင်းချင်း ညီရင်းအစ်ကို လိုနေကြမှပေါ့ကွာ။ တစ်ခုပဲ မင်းတို့ နှလုံးသွင်းလိုက်ကြ။ ဟောသည့် ရန်ကုန်ရွှေမြို့တော်ကြီးမှာ နေထိုင် ခွင့်၊ အသက်ရှင်ခွင့်ရတာ တစ်ခု တည်းနဲ့တင် ဘမသ တို့ဟာ လူဖြစ်ရ ကျိုးနပ်နေပါပြီ” ” ကျွန်တော်က စင်္ကာပူမှာ ဆယ့်လေးငါးနှစ်နေလာတဲ့ကောင်။ စင်္ကာပူအကြောင်း နောကြေနေ အောင်သိတယ်” ဟု စင်္ကာပူပြန်က လက်မထောင်၍ ပြောသည်။ မူကြို ဘွဲ့ရ ငမွဲကလည်း လေမလျှော့။
” ဟေ့ ငါကလည်း ပုဇွန်တောင်က စင်္ကာပူကျောင်းတိုက်နားမှာနေတာ နှစ်တစ်ရာကျော်ပြီကွ ဘာမှတ်တုန်း”
ရန်ကုန်မာနရှင်သည် လက်သီး လက်မောင်းတန်းနေသူနှစ်ယောက် ကြားမှာ ဝင်ရပ်သည်။ မိမိသည် ရန်ကုန်မာနရှင်ဖြစ်သော်လည်း ဤအချိန်တွင် မိမိ၏မာနကို လျှော့ တန်သလောက်တော့ လျှော့ရလိမ့်မည်ဟု ဆင်ခြင်သည်။ အဓိက ရည် ရွယ်ချက်မှာ နောင်လာနောက်သား တွေ ဖြစ်ကြသော စင်္ကာပူပြန်နှင့် မူကြိုဘွဲ့ရငမွဲတို့ နှစ်ယောက်စလုံး “သမိုင်းမှန်” ကို သိရှိသဘောပေါက် ကြရန် ဖြစ်လေသည်။ ရန်ကုန်၏ သမိုင်းမှန်ကိုသိမှ ရန်ကုန်သားဖြစ်ရ ကျိုးနပ်ပေလိမ့်မည်။
” အမှန်ကတော့ ၁၇၅၆ခုနှစ် ရန်ကုန်မြို့ကို အလောင်းမင်းတရားကြီးက ဒဂုံဘဝကနေ အသွင်ပြောင်းလိုက်တဲ့အချိန်မှာ စင်္ကာပူဆိုတာ မလေးရှားကျွန်းဆွယ်ရဲ့ အစွန်အဖျား ပစ္စန္တရာဇ်အငူကလေးဘဝမှာပဲ ရှိပါ သေးတယ် bro တို့။ ရန်ကုန်ဆိုတဲ့ အမည်နာမဟာဆိုလို့ ဆိုလို့ရှိရင် The end of strife ရန်ပွဲ ပဋိပက္ခ တို့၏ နိဂုံးကမ္ပတ်ဆိုတဲ့ အဓိပ္ပာယ် အနက်ပါပဲကွာ”
” ပါဠိတွေ ပေါရာဏတွေ ကြား ရတော နားကလောလိုက်တာဗျာ။ ဧကန္တ ခင်ဗျား ဘုန်းကြီးလူထွက်ပဲ ဖြစ်ရမယ်” ဟု စင်္ကာပူပြန်က မှတ်ချက်ချသဖြင့် ရန်ကုန်မာနရှင် နာမိ သော်လည်း ကြိတ်မှိတ်သည်းခံနေလိုက်၏။ ” အဲသလို အလောင်းမင်းတရားကြီးက အမည်ပြောင်းပေးခဲ့တဲ့ ရန်ကုန်ကို ၁၈၅၂ခုနှစ်မှာ နယ်ချဲ့ အင်္ဂလိပ်နဲ့ ဒုတိယအကြိမ် စစ်ဖြစ် တော့ သာယာဝတီမင်းက အင်္ဂလိပ် တွေ ခြေကုပ်မရအောင် မြေလှန်ဖျက် ဆီးပစ်လိုက်တာကရော..။ အဲသည် ရန်ကုန်မြို့ပျက်ကြီးကို မြို့ကွက် အသစ် ပြန်ရိုက်တဲ့နေရာမှာ အခရာ ကျတဲ့ ပုဂ္ဂိုလ်ကတော့ ခွဲစိတ်ကု ဆရာဝန်တစ်ယောက်ဖြစ်တဲ့ ဒေါက်တာမောင်ဂိုမာရီဆိုတဲ့ အင်္ဂလိပ်ပဲ။ ဒေါက်တာမာဂိုရီဟာ စင်္ကာပူမြို့တည်ခဲ့တုန်းက အတွေ့ အကြုံတွေနဲ့ ရန်ကုန်မြို့သစ်ကို ဒီဇိုင်းဆွဲခဲ့တာပါ။ သည်တော့ ရန်ကုန်နဲ့ စင်္ကာပူဟာ မြို့တော် ညီအစ်မလို့တောင် ခေါ်လို့ရပါ တယ်။ စင်္ကာပူဟာ လှပသလို ရန်ကုန်ဟာလည်း တင့်တယ်ခံ့ညား တယ်ဆိုသဟာ ငြင်းပယ်စရာ မရှိပါဘူး” စင်္ကာပူပြန်မှာ ရန်ကုန်မာနရှင် ကို အထင်သေးသောအကြည့်ဖြင့် ကြည့်နေရာမှ ..
