နိုင်ငံတော်၏ ဆက်သွယ်ရေးနည်းပညာများတိုးတက်ရေးအတွက် Silicon Village အဖြစ်ရည်ရွယ်ဆောင် ရွက်နေသည့် ရတနာပုံဆိုက်ဘာစီးတီးစီမံကိန်း၌ လာရောက်ရင်းနှီးမြှုပ်နှံမည့် ပြည်တွင်း/ပြည်ပရင်းနှီးမြှုပ် နှံသူများအတွက် မြေနေရာများကိုခွင့်ပြုပေးမည်ဟု နိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့် အေး ချမ်းသာယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်က ပြောသည်။
နိုင်ငံတော်ယာယီသမ္မတမှ ယနေ့ ဒီဇင်ဘာ ၅ ရက်နံနက်ပိုင်းက ပြင်ဦးလွင်မြို့နယ်၊ ပြင်စာကျေးရွာအနီးရှိ ရတ နာပုံမြို့သစ်စီမံကိန်းနှင့် ရတနာပုံတယ်လီပို့အဆောက် အဦအားကြည့်ရှုစစ်ဆေးစဥ် ပြောကြားခဲ့ခြင်းဖြစ် သည်။
ရတနာပုံဆိုက်ဘာစီးတီးအား နိုင်ငံတော်၏ဆက်သွယ်ရေးနည်းပညာများတိုးတက်ရေးအတွက် Silicon Village အဖြစ်ရည်ရွယ်ဆောင်ရွက်ခဲ့သော်လည်း ၂၀၁၅-၂၀၂၀ ခုနှစ်တွင် New Mandalay Resort City စီမံကိန်းအဖြစ်ပြောင်းလဲလုပ်ဆောင်ခဲ့၍ ရတနာပုံ ဆိုက်ဘာစီးတီး၏ လုပ်ငန်းများရပ်တန့်သွားခဲ့သဖြင့် ယနေ့ခေတ်သည် IT ခေတ်ဖြစ်ရာ မြန်မာနိုင်ငံတွင် နည်းပညာဖွံ့ဖြိုးတိုးတက်ရေးကို မဖြစ်မနေအားပေးဆောင် ရွက်ရမည်ဟု ပြောသည်။
” ဒါ့ကြောင့် အရင် ဆိုက်ဘာစီးတီးမူလရည်မှန်းချက်တွေအပြင် ဉာဏ်ရည်တု(AI)နည်းပညာတိုးတက်ဖို့အ တွက်လည်း ရည်မှန်းဆောင်ရွက်ရပါမယ်။ အခုစီမံ ကိန်းကို နိုင်ငံတော်ရဲ့ IT နည်းပညာဖွံ့ဖြိုးတိုးတက်ရေးနဲ့ အီလက်ထရောနစ်ဆိုင်ရာပစ္စည်းတွေ အဓိကထုတ်လုပ်ဖို့အတွက်ရည်ရွယ်ဆောင်ရွက်ခဲ့တာကြောင့် ရတနာပုံ ဆိုက်ဘာစီးတီးစီမံကိန်းလုပ်ငန်းပြန်လည်စတင်ဖို့နဲ့ ဖွံ့ ဖြိုးတိုးတက်ဖို့ကိုဆောင်ရွက်ကြရပါမယ်”ဟု နိုင်ငံ တော် ယာယီသမ္မတက ပြောသည်။
ထို့ကြောင့် ရတနာပုံဆိုက်ဘာစီးတီးစီမံကိန်းတွင်လာရောက်ရင်းနှီးမြှုပ်နှံလိုသည့် ပြည်တွင်း/ပြည်ပရင်းနှီး မြှုပ်နှံမှုများကိုဖိတ်ခေါ်ရမည်ဖြစ်ကာ လုပ်ငန်းအမှန် တကယ်ဆောင်ရွက်မည့် ရင်းနှီးမြှုပ်နှံသူများအတွက်လိုအပ်သည့်မြေနေရာများကို ခွင့်ပြုပေးသွားမည်ဖြစ်ပြီး စီမံကိန်းနယ်မြေအတွင်း လုပ်ကိုင်ခွင့်ချထားပေးသည့် မြေနေရာများ၌ လုပ်ငန်းဆောင်ရွက်ခြင်းမရှိသည့် မြေနေရာများ၊ နေထိုင်ရန်ချထားပေးသည့် မြေနေရာများ၌ လူနေထိုင်မှုများမရှိသည့် မြေနေရာများအား စည်းကမ်းနှင့်အညီဖြစ်စေရေး စိစစ်ဆောင်ရွက်ရမည်ဟု ပြောသည်။
ရတနာပုံဆိုက်ဘာစီးတီးအား အစိုးရမှဖွံ့ဖြိုးတိုးတက်အောင်ဆောင်ရွက်သကဲ့သို့ ရတနာပုံမြို့သစ်အိမ်ရာဖွံ့ ဖြိုးတိုးတက်စေရေးအတွက်လည်း တိုင်းအစိုးရအဖွဲ့မှ စနစ်တကျဆောင်ရွက်ရမည်ဖြစ်ကာ ရတနာပုံမြို့သစ် စီမံကိန်းဧရိယာအတွင်း လူအပြည့်နေထိုင်မည်၊ ကုန်ထုတ်လုပ်ငန်းများဆောင်ရွက်မည်ဆိုပါက သောက်သုံး ရေများလုံလောက်စွာရရှိရေးအတွက် ကြိုတင်စီမံဆောင်ရွက်ရမည်ဖြစ်ကာ လျှပ်စစ်မီးလိုအပ်ချက်အား ကြိုတင်တွက်ချက်၍ အထက်ရဲရွာရေအားလျှပ်စစ်စီမံ ကိန်းမှဖြည့်တင်းဆောင်ရွက်နိုင်သည်ဟု နိုင်ငံတော် ယာယီသမ္မတမှပြောကြားပြီးနောက် ရတနာပုံမြို့သစ်စီမံကိန်းအတွင်းကြည့်ရှုစစ်ဆေးခဲ့သည်။