ပြီးခဲ့သည့် အောက်တိုဘာလဆန်း (၄) ရက်က ရခိုင်ပြည် နယ် ကျောက်ဖြူမြို့နယ်အတွင်းရှိ ရခိုင့်ဦးဆောင်ပါတီ ဒုဥက္ကဋ္ဌဟောင်း ဦးကျော်လွင် ၏ နေအိမ်တွင် လက် နက်ကိုင်များက ဖမ်းဆီးသွားခြင်းဖြစ်ပြီး မည်သည့်အဖွဲ့အစည်းက ဖမ်းဆီးခဲ့သည်ကိုပင် ယနေ့အထိ မသိရသေးကြောင်း ရခိုင့် ဦးဆောင်ပါတီ ဥက္ကဋ္ဌ ဒေါက်တာအေးမောင်က ပြောသည်။
” ဖမ်းသွားတဲ့အဖွဲ့အစည်းကလည်း ဘာပဲဖြစ်ဖြစ် ပြောသင့်ပြီ။ ခင်ဗျားတို့တောင် မေးပြီလေ။ မိသားစုဆိုရင် ဘယ်လောက်ပူမှာလဲ။ မဟုတ်ဘူးလား။ ဘာအပြစ်မှလည်း ရှိတာမဟုတ်ဘူး။ ဘာကြောင့်ဆိုတာ အကြောင်း ပြချက်ပေးရမှာပေါ့။ သက်ဆိုင်တဲ့အဖွဲ့အစည်းပေါ်မှာ ပါတီအပေါ်မှာလည်း ဘာဖြစ်ဖြစ် လေးစားသမှုတော့ ရှိရမှာပေါ့။ အခုထိတော့ ဘာမှ မကြားရသေးပါဘူး” ဟု ဒေါက်တာအေးမောင်က ပြောသည်။
ဦးကျော်လွင်သည် မောင်တောမြို့နယ် ပညာရေးမှူးဆရာ မကြီး သတ်ဖြတ်ခံရမှုနှင့် ပတ်သက်၍ ၎င်း၏ အမြင်ကို Facebook လူမှုကွန်ရက် စာမျက်နှာပေါ်တွင် ရေးသားခဲ့သည့်အတွက် ရခိုင်လူထု၏အတွင်း အမျက်ဒေါသထွက်ခြင်း ခံခဲ့ရပြီးနောက် အောက်တိုဘာ (၄) ရက်တွင်
ကျောက်ဖြူမြို့နယ်အတွင်းရှိ ၎င်း၏ နေအိမ်တွင် လက်နက်ကို င်အဖွဲ့များ၏ ဖမ်းဆီးခြင်း ခံခဲ့ရခြင်း ဖြစ်သည်။
စတင်ဖမ်းဆီးချိန်တွင် ဦးကျော်လွင်နှင့်အတူရှိနေသည့် ရခိုင့်ဦးဆောင်ပါတီ ထိပ်ပိုင်းခေါင်းဆောင်း တစ်ဦးဖြစ်သ ည့် ဦးမောင်ကောင်းကိုပါ ဖမ်းဆီးခေါ်ဆောင်သွားပြီး ဦးမောင်ကောင်းမှာ အသက်အရွယ်ကြီးရင့်နေသည့်အပြင် ကျန်းမာရေး မကောင်းသည့်အတွက် ရက်အနည်းငယ်အကြာတွင် ပြန်လွှတ်ပေးခဲ့သော်လည်း ဦးကျော်လွင်မှာ လက်ရှိအချိန်ထိ ဖမ်းဆီး ခံထားရခြင်း ဖြစ်သည်။ဖမ်းဆီးခံခဲ့ရသည်မှာ တစ်လကျော်ကြာသည့် ယနေ့တိုင် သတင်းအစအနပင် မရသေးကြောင်း သိရသည်။
” သတ္တိမရှိလို့ ဖြစ်ရမှာပေါ့ ။ သတ္တိရှိရင် ဘယ်အဖွဲ့က ခေါ်သွားတယ် ဘာညာဆိုတာ ကြေညာချက်ထုတ်ရမှာပေါ့။ အစိုးရ အဖွဲ့အစည်းဆိုလည်း ကာလတစ်ခုရောက်ရင် တရားရုံးတင်ရမှာပေါ့ ။ မဟုတ်ဘူးလား။ စစ်တယ်ဆေးတယ် တစ်ရက်နှစ်ရက်ပေါ့။ တစ်ပတ်ပေါ့ဗျာ စသဖြင့်ပေါ့။ ဖမ်းသွားတဲ့အဖွဲ့အစည်းပေါ်မှာ တစ်ဖက်ကလည်း နားလည်နိုင်အောင်ပေါ့” ဟု ဒေါက်တာ အေးမောင်က ပြောသည်။
လက်ရှိတွင် ဦးကျော်လွင်၏ မိသားစုအပါအဝင် ဆွေးမျိုးသားချင်းနှင့် ၎င်းအား ထောက်ခံသည့် လူထုအနေ ဖြင့် စိုးရိမ်ပူပန်မှုများ ရှိနေကြကြောင်းလည်း သိရသည်။
ရခိုင်ပြည်နယ်အတွင်း တစ်ကျော့ပြန်ဖြစ်ပွားနေသည့် စစ်ရေးတင်းမာမှုများအကြား ပြည်သူလူထုမှာ ကျီးလန့်စာ စားဘဝရောက်နေရသည့်အပြင် ယခုကဲ့သို့ ဖမ်းဆီးခံရသည့် ဖြစ်စဉ်များ မကြာခဏ ဖြစ်ပေါ်နေပြီး အများစုမှာ ဒေသခံအရပ်သားများသာ ထိခိုက်နစ်နာရကြောင်း ပြော ဆိုသုံးသပ်မှုများလည်း ရှိနေသည်။