ဂျင်သည် ဂျင်ပေါ်က ထုံးထက် အဆပေါင်းများစွာ ပို၍ မွှတ်နေအောင်လည်သည်။ တစ်ခါတစ်ရံတွင် ရန်ကုန်ဂျင် “အလည်လွန်” သဖြင့် ဘယ်မှာလိုက်ရှာရမှန်းပင် မသိတော့။ အမှန်ပင် သူသည် နာမည်ဂုဏ်ပုဒ်နှင့် လိုက်ဖက်စွာ လည်လည်ပတ်ပတ်၊ ပါးပါးနပ်နပ်ရှိ လှ သည်။ သူ့ကို လိမ်ညာလှည့်စားမည့် လူလိမ် လူကောက်များမှာ သူ့ကို မလိမ်ရမီ၊ လိမ်ညာ ဖို့ ကြံစည်ခိုက်မှာပင် သူတို့ကို ရန်ကုန်ဂျင်က တစ်ပတ်သာမက နှစ်ပတ်၊ သုံးပတ် ရိုက် လိုက်သဖြင့် မရပ်မနား ချာချာလည်ကာ ဦးနှောက်ပျက်သွားကြပြီး ရွာသာကြီးရှိ စိတ်ကူးယဉ်ဂေဟာသို့ ရောက်သွားကြရကုန်သည်။
အလွန်ရိုးသားသော ဆူးလေ ဘိုးဘိုး ကြီးက ရန်ကုန်ဂျင်အား ” သီပေါဘုရင်ခေတ် ကသာ ရန်ကုန်ဂျင်တစ်ယောက် မန္တလေးနန်း တွင်းမှာ ရှိနေခဲ့ရင် အင်္ဂလိပ်တွေကို ရန်ကုန် ဂျင် လှည့်စားလိုက်တာနဲ့ အင်္ဂလိပ်တွေ ဦးနှောက်သပွတ်အူလိုက်ပြီး မြန်မာ့ထီးနန်း ဆုံးရှုံးခဲ့မှာ မဟုတ်ဘူး။ ဒါမှမဟုတ် နယ်ချဲ့အင်္ဂလိပ်က မန္တလေးကိုမသိမ်းခင် မင်းကို အရင်ခေါင်းဖြတ်သတ်မှာကွယ့်” ဟု ချီးမွမ်း ခြေကျောက် ပြောဆိုသောအခါ ရန်ကုန်ဂျင် က ပခုံးအစုံတွန့်၍ ပြုံးလေသည်။
” အဲဒီတုန်းက ကျွန်တော်မျိုးရှိ နေခဲ့ရင် ရန်ကုန်တောင် အသိမ်းမခံရပါဘူး။ ကျွန်တော်မျိုးက ရန်ကုန်သားအစစ်၊ ရန်ကုန်မျိုးချစ်၊ ရန်ကုန် ဂျင်ပဲဥစ္စာ။ ပင်လယ် ဝမှာရောက် နေတဲ့ အင်္ဂလိပ်ရေတပ်ဆီကိုသွားပြီး ရန်ကုန် မှာ ပလိပ်ရောဂါကပ်ဘေး ကျရောက်နေတယ်၊ မင်းတို့ဝင်လာရင် အကုန်မသာပေါ်မှာပဲလို့ သွားလိမ်ပြောလိုက်ရင် ဒီကောင်တွေ သွေးပျက်လောက်အောင်ကြောက်ပြီး အိန္ဒယ သမုဒ္ဒရာထဲ ပြန်လှည့်ပြေးကြမှာ ဘိုးဘိုးရဲ့။ အင်္ဂလိပ်တွေက ပလိပ်ရောဂါအသံကြားတာ နဲ့ ဖင်တုန်အောင် ကြောက်တတ်ကြတာ။ အင်္ဂလိပ်တွေမှာ ပလိပ်ရာဇဝင် ရှိခဲ့တာကိုး။ ခရစ်နှစ် ၁၆၆၅ ခုနှစ် ဇူလိုင်လမှာ ဗြိတိန် နိုင်ငံ မြို့တော်လန်ဒန်မှာ ပလိပ်ရောဂါဖြစ်တော့ ရက်သတ္တတစ်ပတ်ကို လူနှစ်ထောင် လောက် သေတာတဲ့။ လန်ဒန်ရွှေမြို့တော် ကြီးဟာ မြို့ပျက်ကြီးလို ဖြစ်သွားကရော”ရန်ကုန်ဂျင်က ထိုသို့အချက်နှင့် အလက် နှင့် ပြောနိုင်အောင် ဗဟုသုတ ဆည်းပူးထားသူလည်းဖြစ်ပေသည်။ အဖြစ်အပျက်တစ်ခု ကို သူကိုယ်တိုင်ကြုံတွေ့ခဲ့ရဘိသကဲ့သို့ တိတိကျကျပြောနိုင်စွမ်းလည်းရှိသည်။
” အဲသည်တုန်းကဆိုရင် လန်ဒန် ရွှေမြို့ တော်ကြီးမှာ အိမ်တိုင်းလိုလို တံခါးတွေပိတ် ထားကြတာ ဘိုးဘိုးရဲ့။ အိမ်တံခါးမကြီးတွေပေါ်မှာ Lord, have mercy on us ဆိုတဲ့ စာတန်းနဲ့ ကြက်ခြေနီသင်္ကေတတွေ ရေးထားကြတယ်” “ဘိုလိုမသုံးစမ်းနဲ့လကွာ။ မျိုးချစ်စိတ် ဓာတ်ရှင်သန်ထက်မြက်တဲ့အနေနဲ့ မြန်မာလိုပြောပါလဟ”
” အဲဒီစာတန်းအဓိပ္ပာယ်က (ဘုရားသခင်..အကျွန်ုပ်တို့အား ငဲ့ညှာသနားတော်မူပါ) တဲ့ ဘိုးဘိုးရဲ့။ တစ်မြို့လုံး အသုဘ ခေါင်းလောင်း ထိုးသံတွေ တစ်ညံညံနဲ့ပေါ့။ အလောင်းတွေလာသယ်ကြတဲ့ သုဘရာဇာ တွေကလည်း Bring out your dead လို့ အော်နေကြသတဲ့။ မြန်မာလိုကတော့ (အိမ်ထဲက အလောင်းတွေ အပြင်ကိုထုတ်ထား ကြ)လို့ နှိုးဆော်တာပေါ့ ဘိုးဘိုးရယ်” ဟု ရန်ကုန်ဂျင်က လူတတ်ကြီးလုပ်ပြီး ပြောနေစဉ် ဆူးလေဘိုးဘိုးကြီး စိတ်အလိုမကျသလို မျက်နှာထားတင်းလာ၏။
” ဟဲ့ကောင် ရန်ကုန်ဂျင်၊ ကျက်သရေကျက်သရာမရှိတဲ့ စကားတွေ ရပ်တန်းကရပ်တော့လကွာ။ ပလိပ်ရောဂါဆိုတာ ကပ် ဆိုက်တာပဲ။ ကပ်ကြီးသုံးပါးထဲက ရောဂန္တရ ကပ်လို့ခေါ်တဲ့ အလွန်ကြောက်မက်ဖွယ် ကောင်းလှတဲ့ ဘေးဆိုး၊ အန္တရာယ်ဆိုး ကျရောက်တာပဲ။ ပလိပ်ရောဂါ အကြောင်း စကားမဆက်နဲ့တော့။ ဆက်ရင် ငါ့တောင် ဝှေးက နဂါးမျက်စောင်းလို အကြောင်းသုံးပါး ရွေးတာမဟုတ်ဘူးနော”
