အန်ကာရာ၊ဒီဇင်ဘာ ၁၃
တရုတ်သမ္မတရှီကျင့်ဖျင်က ၎င်းတို့အနေဖြင့် ရုရှား – ယူကရိန်းအရေးအတွက် နိုင်ငံရေးနည်းအရဖြေရှင်းရန်အေခြအေနအတွက်ကြိုးပမ်းမည်ဖြစ်ကြောင်း ပြောကြားခဲ့သည်ဟုသိရသည်။
ပေကျင်းရှိ အာဏာရ ယူနိုက်တက်ရုရှားပါတီ ဥက္ကဌလည်းဖြစ်သည့် ရုရှားသမ္မတဟောင်း ဒီမီထရီမက်ဗီဒက်နှင့်တွေ့ဆုံစဉ် ရှီက ယခု ကဲ့သို့ မှတ်ချက်ပြုပြောကြားခဲ့ခြင်းဖြစ်ကြောင်း နိုင်ငံပိုင်ရုပ်သံ CCTV သတင်းဌာနကဖော်ပြခဲ့သည်။
ရှီက ရုရှားနှင့် မဟာဗျူဟာမြောက်ပူးပေါင်းဆောင်ရွက်မှုကို အားကောင်းစေမည်ဟုကတိပြုခဲ့ပြီး ယူကရိန်းစစ်ပွဲနှင့်ပတ်သက်သည့် ပေကျင်း၏ရပ်တည်ချက်ကို ထပ်လောင်းပြောကြားခဲ့သည်ဟုလည်းသိရသည်။
တရုတ်နိုင်ငံအနေဖြင့် မူဝါဒသုံးရပ်ကို လိုက်နာမည်ဖြစ်ပြီး ၎င်းတို့မှာ စစ်မြေပြင်များချဲ့ထွင်ခြင်းမပြုရန်၊ ရန်လိုမှုများကိုအရှိန်မမြှင့်ရန်နှင့် မီးလောင်ရာလေပင့် လုပ်ရပ်မျိုး မလုပ်ရန် တို့ ဖြစ်သည်ဟုလည်းထပ်လောင်းပြောကြားခဲ့သည်။
မော်စကိုနှင့်တရုတ်တို့သည်လည်း နှစ်နိုင်ငံပူးပေါင်းဆောင်ရွက်မှုများ၌ ပိုမိုနီးကပ်စွာဆောင်ရွက်သင့်ပြီး နှစ်ဖက်ပြည်သူများ၏အကျိုးစီးပွားအတွက် ယခုထက်ပိုကာ လက်တွဲဆောင်ရွက်လိုသည်ဟုလည်းရှီကဆက်လက်ပြောကြားခဲ့သည်။
Source : အန်နာဒိုလူ