ထိုင်းနိုင်ငံ၊ရနောင်းခရိုင်၊မင်မြို့ဘန်နော်ကျေးရွာအနီးတွင် ဘုရားဖူးပြန်လာသည့် မြန်မာနိုင်ငံသားများလိုက်ပါလာသည့် မီနီဘတ်စ်ကား ဒီဇင်ဘာ ၂၈ ရက်ညပိုင်းက တိမ်းမှောက်ခဲ့ကြောင်း သိရသည်။
ယင်းနေ့ည ၇ နာရီခွဲခန့်က ရနောင်းခရိုင်၊မင်မြို့ဘန်နော်ကျေးရွာအနီး ဘန်းနွန်းလမ်းမကြီးပေါ်၌ ဘုရားဖူးပြန်လာသည့် မြန်မာနိုင်ငံသားများလိုက် ပါလာသည့် မီနီဘတ်စ် ကားသည် ဘီးပေါက်၍ အရှိန်မထိန်းနိုင်ဘဲတိမ်းမှောက်သွားခဲ့သည်။
တိမ်းမှောက်မှုကြောင့် ဘတ်စ်ကားပေါ်၌လိုက်ပါလာသူများအနက် ကလေးငယ် ၁ ဦးအပါအဝင်အများအပြားထိခိုက်ဒဏ်ရာများ(စိုးရိမ်ရနှင့်မစိုးရိမ်ရ)များရရှိခဲ့ကြကြောင်း သိရသည်။
ဖြစ်စဥ်အား ရနောင်းခရိုင်တာဝန်ရှိသူများနှင့်လူမှုကူညီရေးအသင်းများက ကူညီကယ်ဆယ်ရေးလုပ်ငန်းများ ပြုလုပ်ပေးခဲ့ကြပြီး ထိခိုက်ဒဏ်ရာရသူများအား အရေးပေါ်ပြုစုကုသမှုများပြုလုပ်ပေးခဲ့ကြကာ ရနောင်းဆေးရုံကြီးသို့ပို့ဆောင်ပေးခဲ့ကြကြောင်း သိရသည်။
အဆိုပါ ဘတ်စ်ကားပေါ်၌ ဘုရားဖူးပြန်လာသည့် မြန်မာနိုင်ငံသား ၃၈ ဦးလိုက်ပါလာခြင်းဖြစ်ပြီး ရနောင်းမြို့သို့ပြန်လာစဥ် ဖြစ်ပွားခဲ့ခြင်းဖြစ် ကြောင်း သိရသည်။