” မှန်လှပါ ဘိုးဘိုး။ ပလိပ်ရောဂါအကြောင်း မပြောတော့ပါဘူး။ ပလိဇ် Police လို့ခေါ်တဲ့ ပုလိပ်အကြောင်းပြောပါရစေ။ အခုခေတ်မှာတော့ မျိုးချစ်စိတ်ရှင်သန်ထက် မြက်စွာနဲ့ (ရဲ) လို့ ခေါ်နေကြပါပြီ။ ရန်ကုန်ပလိဇ်တွေ၊ အဲလေ..ယောင်လို့၊ ရန်ကုန်ရဲတွေဟာ အခုတလော လူပြောသူပြောသိပ်များနေတယ် ဘိုးဘိုးရဲ့”” လူပြောသူပြောများတာ ကောင်းတာပေါ့လဟ။ ထင်ပေါ်ကျော်ကြားတဲ့ news – maker တွေ ဖြစ်သွားကြတာပေါ့”
ဆူးလေဘိုးဘိုးကြီးမှာ ရန်ကုန် မြို့လယ်ကောင်၊ အထင်ကရ ဗဟိုရ်ချက်မမှာ ရုံးထိုင်သော ပုဂ္ဂိုလ် ဖြစ်သော်လည်း မျက်စိမဖွင့်၊ နားမစွင့် တတ်သေးသဖြင့် ဗဟုသုတခေါင်း ပါး ရှာသည်။ ရန်ကုန်ဂျင်သည် စိတ်ပျက်လက်ပျက် ပခုံးတွန့်လိုက်ပြီး
” ဟာ..ဘိုးဘိုးကြီးက လည်း အဝေဖန်ခံရ တိုင်း ထင်ရှားကျော်ကြားတယ်လို့ မပြောနိုင်ဘူးလေ။ နာမည်ကောင်းနဲ့ ထင်ရှားမှ Famous ဖြစ်တာ။ နာမည်ညံ့နဲ့ထင်ရှားရင် Notorious ဖြစ်သွားကရော။ ပြည်သူလူထု တံတွေးခွက်ထဲ ပက်လက် မျောတယ်ဆိုတာမျိုး၊ ပြည်သူလူထုရဲ့ ယုံကြည် မှုမရတော့တာမျိုးပေါ့” ဟု ပြောလိုက် သည်။ ရန်ကုန်ဂျင်က ထိုစကားလုံးကလေးတွေ ညှပ်သုံးလိုက်တိုင်း ဆူးလေဘိုးဘိုးကြီးမှာ တံတွေးစင်မှာစိုး၍ နောက်သို့ ခုန်၍ ခုန်၍ရှောင်နေရရှာသည်။ ရန်ကုန်ဂျင်ကိုလည်း တောင်ဝှေးဖြင့်ရွယ်သည်။
” ဟဲ့ကောင်..နင့်ပထွေးရဲ့ စကားလုံးတွေ မပြောနဲ့။ မြန်မာလိုပြော၊ မျိုးဖျက်သစ္စာဖောက်ကောင်” ဟုလည်း အော်သည်။” ဆောရီး..အဲမှားလို့။ ကန်တော့ပါ ဘိုးဘိုးကြီး။ ဘိုးဘိုးကြီးက news- maker ဆိုပြီး ဘိုစကားညှပ်သုံးတော့ ကျွန်တော် ဘာမှမပြောဘူးနော်။ ကျွန်တော့်ကျအပြစ် တင်တယ်။ လူကြီးတွေဟာ သည်အချိုးချည်းပဲ။ သူတို့မှာအပြစ်ရှိရင် မသိချင်ယောင်ဆောင်တယ်။ သူတစ်ပါးအပြစ်ကျတော့ စက္ကန့်မဆိုင်း လက်ညှိုးငေါက်ငေါက်ထိုး တယ်။ တရားကျစရာ လောကကြီးပါလား” ဆူးလေဘိုးဘိုးကြီးက တောင်ဝှေး ကိုင် မြှောက်လိုက်ပြီး..
