ရုရှားသမ္မတ ဗလာဒီမာပူတင်က ရင်ပြင်နီတွင် သူ၏ မဟာမိတ်များနှင့်အတူ အောင်ပွဲခံချီတက်ပွဲ ကျင်းပခဲ့ပြီးနောက်တစ်ရက်တွင် ဗြိတိန်၊ ပြင်သစ်၊ ဂျာမနီနှင့် ပိုလန်နိုင်ငံ ခေါင်းဆောင်များသည် ညီညွတ်မှုကို ပြသသည့်အနေဖြင့် စနေနေ့တွင် ကိဗ်ကို ရောက်ရှိခဲ့ကြကာ ယူကရိန်းသမ္မတ ဗိုလိုဒီမာ ဇလန်းစကီးနှင့် တွေ့ဆုံဆွေးနွေးခဲ့ကြသည်။
ယူကရိန်းစစ်ပွဲ ရက် ၃၀ အပစ်အခတ်ရပ်စဲရေးဆိုင်ရာ အမေရိကနှင့် ဥရောပတို့၏ အဆိုပြုချက်ကို မော်စကိုက ငြင်းဆိုပါက ပိတ်ဆို့အရေးယူမှုအသစ်များ ကို ပူးတွဲချမှတ်သွားမည့် အခြေအနေနှင့် ပတ်သက်၍ အစည်းအဝေးတွင် ဆွေးနွေးသွားမည်ဖြစ်ကြောင်း ပြင်သစ်သံတမန်သတင်းရင်းမြစ်တစ်ခုက ပြောဆိုခဲ့သည်။
ဗြိတိန်ဝန်ကြီးချုပ် ကီယာ စတားမာ၊ ပြင်သစ်သမ္မတ အီမန်နျူဝယ်လ် မေခရွန်၊ ဂျာမန်ဝန်ကြီးချုပ် ဖရိုက်ဒရစ်ချ် မာ့ဇ်နှင့် ပိုလန်ဝန်ကြီးချုပ် ဒေါ်နယ်တပ်စ်တို့သည် ပထမဆုံးအကြိမ်အဖြစ် ယူကရိန်းနိုင်ငံသို့ အတူတကွသွားရောက်သော နိုင်ငံလေးနိုင်ငံ၏ ခေါင်းဆောင်များဖြစ်သည်။
“တရားမျှတပြီး ရေရှည်တည်တံ့တဲ့ ငြိမ်းချမ်းရေးအတွက် ဆွေးနွေးမှုတွေ လုပ်ဆောင်နိုင်ဖို့ရာ ရက် ၃၀ အပစ်အခတ်ရပ်စဲရေးကို အပြည့်အဝနဲ့ ခြွင်းချက်မရှိ သဘောတူဖို့ အမေရိကန်ပြည်ထောင်စုနဲ့အတူ ကျွန်တော်တို့က ရုရှားကို တောင်းဆိုပါတယ်” ဟု ခေါင်းဆောင်လေးဦး၏ ပူးတွဲ သတင်း ထုတ်ပြန်ချက်တွင် ပြောကြားထားသည်။
Ref: ဘန်ကောက်ပို့စ်