ယနေ့ နိုဝင်ဘာ (၅)ရက် ညပိုင်းတွင် ၂၀၂၅ ခုနှစ်၏ အကြီးဆုံးနှင့် အတောက်ပဆုံး Super Moon ဖြစ်စဉ် ဖြစ်ပေါ်မည်ဟု မြန်မာ့နက္ခတာရာနှင့် သိပ္ပံပညာဝါသနာရှင်များအသင်းက အသိပေးထားသည်။
ပြီးခဲ့သည့် အောက်တိုဘာလအတွင် ယခုနှစ်၂၀၂၅ အတွက် ပ ထမဆုံးအကြိမ် စူပါမွန်းဖြစ်စဥ် ဖြစ်ပေါ်ခဲ့ပြီး အခု နိုဝင် ဘာလ (၅)ရက်၌ ဒုတိယမြောက် စူပါမွန်းဖြစ်စဉ် ဖြစ်ပေါ်ခြင်းဖြစ်ကာ လာမည့် ဒီဇင်ဘာလ (၄)ရက်တွင်လည်း၂၀၂၅ ခုနှစ်အတွက် နောက်ဆုံးစူပါမွန်းဖြစ်စဉ်ဖြစ်ပေါ်သွားမည်ဖြစ်ကြောင်း ဖော်ပြထားသည်။
စူပါမွန်း ဖြစ်စဉ်ဆိုသည်မှာ လသည် ကမ္ဘာနှင့် ပိုမိုနီးကပ်သ ည့် ” ပယ်ရီဂျီး (Perigee)” ဟုခေါ်သော အနီးဆုံးအမှတ်ကို ရောက်ရှိနေချိန်မှာ ဖြစ်ပေါ်လာသည့် လပြည့်ဝန်းကို ခေါ်ဆိုခြင်းဖြစ်သည်ဟုဆိုသည်။
ပုံမှန်အားဖြင့် လ၏ပတ်လမ်းသည် ဘဲဥ ပုံသဏ္ဌာန် (ellip tical) ဖြစ်ခြင်းကြောင့် ကမ္ဘာနှင့် အကွာအဝေးသည် အမြဲတ မ်း ပြောင်းလဲနေပြီး ပျှမ်းမျှအားဖြင့် (၂၃၈၈၅၅) မိုင်ခန့် ဝေးကွာကာ ယနေ့တွင် (၂၂၁၇၂၆) မိုင်ခန့်အထိလမှာ ကမ္ဘာနှင့် နီးကပ်လာမည်ဖြစ်ကြောင်း သိရသည်။
မြန်မာ့ပြက္ခဒိန်တွေအရ နိုဝင်ဘာလ (၄)ရက်သည် လပြည့်ညဖြစ်သော်လည်း တကယ်တမ်းလပြည့်ညမှာ နိုဝင်ဘာ(၅) ရက်နေ့တွင် ဖြစ်ပြီး မြန်မာပြက္ခဒိန်နှင့် အပြင်မှ လပြည့်ညမှာ တစ်ရက်ခန့်ကွာ ခြားတတ်သည်ဟု အသိပေးချက်တွင်ဖော်ပြထားသည်။
ယနေ့လပြည့်ချိန်မှာ နိုဝင်ဘာ (၅)ရက်ည (၇) နာရီ (၄၉) မိနစ်၌ လအပြည့်ဆုံးအချိန်ဖြစ်ကြောင်း ဆိုသည်။
ပုံစာ-စက်တင်ဘာ ၇ ရက်က လကြတ်ခဲ့စဉ် ပုံရိပ်များ