” ဟေ့..ပြောနေ စကားကြောရှည်မယ်။ မင်းဟာ ရန်ကုန်မှာ ဝီခေါ်အောင်မွှတ် နေတဲ့ ရန်ကုန်ဂျင်ဖြစ်နေတာမို့ မင်းကို ငါအထူးတာဝန်ပေးမယ်။ ထူးရှယ်တာဝန် ပေါ့လကွာ” “မိန့်တော်မူပါ ဘိုးဘိုးကြီး”
” ရန်ကုန်မှာ ဖြစ်ပွားခဲ့တဲ့ ရာဇဝတ်မှု ကြီးတွေမှာ တရားခံမပေါ်ဘူး ဖြစ်နေတာ ကြာပြီ။ ရှေးတုန်းက ရဲတွေက စိန်ဓားမြှောင် ဆိုလည် ကွီခနဲ ဖမ်းနိုင်တာပဲ။ စိန်ရဲတင်းဆို လည်း ဒိုင်းခနဲ ဖမ်းမိတာပဲ။ စိန် ဂေါ်လီဆိုလည်း ရွှတ်ခနဲ ဆွဲထားလိုက်တာပဲ။ အခု ခေတ်ရဲတွေမှာ အားနည်းချက် တစ်ခုခုရှိနေ သကွ။ နတ်မောက်လမ်း ငါးလောင်းပြိုင်အမှု မှာလည်း တရားခံတစ်ယောက်မှ မမိဘူး။ မင်္ဂလာဒုံ လေးလောင်းပြိုင်ဆိုလည်း နိုးပဲ။ နေ့ခင်းကြောင်တောင် မြေနီကုန်းက ဘဏ် ကို အနုကြမ်းဝင်စီးတဲ့ အကောင်နှစ်ကောင် လည်း လွတ်သွားတယ်။ (ဟော..) မကြာခင်ကပဲ တောင်ဒဂုံမှာ ရဲတွေကို ကားနဲ့ဝင် တိုက်ပြီး ထွက်ပြေးတဲ့ မူးယစ်တရားခံပြေး နဂါးလေးဆိုတဲ့ သတ္တဝါလည်း လွတ်သွားပြန် ကရော။ အဆိုးဆုံးကတော့ လေဆိပ်က သေနတ်သမားကြည်လင်းကိုမိ၊ သူ့ဘော်ဒါ ကြံရာပါ အောင်ဝင်းဇော်ကိုလည်း မိပေမယ့် နောက် ကွယ်က အဓိက လက်မည်းကြီးတွေက ပျောက်ချင် မလှ ပျောက်နေတယ်။ ဒီတော့ (ရာဇဝတ်ဘေး ပြေးမလွတ်) ဆိုတဲ့ ဆောင် ပုဒ်ကို အကောင်အထည်ဖော်ဖို့ အင်မတန် လည်ပတ် ပါးနပ်လှတဲ့ မင်းကို ငါတာဝန်ပေး မယ်။ ရန်ကုန်ဂျင်ပီပီ ရန်ကုန်တိုင်းအတွင်းက ဝရမ်းပြေးမှန်သမျှကို မိအောင်လိုက်ဖမ်းလေ တော့။ အောင်မြင်ရင် မင့်ကို ဂုဏ်ပြုဘွဲ့ထူး အမျိုးပေါင်း တစ်ရာလောက် ချီးမြှင့်မယ့်အပြင် ငွေသားဆုလည်း သိန်းထောင်ချီပြီး ပေးမယ်။ ကဲ..ဂိုးတော့”
” အိုကေ..ဘိုးဘိုးကြီး..အိုကေ”
ကျွန်ုပ်တို့၏ ရန်ကုန်ဂျင်သည် တရား ဥပဒေစိုးမိုးရေး၊ ရပ်ရွာအေးချမ်းသာယာ ရေးတို့အတွက် တရားခံပြေးများ ဖမ်းဆီးရန် အသွင် အမျိုးမျိုးယူလျက် ရန်ကုန်တိုင်း အတွင်း နေ့မအိပ်၊ ညမအိပ် လှည့်လည်နေ တော့၏။ မကြာမီ တစ်နေ့သောအခါမှာ ရန်ကုန်ဂျင်သည် ဒဏ်ရာဗရပွ၊ ပတ်တီး အထပ်ထပ်၊ ပလာစတာတွေ ဝေဝေဆာဆာ နှင့် ဆူးလေဘိုးဘိုးကြီးထံ ကုပ်ကုပ်ကလေး ရောက်လာရှာလေ၏။ ထို့နောက် ငိုသံပါ ကလေးဖြင့်.. “ကျွန်တော်မျိုးသတင်းထောက် လှမ်း ရင်း အကောင်ကြီးကြီး၊ အမြီး ရှည်ရှည်အိမ် က ခွေးဘီလူးတွေ ဝိုင်းဆုံးမတာ ခံလိုက်ရ တယ်။ ကျွန်တော်မျိုးကို သနားသဖြင့် ကယ်တော်မူပါဦး ဘိုးဘိုးကြီးရယ်”
ကြူးနှစ်