” ခင်ဗျားဟာ လင်းတကြီးဖြစ် နေလျက်သားနဲ့ ဒေါင်းပါလို့ ဇွတ် ပြောနေတဲ့ ပလီစိချောက်ချက် ငတိကြီးပဲ” ဟုဆိုကာ ချာခနဲ လှည့်ထွက် သွားချိန်တွင် ရန်ကုန်မာနရှင် ဒေါသကို မထိန်းနိုင်တော့။ ” ဟိတ်ကောင် ပြည်ပအားကိုး ပုဆိန်ရိုး။ မင်းကိုမေးရိုးကျိုးအောင် ငါထိုးမကွ” ဟု အော်ဟစ်ကြုံးဝါး၊ လက်သီးဆုပ်ခြေလှမ်းပြင်သော ရန်ကုန်မာနရှင်ကို မူကြိုဘွဲ့ရငမွဲက ရှိသမျှခွန်အားကိုသုံး၍ ဖမ်းဆွဲချုပ် ကိုင်ထားသည်။ ” စိတ်ထိန်းပါဆရာကြီး။ အဲသည်ငနဲလို မျိုးချစ်စိတ်ဓာတ် ရှင်သန်ထက်မြက်မှုမရှိတဲ့ အကောင် စားကို ဆွဲထိုးနေလို့ အပိုပါပဲ။ အလ ကား လက်သနပါတယ်ဗျာ။ မေ့ လိုက်စမ်းပါ” ရန်ကုန်မာနရှင်သည် ရှူးရှူးရှဲ ရှဲဖြစ်နေရာမှ မူကြိုဘွဲ့ရငမွဲကို ကြည့် လိုက်ပြီး “မင်းကတော့ ငရို့ရန်ကုန်စီးတီးကို ဘယ်လိုသဘောရလဲ” လို့ မေး လိုက်သည်။
” မေးမှမေးတတ်ပလေ ဆရာ ကြီးရယ်။ ရန်ကုန်ဟာ ကျွန်တော်တို့ ငမွဲများရဲ့ လိုတရရွှေ မြို့တော်ကြီးပါ ခင်ဗျ။ ဘယ်တော့မှ မကုန်ခန်းနိုင်တဲ့ ထမင်းအိုးကြီးပါခင်ဗျ။ အရင်းအနှီး ငွေကြေးမလိုဘဲ ပလတ်စတစ်လိုက် ကောက်ရုံနဲ့ ထမင်းဝနိုင်တဲ့ ပြိုင်စံရှား မြို့တော်ကြီးပါခင်ဗျ။ သူ့ဆီက လူ တစ်ယောက် တောပြန်သွားရင် သူ့ ဆီကိုတောက လူတစ်ရာလောက် လေချွန်ပြီး ခေါ်နိုင်တဲ့ တန်ခိုးရှင်မြို့ တော်ကြီးပါ ခင်ဗျ” မူကြိုဘွဲ့ရငမွဲက ရန်ကုန်ချီးမွမ်း ခန်းဖွင့်နေစဉ်မှာပဲ ရန်ကုန်မာနရှင် သည် အောက်ခြေလွတ်ကာ လေထဲ သို့ ကိုးရိုးကားရား လွင့်ပါသွား လေ သတည်း။
ကြူးနှစ်